'Plumbi i artë' vijon! SPAK operacion në Tiranë, Elbasan e Durrës! Deri tani dimë 23 urdhërreste, mes tyre dhe për Talo Çelën! Arrestohet zv/ drejtori i burgut të Bradasheshit, masë edhe për ish gjyqtaren Fetahu (JA EMRAT)

Dy vellezerit: Klevi e Eraldo Baho

SPAK ka zbardhur dhe atentatin e bërë ndaj dy vëllezërve Baho në Peqin, ku njëri prej tyre Klevi Baho, mbeti i vdekur mesnatën e 1 korrikut 2019 ndërsa vëllai tjetër, Eraldo (Aldo)  Baho, u plagos rëndë.

Klevi Baho, kishte vetëm një muaj që kishte dalë nga burgu në Belgjikë, pasi drejtësia e këtij vendi e kishte dënuar për akuzën e vjedhjes kur iu bë atentat. 

Ti je Kevi.. Si ndodhi atentati ndaj vëllezërve Bao

Më 3 korrik 2019 në një shkrim të Shqiptarja.com zbuloi dhe detaje nga skena e krimit

Gjithmonë sipas burimeve një person i është afruar Klevi Baho, duke i thënë “…Ti je Klevi…? 22-vjeçari është përgjigjur duke i thënë:“…Nuk jam unë…”. Është larguar dhe në atë moment i ka telefonuar vëllait të tij i cili ka mbërritur menjëherë me automjetin tip “Audi” me targë AA 33 AZ. Të dy kanë hipur në makinë dhe janë larguar në drejtim të banesës së tyre që ndodhet më shumë se dy kilometra larg nga rruga nacionale.Sapo dy vëllezërit kanë marrë rrugën drejt shtëpisë, pas tyre është vënë një tjetër automjet, një Benz, i cili ka nisur të qëllojë me armë teksa makinat ishin në ecje. Me plumba në kokë dhe trup, Klevi Bako ka mundur të dalë nga makina, ndërsa vëllai i tij ka mbetur aty dhe ndihmën e parë ja kanë dhënë familjarët që dolën menjëherë pasi dëgjuan të shtënat. E kanë dërguar me urgjencë pranë spitalit kirurgjik në Elbasan nga ku raportohet se ka marrë tre plumba në shpatull,ndërsa prej afro 40 minutash nuk kanë mundur të gjejnë djalin e vogël të tyre.

SPAK ende nuk ka dale me nje njoftim zyrtar lidhur me këtë operacion. 

Në kuadër të operacionit të SPAK është lëshuar edhe urdhër arrest për shefin e krimeve në Durrës, Agostin Çinari, bëjnë me dije burime për Report Tv dhe Shqiptarja.com. 

Agostin Çinari zevendësoi në këtë detyrë Edmond Mustafën.

Më parë ai ka shërbyer në policinë e Pogradecit dhe të Elbasanit.

Foto:Erdal Durunay, Endrit Alibej, Arben Dylgjeri,Klevis Kapllani

SPAK ende nuk ka dhënë njoftim zyrtar lidhur me operacionin që vijon me ekzekutimin e një sërë urdhërarrestesh në kuadër të një operacioni kundër krimit të organizuar.

Mësohet se është zbardhur vrasja e Klevis Kapllanit dhe vrasja e trefishtë në Bradashesh ku mes viktimave ishte edhe vëllai i Erjon Alibej

Vrasja e Klevis Kapllanit

Klevis Kapllani u ekzekutua me breshëri plumbash brenda mjetit “Fiat Punto”, vetëm pak metra larg banesës së tij në fshatin Sinaballaj të Rrogozhinës.  Ai u gjet i pajetë rreth orës 06:00 të mëngjesit të 15 shtatorit të vitit 2020 nga një banor i zonës, i cili kishte dalë për të grumbulluar qumështin.

Por, për hetuesit, vrasja e 33 vjeçarit kishte ndodhur gjatë natës, 14 shtator dhe se ishte ekzekutuar me një armë me silenciator. Viktima ishte me precedent penal dhe i dënuar në Itali për trafik droge dhe dy vite më parë, pasi kishte shlyer dënimin ishte kthyer në Shqipëri. Kapllani ishte baba i një fëmije të mitur, ndërsa vrasja atëherë u tha se dyshohej të ketë ndodhur për hakmarrje për shkak të drogës.Dyshohet se Kapllani kishte njohje dhe me të penduarin e drejtësisë Nuredin Dumani.

Vrasja e trefishtë në Bradashesh
Ndërkohë ngjarja e rëndë u mbetën të vrarë 3 persona, e njohur dhe si masakra e Bradasheshit ndodhi në fund të dhjetorit në 2018. Viktimë mbetën Endrit Alibej alias Ravik Dylgjeri, vëllai i Erjon Alibej,  xhaxhai i tij Arben Dylgjeri dhe turku Erdal Durunay. Në atë kohë u tha se një sasi prej 50 kg kokainë që u zhduk në Britaninë e Madhe dyshohej të ishte motivi kësaj vrasejej të trefishtë.

