Shtimi i rasteve me COVID/ Shefja e Infektivit: Është për t'u shqetësuar! Mbani maskën ose do kemi më shumë persona të prekur (VIDEO)

TIRANË- Rastet e reja brenda 24 orëve nuk është brenda pritshmërive, por një situatë për t'u shqetësuar, thotë Doktoreshë Najada Çomo, e cila përsërit apelin për respektimin e masave.

Ministria e Shëndetësisë iu është rikthyer fushatave sensibilizuese të qytetarëve për COVID-in, dhe kësaj herë është pikërisht Shefja e spitalit Infektiv në QSUT, Najada Çomo e cila bën thirrje që të respektohen masat, në të kundërtën, parashikon që numri i të prekurve do të shtohet shumë. Ajo thekson, se në betejën me këtë virus, maska është arma e vetme dhe më e mirë.

”Numri i pacientëve të shtruar në shërbim ka ardhur duke u shtuar. Dua të tërheq vëmendjen se një pjesë e madhe e të shtruarve tek Infektivi janë në gjendje të rënduar, një pjesë në terapi intensive. Ajo që dua të thekson është se qytetarë të nderuar, është situatë për t’u shqetësuar nga ana shëndetësore për shëndetin tuaj. Jemi në krye të detyrës për t'ju shërbyer sigurisht. Por keni një detyrim madhor. Të qëndroni sa më larg të sëmurëve, që kanë sëmurë të tjerë. Ulni në maksimum qëndrimin në vende publike, si dhe maska është e vetmja armë mbrojtësi që kemi.  Virusi është mes jush, ju bëni hapin për t’u mbrojtur. Ju bëni hapi që të kujdeseni sa më shumë, në të kundërtën në Shqipëri do të kemi një numër të shtuar të personave. Virusi nuk ka më përzgjedhje, jo vetëm mosha të treta. Janë moshat e reja që e çojnë tek të tjerët duke e çuar te moshat e treta. Kini në vëmendje se ky virus është shumë tepër mes jush tani që u hoqën dhe barrierat, pra vendi është i hapur", tha Çomo.

Ditën e djeshme, vendi ynë regjistroi 82 raste të reja, ku u shënua edhe një viktimë duke e çuar në total numrin e personave që kanë humbur betejën me këtë virus në 37. Shqetësuese është fakti që virusi ka regjistruar vatra të mëdha dhe të rrezikshme dhe brenda QSUT-së, ku 6 reparte janë të prekura, e ndërsa është zgjeruar edhe harta e qyteteve të prekura.

 

B.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Andi: 17/06/2020 15:55

    Ikni o doktora leshi keni 5 muaj qe na çani trapin, çfare thoni nw nje studio e kundershtoni ne stud

    Përgjigju
  • Andi: 17/06/2020 08:58

    Ku ti gjejme maskat? Apo me 260 mije leke rroge te paguajme 600 lek ne dite per maske? Kryeministri na tha qe nuk duhet ti mbajne qytetaret, se ju duhen mjekve... italia vendosi cmim tavan per maskat, Shqiperia e pasur, jo.

    Përgjigju
  • Ema: 17/06/2020 08:37

    Me fjal te sqarojn te gjith po me vepra asnje mjek. Personeli pas zonjes jan me veshje qe zduhet te dalin jasht e me papuce per te mos futur mikrobe ne salla po jan te paret kta mjek qe nuk respektojn rregullat se po te mos lejojn njerez ne spitale e te respektohen regullat nga personeli mjekesor nuk do kishte rritje te te infektuareve

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Pagë 'sheiku' në Arabi, Edin Dzeko kërkon largimin nga Fenerbahce

Pagë 'sheiku' në Arabi, Edin Dzeko kërkon largimin nga Fenerbahce