Shqipëria vlerësohet të ketë pasur një bum në sektorin e ndërtimit për vitin 2016, duke qenë se lejet e dhëna panë rritjen më të madhe në rang europian.

Sipas të dhënave të Eurostat, numri i lejeve ndërtimit pësoi një rritje mesatare në vendet e Bashkimit Europian më 2016 me 10.3 për qind, ndërsa në Shqipëri numri i lejeve të ndërtimit në vitin 2016 pati pothuajse një trefishim ose një rritje me 167 për qind.

Shqipëria futet në vendet me sipërfaqe të vogël banimi teksa projeksionet e popullisë janë me tkurrje.

Sipas OKB, më 2100, popullsia e Shqipërisë do të jetë 1.754.540 banorë, me rënie 1.2 milionë persona nga popullsia aktuale (2.9 milionë).


dy.b/shqiptarja.com