(Analizë në kuadrin e një cikli paraprak analizash elektorale për 12 qarqet e Shqipërisë)
Në zgjedhjet parlamentare të vitit 2021, në Qarkun Shkodër, PS-ja pati rezultatin më të dobët në gjithë republikën. Mori vetëm 3 mandate deputetësh nga 11 gjithsej (27%). Kandidatët e saj për deputetë siguruan vetëm 30 mijë vota të vlefshme, nga 108 mijë gjithsej në qark (28%). Sidoqoftë, edhe pse doli shumë dobët në Qarkun Shkodër, PS-ja e siguroi fitoren në rang republike më 2021 (mori 48.7% të votave të vlefshme në rang vendi, përkthyer në 74 mandate parlamentare).
Por shumë ujë ka rrjedhur në Lumin Buna qysh atëherë…
Kështu, ish-dega e LSI-së në Qarkun Shkodër ka kaluar me PS-në, pas rikthimit të Ilir Metës në krye të ish-LSI-së. Ajo degë e ish-LSI-së ishte shumë e suksesshme më 2021 – mori mbi 10 mijë vota në Qarkun Shkodër, duke siguruar 1 mandat parlamentar (nga 4 gjithsej që siguroi ish-LSI-ja në rang vendi).
Më tej, në zgjedhjet lokale të vjetshme, PS-ja shënoi një rezultat befasues në Qarkun Shkodër – 5 kandidatët e saj për kryebashkiakë morën plot 56.4 mijë vota, ose 57.5% të votave të vlefshme për kryebashkiakë në qark. Pra, morën pothuaj dyfishin e votave që kishin marrë kandidatët e saj për deputetë më 2021…
Kuptohet që 56.4 mijë votat për kryebashkiakë socialistë në Qarkun Shkodër nuk mund të konsiderohen si vota të sigurta për PS-në në zgjedhjet e 2025-ës. Nuk duhet harruar se një pjesë e mirë e tyre ishin nga votues të PSD-së, e cila i përkrahu në terren kryebashkiakët socialistë.
Sidoqoftë, nga një analizë e hollësishme e votave në 411 qendra votimi të qarkut më 2021 dhe më 2023, si dhe nga një sondazh kombëtar me votues të këtushëm e në emigracion, më rezulton se bashkëpunimi i PS-së me ish-degën e LSI-së në Qarkun Shkodër mund të prodhojë 5 mandate parlamentare. Ndërsa PSD-ja duket se është e abonuar tek 2 mandatet në këtë qark (mori rreth 16.5 mijë vota më 2021 dhe rreth 21.5 mijë vota më 2023).
Meqë Qarku Shkodër ka numër tek mandatesh parlamentare (11), dhe meqë në lojë mbetet një numër tek mandatesh (9) për tu ndarë mes PD-së dhe PS-së, kësaj të fundit i mjafton qoftë edhe një votë më shumë se PD-ja, për të siguruar 5 mandate në qark.
Shtatë mandate të majta parlamentare (PS+PSD) do të ishin një ngjarje e jashtëzakonshme në Qarkun Shkodër, i cili ka gjithsej 11 mandate. Por kjo ngjarje do të ishte vetëm simbolike, sepse gjasat janë që PS-ja të marrë mbi 84 mandate në rang vendi…
SHËNIM: Pritet që në Qarkun Shkodër të kandidojë vetë Rama, i cili në të shkuarën ka kandiduar në qarqe me domethënie simbolike.
Lajme të tjera
-
'Gati shqipe', turi me diasporën, Rama nesër takim me shqiptarët e Londrës! Pamje nga salla
23 Nëntor, 07:32 -
Rama njofton takimin me Diasporën të dielën në Londër: Radha me shqiptarët e Britanisë së Madhe, në rrugën drejt Shqipërisë 2030!
22 Nëntor, 18:09 -
Komisioni Evropian mirëpret përfshirjen e Shqipërisë në zonën unike Euro (SEPA): Një hap përpara në integrimin drejt BE!
22 Nëntor, 16:44 -
Akademia Politike e PS-së, Rama: Më shumë të rinj që duan të angazhohen
22 Nëntor, 13:32 -
Reagimet e politikës për Ditën e Alfabetit! Rama: Gjuhën ta duam e përcjellim! Begaj: Simbol i bashkimit kombëtar! Basha: Prioritet për emigrantët
22 Nëntor, 08:56 -
Dita Kombëtare e Alfabeti/ Publikohet drafti i fjalorit të Gjuhës Shqipe, 120 mijë fjalë! Gjinushi: U morën 25 hartues
22 Nëntor, 08:01 -
Vrasja e 14 vjeçarit pranë shkollës 'Fan Noli', qytetarët pro nismës së mbylljes së TikTok dhe Snapchat
21 Nëntor, 18:10 -
Shqipëria pjesë e sistemit unik europian të pagesave! Rama: Hap i madh drejt BE-së në 2030! Nga 2025 dërgesat e parave nga Europa e anasjelltas pa kosto financiare
21 Nëntor, 16:58 -
Kuvendi Kombëtar i Gjuhës, Emil Lafe: Duhet mbrojtje ligjore! Nesër publikohet drafti për Fjalorin e madh të Shqipes
21 Nëntor, 12:03
-
Nesër publikohet drafti i fjalorit të madh të Gjuhës Shqipe, Rama: E hedhim në konsultim publik! Të mbrojmë shqipen nga barbarët e rrjeteve sociale
21 Nëntor, 10:58 -
Nis së shpejti projekti i ripërtëritjes së Ujërave Termale të Bënjës në Përmet, destinacion që preferohet nga turistët
21 Nëntor, 08:16 -
Vrasja e 14 vjeçarit, psikologia për Report Tv: Mbyllja e Tik Tok dhe Snapchat një masë jo vetëm për adoleshentët, por edhe ndaj atyre që kanë varësi
20 Nëntor, 20:54
