Edhe Shqipëria duhet të shkatërrojë shishet boshe të vaksinës COVID siç bën BE për të shmangur mundësinë që të ripërdoren

Një procedurë pak e njohur për përdorimin e vaksinave anti-Covid ka të bëjë me shkatërrimin e shishkave kur ato tani janë bosh. Në Itali, si në shumë vende të Bashkimit Europian, ampulat e qelqit bosh në fakt shkatërrohen menjëherë pas administrimit te vaksinës dhe për çdo shkatërrim hartohet një raport që konfirmon procedurën. Po pse kjo masë? Arsyeja është të parandalosh që shishkat, të cilat mbajnë emrin e vaksinës me etiketën Pfizer, të mbushen në mënyrë klandestine me pak lëng dhe të përdoren në tregun e zi për të kryer mashtrime sikur te ishin doza vaksine.

Në Shqipëri asnjë procedurë e veçantë nuk ndiqet aktualisht me shishkat bosh. I kontaktuar nga Report Tv Erida Nelaj manaxhere e programit kombëtar te vaksinimi pranë ISHP shpjegoi se ampulat bosh mblidhen dhe i dorëzohen kompanisë që merret me asgjësimin e mbeturinave mjekësore, por pa ndonjë urdhër për shkatërrimin e tyre menjëherë apo procedura te veçanta. Përkundrazi, ndiqet një procedurë shume strikte në vendet e Bashkimit Evropian pikërisht për të parandaluar që ato shishka të largohen nga landfill dhe të përfundojnë mbushura me ujë në tregun e zi, ku tashmë ekziston një kërkesë e madhe për vaksinën.

Sigurisht që vetëm një person i papërvojë mund të mendojë të blejë një shishkë vaksine me lëng brenda. Siç dihet, shishet Pfizer duhet të ruhen në -80 gradë Celsius që vaksina të mos përkeqësohet. Vaksinat largohen nga fabrika në kontejnerë të ulët dhe të gjerë me emrin "picat" nga operatorët. Secila prej tyre përmban 196 shishka, secila e dobishme për të bërë gjashtë doza të vaksinës. Gjatë gjithë udhëtimit, vaksinat qëndrojnë brenda kontejnerëve të akullit të thatë të pajisur me pajisje elektronike të kontrollit të temperaturës. Në ngrirje speciale -80 grade, dozat mund të ruhen në mënyrë të sigurt për gjashtë muaj. Vaksina është në fakt, në këtë fazë, në formën e një pluhuri. "Gara me kohën" e vërtetë fillon më vonë, me shkrirjen.

Në mënyrë që të injektohet, vaksina duhet të shkrihet, duke e çuar atë nga -80 gradë në një temperaturë "frigorifer shtëpiak" ndërmjet 2 dhe 8 gradë celsius. Pasi të bëhet kjo, çdo shishkë duhet të përdoret brenda pesë ditësh. Prandaj është nga frigoriferi që mjeket dhe infermierët përgjegjës për përgatitjen e dozave nxjerrin shishkat dhe shtojnë tretësirë ​​fiziologjike në pluhurin e liofilizuar. Përmbajtja përzihet dhe shiringat e vogla përgatiten për injeksion intramuskular ne krah. Secila përmban përmbajtjen e një doze, afërsisht 1.3 ml lëng. Në temperaturën e dhomës, vaksina duhet të administrohet brenda disa orësh.

Pra, nëse dikush ju propozon të blini një shishkë vaksine të lëngshme, mund të jetë vetëm një mashtrim.

/E.M./Shqiptarja.com

TAG:
• BE
• erida nelaj
• protokoll
• Koronavirus
• koronavirus ne shqiperi
• Vaksina Covid
• Shqipëria buzëqesh