POP 5

Lajmet më të lexuara të 5 minutave të fundit

Shtrenjtimi i lëndëve të para nuk ndal ndërtimet në vend, në tre muajt e parë të 2022 numri i lejeve u rrit me 58%

Pavarësisht çmimeve të rritura të materialeve të ndërtimit, puna nuk ndalet në vend. Vetëm në tremujorin e parë të këtij viti janë dhënë 397 leje ndërtimi me një rritje prej më shumë se 58% në raport me vitin e kaluar. Vetëm në Tiranë janë dhënë leje ndërtimi me sipërfaqe mbi 800 mijë metër katror.

As pandemia dhe as çmimet stratosferike të lëndëve të para nuk po ndalin ndërtimet në Shqipëri. Vetëm në tremujorin e parë të këtij viti bashkitë kanë dhënë 397 leje ndërtimi nga 251 leje të miratuara në tremujorin e parë 2021, duke shënuar një rritje prej 58.2 %.

Numri më i madh i lejeve të ndërtimit është në kryeqytet, ku nga janari deri në muajin mars të këtij viti Bashkia Tiranë ka miratuar 112 leje ndërtimi me sipërfaqe ndërtimore mbi 800 mijë metër katror.

Pas kryeqytetit vjen Durrësi me 84 leje ndërtimi të miratuara me një sipërfaqe prej 90.347 metër katror, duke vijuar me Fierin me 48 leje dhe Lezhwn me 45 leje ndërtimi të miratuara. Ndikim në këtë rritje të numrit të lejeve të dhëna ka pasur edhe procesi i rindërtimit që vijon kryesisht në Tiranë e Durrës.

Në total për këtë tremujor të parë të vitit sipërfaqja e dhënë për ndërtime arrin në mbi 1 milionë metër katror, nga 599.446 metër katror miratuar në tremujorin e parë 2021, duke shënuar një rritje prej 72%.

Vlera e përafërt e lejeve të ndërtimit miratuar për ndërtesa dhe punime inxhinierike për këtë periudhë është 39 miliardë lekë, nga 26,6 miliardë lekë që ishte në tremujorin e parë 2021.

Në fakt në këtë periudhë pritej një ulje e numrit të lejeve të miratuara, për shkak të çmimeve të larta të materialeve të ndërtimit, duke nisur nga hekuri, tulla, apo çimento, por krejt e kundërta po ndodh. Si pasojë e çmimeve të rritura, edhe qytetarët pritet të përballen me fatura më të kripura nëse i drejtohen blerjes së një apartamenti në ndërtimet e reja që po bëhen.

SI.E./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kamiliano: 30/05/2022 22:04

    Jan dhen leje por nuk kan filluar ndertimet, keshtu qe zero investim

    Përgjigju
  • Diaspora: 30/05/2022 18:23

    Vetëm shtetas kosovar që jetojne ne zvicer EU etj prej vitesh kane blere mbi 20% të bregdetit ! Sigurisht që një shtepi në zvicer bën 600,000-900,000€ normalisht në shqiperi nuk e kanë problem aq para , po te shkosh veres ne Durres Velipoje Shengjin 1 në 3 persona jane nga vellezerit tane të Kosoves pra ata jane paisjur dhe me shtepia ! Të bëhet ligji kush shtetas kosovar që ka dhe pasaport EU por që blen prone në shqiperi (bregdet etj) ti jepet pasaporta shqiptare pas 1 viti (meqe e kan europiane) nese bejne dhe një shqiptare sa për atdhetarizem se ato i kanë të zvicres shume me te mira nga niveli levizshmerise! Duhen studime !

    Përgjigju
  • Boti: 30/05/2022 17:19

    Mos doje te thoshe pastrimin e parave permes ndertimeve?

    Përgjigju
    • Toni: 30/05/2022 17:41

      I k rene pikes. Kriminelet edhe kryesisht politikanet, po i pastrojne parate ne ndertim.

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça