Shtatore në Kolonjë, patrioti Sali Butka nderohet në vendlindje! Kryebashkiaku Isai: Vlerësim i vonuar për atdhetarin e madh

Shtatorja e Sali Butkës, një nga udhëheqësit dhe luftëtarët e lëvizjes kombëtare shqiptare është vendosur në qendër të qytetit të Ersekës në shenjë nderimi për veprimtarinë çlirimtare. Për nipin e tij, Uran Butka, dhe historianin Niko Kotherja, Butka përfaqëson një figurë sakrifikuese për Shqipërinë, pasi gjithmonë me veprat e tij ka lobuar për përhapjen e gjuhës shqipe dhe mbrojtjen e atdheut nga pushtuesit e huaj.

“Figura e Sali Butkës përfaqëson mendimtarin rilindas, veprimtarin e pavarësisë, njeriun që luftoi dhe vdiq për çështjen kombëtare me motivimin. Për lirinë, për lirinë, lum kush vdes për Shqipërinë”, tha nipi i Sali Butkës, Uran Butka. 

“Unë besoj se ka ardhur koha për ta sjellë këtë personalit në parametrat e tij të vërtetë”, tha historiani Niko  Kotherja.

Kryetari i Bashkisë së Kolonjës, Erion Isai thotë se një vlerësim i tillë për një figurë kaq të madhe, është i vonuar.

“Nuk di të mendoj se cila gradë do të ishte përfaqësuese e denjë e shpatullave të tij”, tha Kryetari i Bashkisë Kolonjë, Erion Isai.

Skulptori Agim Rada rrëfen se nga u frymëzua për të realiuzuar këtë vepër.

“Përveç njeri i pushkës ka qenë dhe njeri i punës. Kishte vjershat e tij qëi shpërndante nëpër Kolonjë. Unë emocionohesha dhe disa vargje të vetë Saliut i kam shkruar edhe këtu”, u shpreh skulptori, Agim Rada.

Shtatorja u vendos në lulishten Rinia përballë Gjimnazit "Petro Nini Luarasi". Sali Butka u lind në vitin 1852 e u nda nga jeta ne vitin 1938. Gjatë jetës së tij bashkëpunoi ngushtë me Petro Nini Luarasin, të cilin e ndihmoi në ngritjen e shkollës së parë shqipe në Kolonjë.

K.T./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet