POP 5

Lajmet më të lexuara të 5 minutave të fundit

Politikë

Gara për kreun e ri të PD/ Deputetët që kundërshtuan propozimin e grupit parlamentar, 1 vit më parë firmosën për të njëjtin draft: Zgjedhje në bazë, më pas për kryetarin (DOKUMENTI)

Në mbledhjen e kryesisë që hapi garën për kryetarin e ri të PD, 6 deputetë kundërshtuan platformën e grupit parlamentar për ri-organizimin e partisë nga baza. Ballafaqimi i dokumenteve tregon se mes deputetëve refuzues është edhe Enkelejd Alibeaj, i cili 1 vit më parë ka propozuar vetë të njëjtën strategji për bashkimin e PD.

Javën që sapo lamë pas, demokratët e PD zyrtare u përfshinë në debatin, ndoshta më të ashpër mes tyre, atë për hapjen e zgjedhjeve për kryetarin e ri. Në thelb, të dyja palët janë pro hapjes së garës për të zgjedhur ekipin e ri që do t'i drejtojë edhe në sfidën elektorale të 2025 në kushtet kur sapo kanë dalë nga humbja drastike e 14 majit, por mënyra sesi duhet të shkohet drejt këtij procesi i ndan ata.

Në të gdhirë të 7 Qershorit, Kryesia e PD, miratoi me 17 vota, pa dakordësinë e gjithë anëtarëve hapjen e garës për kryetarin e ri. Mes 17 anëtarëve që votuan pro hapjes së garës për kryetarin, janë edhe 6 deputetë që dolën kundër platformës së propozuar nga grupi parlamentar i PD: se fillimisht duhet të bëhet 1-certifikimi i anëtarësisë, 2-zgjedhjet në seksione, grup seksione e degë, e më pas zgjedhjet për kryetarin e ri.

Këta deputetë janë Enkelejd Alibeaj, Flutura Açka, Kreshnik Çollaku, Arbi Agalliu, Merita Bakiu e Orjola Pampuri. Kundër platformës së deputetëve, e pro hapjes së menjëhershme për kryetarin e ri u rreshtua edhe vetë Lulzim Basha një ditë më pas, kur nga oborri I parlamentit tha se “vendimet e kryesisë duhet të respektohen, përfshirë nga unë që jam anëtar i PD”

Por teksa sot e kundërshtojnë, 1 vit e disa muaj më parë, më 16 prill të 2022 këta deputetë, përfshirë Lulzim Bashën dhe Enkelejd Alibeajn, askokohe kryetar i grupit parlamentar, e kryetar I komanduar I PD, ishin firmëtarë e iniciatorë të një platforme identike me atë që propozuan javën e shkuar deputetët e PD me në krye Gazment Bardhin.

Ky dokument, që i përket prillit të një viti më parë u prezantua nga Enkelejd Alibeaj në një konferencë për shtyp dhe përmban ekzaktësisht të njëjtat propozime që bënë deputetët në kryesinë e PD disa ditë më parë: 1-Certifikimin e anëtarësisë, 2-zgjedhjet në seksione, grup seksione e degë, e më pas zgjedhjet për kryetarin e ri.

Asokohe, i quajtur plani për bashkimin e PD, njëjtë si platforma e deputetëve të kryesuar nga Bardhi sot, parashikonte që të ngrihej një grup i përbashkët bashkimin e partisë, ndërsa shkonte edhe më tej duke propozuar që deputetët e përjashtuar nga grupi parlamentar (me përjashtim të Sali Berishës) të riktheheshin në grupin e PD.

Propozimi i Alibeajt për zgjedhjet në PD më 16 Prill 2022

(Kliko këtu për të lexuar dokumentin e plotë) Propozimi i grupit parlamentar për zgjedhjet për kreun e PD-së më 05.06.2023

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vrasja e postierit në Kamzë, arrest me burg Eduard Lamit, në akuzë për armëmbajtje pa leje

Vrasja e postierit në Kamzë, arrest me burg Eduard Lamit, në akuzë për armëmbajtje pa leje

27 Janar, 10:29