Në hollin e ‘Arteve’ mbrëmjen e së shtunës, Helena e Ismail Kadare priten me duartrokitje në 87-vjetorin e lindjes së shkrimtarit...
“Është kënaqësi të kemi mes nesh një nga autorët më të rëndësishëm të këtij shekulli, një mendje e ndritur e letërsisë dhe e kombit shqiptar”, shprehet studiuesja Alda Bardhyli, drejtore e Qendrës Kombëtare të Librit dhe Leximit.
87-vite më parë Kadare lindi në lagjen Palorto të Gjirokastrës, e në moshë të hershme shkëndijat e para të dashurisë me letërsinë do t’i kishte pikërisht përmes poezisë... Me vargjet e tij, Qendra e Librit e Akademia e Shkencave organizojnë këtë festë të vogël letrare... Të pranishmit shijojnë interpretimin e Rajmonda Bulkut, Kastriot Caushit e Kristian Koroveshit...
“Kjo ishte një mbrëmje e jashtëzakonshme! Vargjet e Ismalilit padyshim që janë më të preferuarat e mia, por edhe interpretuesit ishin të mrekullueshëm”, shprehet Helena Kadare, pas mbrëmjes poetike.
Helena është kujdesur që me Marsela Çibukajn ta përzgjedhin repertorin muzikor të kësaj mbrëmje... Muzikë italiane kryesisht, shqiptare të Marselës, por edhe këngë të vjetra vendase si “E dehur jam”. Shkrimtarja tregon se në familjen e tyre muzika shijohet...
“E shijojmë shumë muzikën. Këngë si këto që dëgjuam, sepse edhe repertorin e konsultuam bashkë me Marselën, e cila është e mrekullueshme. E dëgjoj vazhdimisht edhe muzikën e saj”, thotë Helena.
I gjen në Shqipëri, e të vendosur përfundimisht në Tiranë ky përvjetor, si ngaherë të pandarë...
“Datëlindjet pak a shumë kanë një fytyrë të gjitha, por është e vërtetë me Helenën jemi gjithmonë bashkë. Sot urimi që më ka bërë është i veçantë, por nuk e kam lehtë ta zbuloj”, shprehet shkrimtari Ismail Kadare.
Në këtë kalvar datëlindjesh, tek shkrimtari rreket të kujtojë më të veçantat, mendja i shkon tek ato që e ngacmonte më shumë ndjesia e mallit për njerëzit e vendin e tij.
“Mbaj mend, sidomos kur kam qenë larg Shqipërisë, kam jetuar një kohë të gjatë i ri vetëm (Rusi, gjatë studimeve) dhe kam ndjerë mall për njerëzit”, shprehet ai.
Kjo pritje vjen si shenjë mirënjohje për kryeprozatorin shqiptar, që përmes letërsisë, pasuroi krijimtarinë e gjuhën shqipe, e u rendit mes autorëve më të shquar... Fitues i çmimeve më të larta ndërkombëtare për letërsinë e i lakuar disa herë si kandidat disa herë i çmimit “Nobel”... Por në plotësinë e tij, çfarë ëndrrash, pendimesh a mendimesh mund ta ngacmojnë në këtë ditë Kadarenë...
“Shkrimtari një ëndërr ka një mendim, një gjë e ndjek hap pas hapi ajo që ka shkruar apo që mund të shkruante më mirë. Ose, e ka shkruar shumë mirë, por... pavarësisht se mund t’ia lëvdojnë shumë, ai e di vetë”, shton më tej Kadare.
Sot festojnë në Tiranë, ndëra dy vajzat Besiana e Gresa i përçojnë urimet nga larg...
“I kemi festuar gjithmonë bashkë datëlindjet, por kësaj here ato nuk mund të vinin për shkak të punës. Megjithatë kjo është ndër datëlindjet më të veçanta, sepse i kemi festuar jashtë zakonisht ku ka organizime ‘pompoze’, salltanete, por dashurinë që gjejmë këtu, nuk e gjejmë gjëkundi”, shprehet Helena.
Lajme të tjera
-
Dita e Alfabetit/ Arkivat ekspozojnë 'Dorëshkrimet e Kadaresë' në Shkup
22 Nëntor, 14:52 -
Intervista për Report Tv/ Libri me tregime, Helena Kadare rikthehet si shkrimtare: E shkruara për mua është si terapi pas humbjes së Ismailit
15 Nëntor, 15:33
-
Ekspozohen për herë të parë dorëshkrimet e Kadaresë, 44 488 faqe shpalosen në Bibliotekën e Kryeministrisë! Krijime që prej moshën 11-vjeçare
15 Nëntor, 09:40 -
Rikthehet në TKOB “Plaga e dhjetë e Gjergj Elez Alisë”, shfaqja bën bashkë emrat e Ibrahimit, Kadaresë dhe Aliajt
24 Tetor, 16:37
-
“Plakat e jetës”, të Kadaresë, na flasin përsëri!
21 Tetor, 19:35
-
Milan Kundera në gjuhën e nënës, letërsisë dhe shqipes, përkthyesja Pasho: Ashtu si Kadareja vuajti moskuptimin!
17 Tetor, 11:22
-
Ilir Yzeiri boton librin 'Kadare, identiteti i keqkuptuar'
28 Shtator, 10:53 -
Opozita dhe ministri Gonxhe replika për varrin e Kadaresë! Gjekmarkaj: Nuk duhej të ishte në Tufine sot, si në Kandahar
17 Shtator, 18:54 -
'Plakat e Jetës' të Kadaresë dhe magjistaret e Tiranës dhe Korçës
7 Shtator, 11:10
-
Rikthehet Mural Fest, portreti i Ismail Kadaresë përjetësohet në një pallat në Tiranë: Veliaj: Murale e mrekullueshme
1 Shtator, 16:59 -
Artisti argjentinas përjetëson Kadarenë në një murale, kuratori Haliti: Atraksion për të gjithë vizitorët në kryeqytet
31 Gusht, 16:56
-
Kreshnik Spahiu: Kush po i nxit 'kosovarët' të ndjehen superior dhe ta urrejnë Shqipërinë?
28 Gusht, 15:16
