POP 5

Lajmet më të lexuara të 5 minutave të fundit

Ekonomi

Shtyhet miratimi i Paketës Fiskale/ Makinat elektronike pa TVSH, Ahmetaj: Përjashtoni edhe autobusët! Mesi: Hiqeni edhe për ushqimet

Qeveria ka propozuar që makinat elektrike të përjashtohen nga pagesa e TVSH-së. Kjo kërkesë është pjesë e paketës fiskale për vitin 2020 dhe ndryshon ligjin për Tatimin mbi Vlerën e Shtuar. Por kjo kërkesë nuk është mirëpritur nga anëtarët e mazhorancës në komisionin e Ekonomisë. Senida Mesi ka kërkuar heqje të TVSH-së për produktet bujqësore dhe jo për makinat.

Makinat elektrike do të përjashtohen nga pagesa e TVSH-së. Tashmë çdo makinë e vogël që hyn në vendin tonë dhe nuk është e regjistruar në asnjë vend tjetër por importohet nga vendet e Bashkimit Evropian nuk do të paguajë asnjë detyrim. Ky është një nga ndryshimet e propozuara në ligjin “Për Tatimin Mbi Vlerën E Shtuar”, dhe që është pjesë e paketës fiskale. Por gjatë diskutimit në Komision e Ekonomisë, ish zëvendës kryeministrja Senida Mesi është shprehur kundër këtyre lehtësirash dhe ka kërkuar të hiqet TVSH për produktet ushqimore.

“Ne po shkatërrojmë komplet logjikën, se po vendosen ca taksa dhe po reduktohet TVSH-ja. Kemi dy propozime, nga njëra anë përjashtim TVSH-je për makinat elektrike, dhe nga ana tjetra mos vënie takse qarkullimi për makinat e përdorura për dy kategori makinash. A është më mirë që ne të diskutojmë për diskutimin e TVSH-së për produktet bazë ushqimore, duke filluar nga buka qumështi apo veza, nga të cilat qytetarët automatikisht përfitojnë”  u shpreh Mesi.

Ndërsa ish Ministri Arben Ahmetaj ka kërkuar edhe përjashtimin nga TVSH të autobusëve elektronik që paguajnë TVSH 10%, në rast se qeveria kërkon të lehtësoj këtë kategori automjetesh. “Përderisa ju përjashtoni makinat e vogla elektrike nga TVSH duhet të përjashtoni edhe autobusët elektrik të transportit publik. Do të depozitoj një amendament për këtë gjë, duhen përjashtuar edhe autobusët” është shprehur Ahmetaj.

Aktualisht në Shqipëri vetëm në 2019 në vendin tonë kanë hyrë 170 makina elektrike, të cilat kanë ndotjen zero. Ky ndryshim vjen pak ditë pasi Drejtoria e Përgjithshme e Shërbimeve të Transportit Rrugor, vendosi të rimbursojë çdo tarifë të regjistrimit për herë të parë për mjetet elektrike. Ndërkohë në komision janë shtyrë diskutimet për miratimin e paketës fiskale deri në shqyrtimin fillimisht të projektligjit të fiskalizimit.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • lola: 15/11/2019 00:02

    Hiqni tvsh per ushqimet baze o plera qe mendoni vetem per vete dhe oligarket.

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

Sulmin në ditën e Krishtlindjes Zelensky e quajti çnjerëzor, reagon Moska: Ishte sukses! Ne i arritëm objektivat

26 Dhjetor, 08:46