POP 5

Lajmet më të lexuara të 5 minutave të fundit

Sociale

Shumë vite për të pranuar veten, sot mbron të drejtat e LGBTI, rrëfehet Arbër Kodra: Të jemi të lirë për të krijuar familje

Në ditën Ndërkombëtare kundër Homofobisë, pjesëtari i komunitetit LGBTI Arbër Hoxha kërkon që njerëzit si ai, të kenë të drejta të barabarta. Ai do që në të ardhmen të ketë një familje, ndërsa tregon kalvarin e gjatë që ju desh të kalonte për të pranuar veten.

Arbrit, iu desh 13 vite që të pranonte veten. Ishte 11-vjeç kur e kuptoi se i përkiste një orientimi tjetër seksual, por vetëm në moshën 24-vjeçare arriti që të dilte hapur si pjesë e komunitetit LGBT.

“Më ktheve mbrapa në kohë. Kuptohet në moshën e pubertetit. 11-12 vjeç. Në moshën 24 vjeç. Në momentin që pranon veten, lirohesh dhe jeton i lirë. Me familjen nuk kam pasur problem. Më shumë kam pasur me veten time”, tha Arbëri.

Sot pas shumë vitesh, Arbri është krenar që i përket komunitetit LGBTI dhe lufton që edhe njerëz të tjerë si ai, të pranohen dhe të mos paragjykohen. Por, bullizmit nuk i është shmangur dot.

“Bulizmi ekziston akoma. Jam bulëzuar dhe unë. Vite të vështira sepse bulizmi, mospranimi dhe pastaj një luftë e madhe për tu pranuar. Më vjen keq që ka ende persona që nuk pranohen dhe janë pre e bulizmit”, tregon ai.

Në moshën 37 vjeçare, Arbri nuk kërkon privilegje, por të drejtat e mohuara për të qenë i lirë që të krijojë familje.

“Të jetosh si një qytetar i barabartë, është e thjeshtë. Me të njëjtat të drejta. Nëse unë nesër kur të kem partner dua të më njihen të drejtat. Nëse unë sëmurem, partneri im nuk merr dot vendim për mua. Nëse birësojmë një fëmijë, ai fëmijë i njihet vetëm një partneri dhe nëse prindi vdes, fëmijët shkon në jetimore. Duam familje sepse familja është ajo bërthama ku dashuria është e pa kushtëzuar”.

17 maji është dita kur anëtarët e komunitetit LGBT në mbarë botën, protestojnë për të drejtat e tyre dhe kundër diskriminimit me bazë seksuale. Në Tiranë, marshimi është vendosur të bëhet më 21 maj.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • elez: 17/05/2022 20:47

    "Kur je me i forte se une, kerkoj meshire, se kjo i pershatet vlerave te tua. Kur jam me i forte se ty, nuk kam meshire, se kjo i pershtatet vlerave te mia". Ne Shqiperi jemi akoma ne fazen e pare. Po e shikojme shume mire fazen e dyte ne perendim.

    Përgjigju
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Nxitimi mund t'ju çojë në gabime... çfarë kanë rezervuar yjet për sot

Nxitimi mund t'ju çojë në gabime... çfarë kanë rezervuar yjet për sot

30 Janar, 07:14