SHKODËR-Një 29 vjeçar me banim në Durrës dhe një grua 46-vjeçare më banim në Tiranë janë arrestuar në pikën kufitare të Muriqanit pasi udhëtonin me 15 kg kanabis në makinë.
 
Aldo Lajthia dhe Valbona Rustemi u arrestuan gjatë kontrollit të detajuar, të ushtruar në vijën e dytë nga shërbimet e Policisë Kufitare në dalje të Republikës së Shqipërisë.
 
Droga ishte fshehur në një vend të modifikuar në pjesën e poshtme të automjetit tip “Peugeot”, me targa AA 233 PP që drejtohej nga Aldo.
 
Nga veprimet hetimore të kryera, rezulton se shtetasit e mësipërm kishin si destinacion vendet e BE.
 
Materialet procedurale do t'i referohen për veprime të mëtejshme, Prokurorisë të Krimeve të Rënda Tiranë, për veprën penale: “Trafikimi i narkotikëve”, parashikuar nga neni 283/a/2 i Kodit Penal.

[gallery]21088[/gallery]

Redaksia Online
Al.N/Shqiptarja.com