Shqiptarja.com siguron emrat për të cilët SPAK ka firmosur urdhërarrestet.

Ata janë:

Talo Çela, Altin Kamami, Rexhino Doci, Arben Lamcja, Arsen Mema, Eljo Bitri, Leam Rragami, Elvis Daka alias Dragoviç, Dorjan Dyli, Matilda Hoxholli, Denada Todi, Flobenc Mecja, Armis Stafa, Maksim Koci, Erzen Çopja, Franc Çopja, Hajdar Bako alias Çopja, Mikael Qosja, Maetin Musaj, Guri Biba, Pajtime Fetahu, Renato Masuku, Leonardo Rragami.

Mësohet se operacioni i SPAK është vijim i megaoperacionit “Plumbi i Artë 2”.

Gazetarja e Shqiptarja.com dhe Report Tv, Keti Banushi informon se janë firmosur masa sigurie dhe për dy oficerë policie.

Ndërsa janë zbardhur 3 vrasje të kryera në Elbasan, Rrogozhinë dhe Berat.

Foto: Nuredin Dumani

Detaje të reja lidhur me operacionin e SPAK. Mësohet se urdhërarrest është firmosur edhe për Hajdar Çopja, I njohur dhe si Hajdar Bako e Hajdar Hysa, i lindur në Elbasan, I cili ndodhet i arrestuar në Dubai. Po kështu masa sigurie janë dhe për 2 punonjës policie.

Kush është “Dari i Elbasanit”

Hajdar Bako rezulton i dënuar më parë edhe me 4 vjet burgim, për veprën penale “Plagosja e rëndë me dashje” ndërsa emri I tij ka dalë dhe në dosjen e të pandehurit, Nuredin Dumani.
Hajdar Bako shfaqej si një nga porositësit për eliminimin fizik të rivalëve të tij në dosjen e Nuredin Dumanit.

Nga dosja hetimore rezultonte se Dumani, ka dëshmuar se grupi i Erjon Alibej alias Agim Shurbi me pseudonimin “Krymi” dhe grupi i Hajdor Bakos alias (Çopja), i thirrur shkurtimisht “Dari”, janë vënë në garë për të eliminuar njëri-tjetrin.

Dëshmia e Nuredin Dumanit: Çopja gati të jepte 1.5 mln euro për të vrarë Erjon Alibej

Sipas dëshmisë së të penduarit Nuredin Dumani Çopja pranoi t'i jepte 1 milion e gjysëm euro vetëm t'i jepte provën që mundet t'a vriste Erjon Alibej, rivali i tij. 

Nuredini i shkruajti se e vriste, por nuk e njihte kush ishte Erjon Alibej; Keli i tha se do i jepte 2,000,000 (dy million) euro dhe do dorëzonte Talo Çelën po t'a bëntë këtë; kur Nuredini i kërkoi t'i jepte paradhënie 1 milion euro dhe t'i gjente e dorëzonte Erjon Alibejn, ai i tha "seriozisht", dhe ia kaloi telefonin Hajdar Çopjas që së bashku me Franc Copja, në dijeni të tij dhe Erjon Alibej janë organizatorët e vrasjeve të familjarëve të Erjon Alibej; Hajdar Çopja pranoi t'i jepte 1 milion e gjysëm euro vetëm t'i jepte provën që mundet t'a vriste Erjonin; Nuredini I këmbënguli se nuk e njihte por megjithatë kishte informacione se ku mund ta gjente; pas kësaj komunikimin me të shkruar me Çopjan e vijoi vetë Erjoni, derisa Çopja ia kaloi telefonin Kel Kamamit të vijonte me të; siç I sugjeroi Erjon Alibej, i vuri afat 10 ditë Kel Kamamit të dorëzonte Talo Çelën, përndryshe do vritej Emiljano Ramazani dhe kur i përmendi se do të vritej dhe kushëriri I tij Regisi, ai tha se kishte shumë kushërinj dhe "nuk i binte mendja për të", ndaj i tha "vrite po deshe e t'u bëftë pushka top" thuhet në dosjen e zbardhur nga Shqiptarja.com

Vetë Dumani atë kohë pranoi para SPAK se kiste mbajtur kontakte me dy grupet rivale në Elbasan, atë të Erjon Alibej dhe Hajdar Bakos.

“…Arjan Spahiu, që mbeti i vrarë në Belgjikë, ka qenë në listë për tu ekzekutuar nga vëllezërit Çopja, të cilët janë financuesit. Talo Çela, më ka thënë mua që nëse kryeja vrasjen e Arjan Spahisë, do më jepte 300 mijë euro…”, dëshmonte ndër të tjera edhe Nuredin Dumani.

Po kështu në vitin 2017, në fshatin Katund i Ri, Hajdar Bako i njohur edhe si “Dari i Elbasanit”, së bashku me 4 të tjerë, është implikuar në një konflikt, gjatë të cilit është qëlluar me armë zjarri dhe janë plagosur 3 persona.