POP 5

Lajmet më të lexuara të 5 minutave të fundit

Politikë

Lajme nga emisionet

Situata brenda PD, Logu: Platforma e grupit parlamentar ishte në kufijtë e një ‘puçi’ brenda partisë! Godole: Përçarja do jetë edhe më e thellë

Anëtari i Këshillit Kombëtar i PD-së, Besart Logu e ka konsideruar si një ‘puç’ brenda partisë platformën e propozuar nga grupi parlamentar i Partisë Demokratike për zgjedhjet fillimisht në grup seksione, degë dhe më pas për kryetarin e ri.

Anëtari i Këshillit Kombëtar i PD-së, Besart Logu e ka konsideruar si një ‘puç’ brenda partisë platformën e propozuar nga grupi parlamentar i Partisë Demokratike për zgjedhjet fillimisht në grup seksione, degë dhe më pas për kryetarin e ri. I ftuar në emisionin ‘5 pyetjet’ me gazetarin Ilir Babaramo në Report TV Logu tha se nuk mund të pretendohet që partia të drejtohet me organ kolegjial deri në zgjedhjen e kryetarit të ri sepse është anti-statutuore.

"Ishte platforma e grupit parlamentar e cila mori zë sepse ka pranë saj disa deputetë.Është në kufijtë e një puci brenda partie. Pretendohet të drejtohet partia me organ kolegjial gjë që është anti-statutuore”-tha Logu.

Ndërsa anëtarja e kryesisë, Taulanta Jupi tha se humbja e thellë në 14 maj duhet të kishte qenë pikënisja e një projekti të ri dhe të mos kishte një standart përjashtues për emra të caktuar.

“Rezultati i 14 majit duhet të ishte pikënisja e një projekti të ri. Nëse ky projekt i ri fillon me standart përjashtues për emra të vecantë, bie ndesh me parimet e PD”- u shpreh ajo.

Nga ana tjetër, Jonilda Godole po ashtu anëtare kryesie tha se përçarja në të ardhmen do të jetë shumë më e thellë dhe përçarja brenda PD është bërë nga Basha dhe Berisha për përfitime personale.

“Përcarja do jetë më e thellë. Shoh përcarje të inskenuar për përfitime personal të Bashës dhe Berishës të cilët për arsyet e tyre elektorale janë të interesuar të mbajnë të ndarë elektoratin në këtë mënyrë. Nëse të dy do kishin bërë një hap pas, do të kishte një zgjidhje- u shpreh Godole.

Partia Demokratike aktualisht gjendet në një tjetër situatë tensionesh pasi anëtarët e kryesisë kanë vendosur datën e zgjedhjeve për kryetarin e ri, në 29 korrik ndërsa deputetët e grupit parlamentar kanë prezantuar platformën për nisjen e zgjedhjeve në bazë dhe më pas zgjedhjet për kryetarin e ri.

B.V/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Peshkaqeni 'dhelpër' 3.5 m i gjatë në Orikum, del në breg! Habiten banorët

Peshkaqeni 'dhelpër' 3.5 m i gjatë në Orikum, del në breg! Habiten banorët

12 Janar, 11:09