Qeveria ‘Rama 2’ ka vendosur të mos kursehet sa i përket mbështetjes financiare për njerëzit e Vetingut, të cilëve shqiptarët dhe ndërkombëtarët u kanë besuar një prej reformave më të rëndësishme në historinë e pluralizmit shqiptar, atë të pastrimit të pallatit të drejtësisë nga prokurorët dhe gjyqtarët e korruptuar. Sipas një projektvendimi i përgatitur nga Parlamenti dhe qeveria, nëpunësit e Komisionit të Pavarur të Kualifikimit do të përfitojë një shtesë mujore mbi pagën, me vlerë nga 100 mijë deri në 200 mijë lekë të vjetra. Këtu nuk përfshihen anëtarët e trupave gjykuese, të cilët trajtohen veç financiarisht.
“Nëpunësit në pozicionet "sekretar i përgjithshëm", "drejtor", "përkthyes" "koordinator" dhe "specialist" në njësitë organizative të paragrafëve IV dhe V të lidhjes nr. 1 bashkëlidhur këtij vendimi, përveç pagës mujore përfitojnë një shtesë për natyrë të veçantë pune në masën 20.000 (njëzet mijë) lekë në muaj. Nëpunësit në njësitë organizative të paragrafit VI të lidhjes nr. l bashkëlidhur këtij vendimi, si dhe sekretari i Kryetarit, përveç pagës mujore përfitojnë një shtesë për natyrë të veçantë pune në masën 10.000 (dhjetë mijë) lekë në muaj”, thuhet në projektvendim. Gjithashtu, sipas projektit, nëpunësit në pozicionet që lidhen me procesin e informatizimit të administratës publike përfitojnë shtesë për natyrë të veçantë punë mbi pagën mujore sipas kushteve të përcaktuara në vendimin përkatës të Këshillit të Ministrave për pagat e nëpunësve civile.
Për kategori të ndryshme të administratës publike, sipas natyrës së veçantë punës, Këshilli i Ministrave ka përcaktuar shtesa mujore përveç pagën në masën 40 deri në 300 mijë lekë. Gjithashtu, projektvendimi parashikon që nëpunësit në pozicionet specialist arkivi, përfitojnë shtesë për kushte të vështira e të dëmshme për shëndetin sipas përcaktimeve të vendimit përkatës të Këshillit të Ministrave për pagat e nëpunësve civilë. Projektvendimi pritet të miratohet në seancën e ardhme plenare. Projektvendimi vjen pas një kërkese të firmosur nga kryetarja e Komisionit të Pavarur të Kualifikimit, Genta Tafa (Bungo), për shtesa mbi pagë për administratën e Vetingut si dhe për shtimin e numrit të punonjësve. Kërkesa për numrin e punonjësve është pranuar pjesërisht nga Komisioni i Ligjeve, por megjithatë pritet vendimi përfundimtar i Parlamentit.
Pagat e komisionerëve
Paga reale bruto e kryetares së Komisionit të Pavarur të Kualifikimit, organit më të rëndësishëm të Vetingut, është 395,376 lekë, ndërsa paga neto është 305.400 lekë në muaj. Paga bruto e anëtarëve të Komisionit të Pavarur të Kualifikimit është 372,661 lekë në muaj, ndërsa paga neto është 288.296 lekë në muaj. Në fund të vitit 2017, anëtarët e Komisionit të Pavarur të Kualifikimit janë shpërblyer me nga 1 milionë lekë të vjetra secili. Anëtarët e Vetingut dhe fëmijët gëzojnë edhe mbrojtje të veçantë. Ligji parashikon se, anëtarët e institucioneve të rivlerësimit, personat e lidhur me ta, personeli i institucioneve të rivlerësimit, si dhe personeli mbështetës i Operacionit Ndërkombëtar të Monitorimit gëzojnë të drejtën për mbrojtje të veçantë nga shteti për jetën, shëndetin dhe pasurinë e tyre, sipas legjislacionit në fuqi për mbrojtjen e veçantë.
Lajme të tjera
-
Ylli Pata: Pse Berisha zgjodhi të bllokojë rrugët para Krishtlindjeve?
21 Dhjetor, 18:24
-
Vendimet/ Qeveria shkarkon Dallëndyshe Bicin nga IKMT 6 muaj pas emërimit, rikthehet Ajet Zyberi! Ish-deputeti Xhindi largohet nga 'Illyrian Guard'
20 Dhjetor, 12:26
-
Çelja e negociatave për Grupkapitullin 6, Rama: Një tjetër ditë krenarie, drejt objektivit të anëtarësimit të Shqipërisë në BE brenda 2030 (FOTOT)
18 Dhjetor, 08:42 -
2024-a 'bilanc' negativ/ 1 në 4 biznese nëndeklaruan pagat! Gjysma e të punësuarve marrin deri në 2300 lekë në ditë
17 Dhjetor, 16:05
-
Anulimi i gjobave/ Balla në Komisionin e Ligjeve: Nisma, si në vendet e Bashkimit Europian! Qeveria shpreh dakordësinë në parim
17 Dhjetor, 12:03 -
Përurohet Teatri i Kukullave, Gonzato: BE s’është vetëm rregullore, por dhe ruajtje e identitetit! Rama-fëmijëve: Këtu ka qenë Parlamenti, na konsideroni si kukulla!
16 Dhjetor, 14:00 -
Armaldo Kllogjeri reagon për shkarkimin e Voshtinës, ish-drejtoreshës së TOB: Kush i bën gropën tjetrit, bie vetë brenda! Uroj që drejtori i ri të më rikthejë (VIDEO)
15 Dhjetor, 19:30 -
VENDIMI/ Qeveria ngre Zyrën e Administrimit të Parkut Kombëtar të ‘Lumit të Vjosës’! Drejtor, administratë, logo dhe stemë! Selia në Tepelenë
13 Dhjetor, 22:17 -
U largua gjatë Vettingut, KPA i jep të drejtë shkallës së parë dhe rrëzon Komisionerin Publik për ish-inspektoren e KLD: Sofia Zhilla ishte dorëhequr! (VENDIMI)
12 Dhjetor, 16:37 -
Berisha me grupet e punës në Lezhë për zgjedhjet 2025: Çmime janë trefishuar dhe kanë tejkaluar Gjermaninë e Italinë, shpopullimi i vendit në 40%
11 Dhjetor, 16:05 -
Pensionistët protestë te Kryeministria, kërkojnë përcaktimin e minimumit jetik dhe rritjen e pensioneve
11 Dhjetor, 11:19 -
Sektori privat në kah të kundërt me qeverinë, uli pagat e punonjësve gjatë sezonit të verës
10 Dhjetor, 14:25
