POP 5

Lajmet më të lexuara të 5 minutave të fundit

Ekonomi

Shpresë për eksportuesit! Euro 'ngre kokë' për herë të parë prej gushtit të 2024-ës

Valutat po njohin një rritje të vrullshme, më e larta që prej gushtit të vitit të kaluar. Ky forcim i valutave do të ndikojë pozitivisht në rritjen e fitimeve të eksportuesve.

Ditët e fundit të janarit po rrisin edhe pozitat e valutave, të cilat po forcohen më shumë përballë Lekut. Këtë të mërkurë Euro po këmbehet me 99.7 lekë duke u rritur me 0.96 lekë krahasuar me një ditë më parë. Ky është niveli më i lartë i euros që prej gushtit të vitit 2024, kohë kur euro zbriti në 98 lekë.

Po ashtu edhe dollari amerikan ka regjistruar rritje me 1.1 lekë në raport me fillimin e javës. Sipas kursit zyrtar të Bankës së Shqipërisë dollari këtë të mërkurë po këmbehet me 95.7 lekë nga 94.6 lekë që ishte të martën.

Forcimi i valutave pritet të ndikojë pozitivisht në fitimet e bizneseve eksportuese dhe tek remitancat pasi vlerat e tyre rriten, ndërsa një forcim i fortë i valutave, ndikon edhe në shtrenjtim të borxheve si për qytetarët ashtu edhe për shtetin kur ato janë marrë në valutë.

Zhvlerësimi i valutave vjet, kryesisht i euros uli fitimet e bizneseve eksportuese me afro 670 milionë euro vjet, pasi për shitjet që ata bën jashtë vendit, fituan më pak për shkak se këmbimi euro-lek u ul ndjeshëm.

Banka e Shqipërisë zhvlerësimin e monedhës evropiane e ka argumentuar me fluksin e lartë të euros që ka hyrë në vend prej turizmit, investimeve të huaja dhe remitancave, ndërsa ekspertët e kanë lidhur edhe me paranë informale.

Për të shmangur goditjet negative të kursit të këmbimit, Banka e Shqipërisë ka bërë thirrje që brenda vendit çdo pagesë të bëhet me monedhën kombëtare, si e vetmja zgjidhje për stabilitet në tregun valutor.

Ndërkohë Ministria e Financave në programin e reformave ekonomike 2025-2027, thotë se bankat duhet të promovojnë më shumë kursimin dhe marrjen e kredi në monedhën vendase.

G.M./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Korçë/ Pacienti shkon me bidon benzine te Dializa, kërcënon me zjarrvënie të vetes dhe repartit! Policia shmang tragjedinë, e shoqëron në Komisariat (EMRI)

Korçë/ Pacienti shkon me bidon benzine te Dializa, kërcënon me zjarrvënie të vetes dhe repartit! Policia shmang tragjedinë, e shoqëron në Komisariat (EMRI)

30 Janar, 13:26 nga Armand Braho