TIRANE- Policia e Sarandës ka arrestuar dje një ish-oficer të ushtrisë i akuzuar për ngacmime seksuale. Agron Cane deri më 15 korrik ka qenë një nga aktivistët pranë zyrës së Sarandës së deputetit socialist Koço Kokëdhima. Denoncimin e ka bërë një grua, sipas të cilës Cane i ka kërkuar marrëdhënie seksuale të bijës 14-vjeçare në këmbim të një favori për të zgjidhur një konflikt pune. Rreth një muaj më parë gruaja ishte pushuar nga një ndërmarrje private në Sarandë dhe ishte drejtuar në zyrën e deputetit Koço Kokëdhima për të kërkuar një ndërhyrje në mënyrë që ta rimerrnin në punë.