POP 5

Lajmet më të lexuara të 5 minutave të fundit

Dosje

Shqipëria komuniste: I vetmi vend pa Ministri Drejtësie në botë

Vendosja e regjimit komunist në vitin 1945 u shoqërua me një ristrukturim tërësor të sistemit të drejtësisë, legjislacionit dhe organizimit të gjykatave. Miratimi i Kushtetutës në vitin 1946 përcaktoi orientimin e politikës penale. Ajo theksoi kompetencat e gjykatave dhe të prokurorisë ushtarake.

Shqipëria komuniste: I vetmi vend pa Ministri Drejtësie në botë

Ministria e Drejtësisë

Vendosja e regjimit komunist në vitin 1945 u shoqërua me një ristrukturim tërësor të sistemit të drejtësisë, legjislacionit dhe organizimit të gjykatave. Miratimi i Kushtetutës në vitin 1946 përcaktoi orientimin e politikës penale. Ajo theksoi kompetencat e gjykatave dhe të prokurorisë ushtarake.

Në qershor 1951 regjimi komunist e ndryshoi përsëri ligjin për organizimin gjyqësor, ku theksohej se drejtësia në Republikën Popullore të Shqipërisë jepej nga Gjykata e Lartë, gjykatat popullore dhe gjykatat ushtarake. Ndryshe nga ligjet e mëparshme u theksua fryma klasore dhe politike në funksion të konsolidimit të regjimit dhe eliminimit të kundështarëve politikë. Ashpërsimi i legjislacionit dhe i sistemit të drejtësisë e ktheu atë në instrument të diktaturës. Në hallkat kryesore u emëruan individë që konsideroheshin besnikë të regjimit.

Më 6 shtator 1966, për të rritur kontrollin mbi organet e drejtësisë, në mbledhjen e Byrosë Politike u vendos të suprimohej Ministria e Drejtësisë. Kjo reformë frymëzohej nga motive politike. Në këtë mbledhje, Enver Hoxha shpalosi haptazi mendimin për të rritur kontrollin në sistemin e drejtësisë. Një politikë e tillë binte ndesh edhe me vetë ligjet e miratuara nga regjimi komunist. Në Kushtetutë dhe në ligjin për funksionimin dhe organizimin e drejtësisë, gjykatat konsideroheshin si organe të pavarura. Kjo mbledhje ishte parapregatitur shumë më përpara dhe ishte diskutuar dhe nga ekspertë, të cilët kishin sjellë mendimin e tyre konformë orientimit që ishte imponuar nga lart.

Ky akt ishte i paprecedentë në historinë politike të shtetit shqiptar. Ministria e Drejtësisë kishte ekzistuar edhe në periudhën e Luftës së Dytë Botërore, kur vendi ishte i pushtuar nga Italia dhe Gjermania. Por absurditeti i kësaj reforme qëndron në faktin se suprimimi i Ministrisë së Drejtësisë nuk kishte ndodhur në asnjë shtet komunist. Ai shënoi të parin eksperiment me pasoja të dhimbshme për shoqërinë shqiptare.

Me suprimimin e Ministrisë së Drejtësisë, kompetencat e saj i kaluan Gjykatës së Lartë. Kjo krijoi një mbivendosje të pushtetit ekzekutiv mbi pushtetin gjyqësorë, duke i dhënë përparësi udhëheqjes politike. Ky veprim i dha një goditje të rëndë institucionit të drejtësisë dhe mbrojtjes së të drejtave të individit.

Në të njëjtën linjë me suprimimin e Ministrisë së Drejtësisë ishte edhe eleminimi i të drejtës për mbrojtje ligjore (avokatisë). Me dekret nr.4277 datë 20 qershor 1967 institucioni i avokatisë u shkri me ligj duke u zëvendesuar nga zyrat e ndihmës juridike që vareshin nga Gjykata e Lartë dhe operonin pranë çdo gjykate rrethi.

Kjo është trashëgimia historike e drejtësisë shqiptare dhe një nga arsyet përse ajo lëngon dhe sot pas 30 vjetësh që ka rënë komunizmi.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Spanjë/ Polumbarët zhyten në parkingun e përmbytur të një qendre tregtare në Valencia: Një varrezë

Spanjë/ Polumbarët zhyten në parkingun e përmbytur të një qendre tregtare në Valencia: Një varrezë

2 Nëntor, 16:19