POP 5

Lajmet më të lexuara të 5 minutave të fundit

Kronikë

Siguria rrugore/ Balluku: Po eliminojmë pikat e rrezikshme në Qafë Thanë

Drejtoresha e ARRSH-së, Sonila Qato bëri të ditur se investimi në fjalë parashikon ndërhyrjen për mbrojtjen dhe përforcimin e skarpatës me mure mbajtëse, të lartësisë nga 3 deri në 5 metra, për një gjatësi gati 82 metra linear.

Në kuadër të Strategjisë Kombëtare për Mbrojtjen dhe për Sigurinë Rrugore, Autoritetit Rrugor Shqiptar, me mbështetjen e Bankës Botërore, ka nisur punën për të eliminuar pikat e rrezikshme në aksin rrugor të Qafë Thanës. Ministrja e Infrastrukturës dhe Energjisë, Belinda Balluku, shoqëruar nga drejtoresha e ARRSH-së, Sonila Qato, inspektuan punimet, në njërën prej këtyre pikave, e cila për shkak të rrëshqitjeve të skarpatit ishte kthyer në një rrezik për përdoruesit e rrugës.

“Fokusi i Ministrisë së Infrastrukturës dhe Energjisë dhe të Autoritetit Rrugor Shqiptar është plotësisht tek Strategjia e Sigurisë Rrugore. Ky është një aks i rrahur me problematikë të shtuar tek i cili ne sot po ndërhyjmë, por ashtu siç e kemi thënë dhe në inspektimet e mëparshme fokusi ynë është në sigurinë rrugore dhe ne nuk do të rreshtim pa zgjidhur të gjithë problematikën që sot hasim në akset rrugore”, u shpreh ministrja Balluku.

Ndërkohë, drejtoresha e ARRSH-së, Sonila Qato bëri të ditur se investimi në fjalë parashikon ndërhyrjen për mbrojtjen dhe përforcimin e skarpatës me mure mbajtëse, të lartësisë nga 3 deri në 5 metra, për një gjatësi gati 82 metra linear.

“Është vlerësuar nga ana e konsulentëve se duhet të ndërhyhet në mënyrë që të bëhet një investim për mbrojtjen dhe përforcimin e kësaj skarpate me mure mbajtëse, të lartësisë nga 3 deri në 5 metra për një gjatësi gati 82 metra linear. Është një investim i cili do të sigurojë këtë aks shumë të rëndësishëm kombëtar për qarkullimin e mjeteve të zakonshme dhe të mjeteve të rënda sigurinë rrugore për të gjithë drejtuesit por sigurisht edhe për mirëmbajtjen e infrastrukturës rrugore në këtë segment”, tha Qato.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

SHBA, avioni me 64 pasagjerë në bord përplaset me një helikopter ushtarak në Uashington, ka viktima

SHBA, avioni me 64 pasagjerë në bord përplaset me një helikopter ushtarak në Uashington, ka viktima

30 Janar, 07:16