Shmanget tragjedia te Gjiri i Lalzit, policia shpëton nga mbytja tre pushues, mes tyre një fëmijë

Një tjetër tragjedi është shmangur sot në ujërat e bregdetit shqiptar. Tre pushues janë shpëtuar në prag të mbytjes te Gjiri i Lalzit, mes të cilëve edhe një fëmijë.

Policia bën me dije se ka shpëtuar fëmijën 11-vjeçar, i cili ndodhet në spital në Tiranë, si dhe dy persona të tjerë të moshuar, njëri prej të cilëve është sjellë në kryeqytet.

Vetëm një ditë më parë një 14-vjeçar rrezikoi të mbytej në Golem, por ndërhyrja e menjëhershme e dy kushërinjve të tij i shpëtoi jetën. Report Tv solli pamjet ekskluzive të momenteve kur dy kushërinjtë u futën në det dhe shpëtuan të riun.

Njoftimi i policisë:

Efektivët e Stacionit të Policisë Manëz shpëtojnë tre pushues nga mbytja, mes tyre një fëmijë. Pushuesit ndodhen jashtë rrezikut për jetën. Efektivët e Stacionit të Policisë Manëz, të cilët patrullojnë përgjatë vijës bregdetare në Gjirin e Lalëzit, paraditen e sotme kanë shpëtuar nga mbytja një fëmijë me iniciale E.P. 11 vjeçe, banuese në Tiranë, e cila ndodhet në spital Tiranë jashtë rrezikut për jetën.

LEXO EDHE:
Rama mbledh Asamblenë e PS më 17 mars te Gjiri i Lalëzit, në fokus rienergjizimi i partisë

Pak orë më vonë po në Gjirin e Lalëzit Efektivet e Stacionit të Policisë Manëz kanë shpëtuar nga mbytja dy shtetas të tjerë, shtetasit H.S. 70 vjeç dhe G.Xh. 65 vjeç, banues në Tiranë.

Shtetasi H.S. është larguar për në banesë pa probleme për jetën, ndërsa shtetasi G.Xh. ndodhet në Spital Tiranë jashtë rrezikut për jetën. Uniformat blu kanë shtuar shërbimet në zonat turistike për ti ardhur në ndihmë pushuesve, të cilët janë të lutur të telefonojë në numrin 112 për çdo problem.

TAG:
• gjiri i lalzit
• pushuesit

Sondazhi i ditës:

A ka politika frikë nga SPAK-u?

• Po

  68.6%

• Jo

  26.6%

• Nuk e di

  4.9%

Vota total: 3287

• Sondazhi i ditës:

  A ka politika frikë nga SPAK-u?

  Po Jo Nuk e di