Gjykata e Posaçme e Apelit shtyn për nesër, në orën 12:00, vendimin për ankimin e bërë nga Thoma Gëllçi kundër masës së sigurisë “arrest në burg”. Seanca u shty për shkak të pretendimeve të palëve nëse vetë ish kreu i RTSH, Thoma Gëllçi tha para trupës gjykuese se nuk është i rrezikshëm dhe mund të lirohet duke i caktuar një masë më të lehtë.
Prokuroria e Posaçme kundër krimit dhe Korrupsionit arrestoi në fillim të këtij muaji ish-drejtorin e RTSH-së, Thoma Gëllçi si i dyshuar për shpërdorim detyre. Një tender në Radio Televizionin Shqiptar i nënshkruar në nëntor të 2018-së, ka çuar në pranga ish-drejtorin e RTSH-së, Thoma Gëllçi dhe 3 zyrtarë të këtij televizioni. SPAK ka bërë arrestimin e tyre.
Bëhet fjalë për tenderin për blerjen e pajisjeve për kanalin RTSH Agro me vlerë 86. 908 550, 00 lekë (pa tvsh), afro 1 mln dollarë me TVSH. Në pranga kanë rënë edhe 3 anëtarët e Komisionit të Vlerësimit të Ofertave, konkretisht Julian Tapia, Alban Malaveci dhe Ervin Muraj, të cilët akuzohen për veprën penale “Shkelja e barazisë së pjesëmarrësve në tendera apo ankande publike", kryer në bashkëpunim. E ndërsa, Gëllçi akuzohet për shpërdorim detyre se ka kryer shkelje ligjore në këtë procedurë prokurimi.
Nga hetimi rezulton se në garë ishin dy operatorë. Njëra prej firmave, e cila ofroi më pak se firma tjetër, në fund të procesit të tenderit u skualifikua pasi i mungonte një dokument. Kjo firmë u ankua në Komisionin e Prokurimeve Publike me pretendimin se i ishte bërë padrejtësi në procesin e tenderimit, dhe se ishte shpallur fituese kompania e cila kishte ofertë 20 milionë lekë më të lartë. KPP i ka dhënë të drejtë RTSH dhe e ka mbyllur çështjen. Edhe SPAK pas hetimeve konkluzoi se RTSH mund të kërkonte çfarëdolloj dokumenti që të donte për të rritur transparencën dhe këtu nuk ka asnjë diskriminim apo trajtim të privilegjuar në tender për njërën apo tjetrën firmë. Askush nuk u përjashtua padrejtësisht e thotë edhe SPAK i cili në fakt insiston se shkelja është se edhe firma tjetër, ajo që fitoi tenderin, kishte mungesë dokumentacioni dhe ajo duhej përjashtuar.
Pra sipas SPAK firma që u përjashtua në çdo rast duhet përjashtuar dhe vendimi ka qenë i duhuri. I njëjti vendim duhej marrë edhe për firmën tjetër. Me të gjithë këtë proces nuk ka lidhje Drejtori i Përgjithshëm i RTSH, Thoma Gëllçi, i cili në fakt edhe nga SPAK akuzohet vetëm se zgjati afatin dhe akuzohet vetëm për ‘Shpërdorim detyre’.
Lajme të tjera
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Abuzimi me 2 tenderët e naftës, GJKKO dënon me 1 vit burg ish-prefektin e Kukësit, Granit Gjana! I konvertohet në 2 vite shërbim prove (Vendimi)
27 Nëntor, 16:32 -
Kërkoi lehtësimin e masës, GJKKO lë përsëri në 'arrest shtëpie' nënkryetarin e Bashkisë Tropojë! Edhe kryebashkiaku Byberi në të njëjtën dosje, 3 akuza (VENDIMI)
27 Nëntor, 16:32 -
Dritan Hila: Më mirë rrugëve!
27 Nëntor, 15:18
-
Martin Leka: Saliu doli, alibia ra, Rama fërkon duart!
27 Nëntor, 14:51
-
Berisha me gazetarët pas lirimit nga GJKKO: Falenderova gjykatësen për vendimin, por të tjerët janë bandë kriminale! Ku i gjeti Dumani 3 apartamente?
27 Nëntor, 14:47
