POP 5

Lajmet më të lexuara të 5 minutave të fundit

Kronikë

Skandali me pronat në Lezhë, Apeli e lë në ‘arrest shtëpie’, Frrokaj: Jam i zhgënjyer

Gjykata e Apelit nuk ka ndryshuar masën e sigurisë ndaj kryebashkiakut të Lezhës, Fran Frrokaj duke lënë në fuqi vendimin e Shkallës së Parë ‘arrest shtëpie’.

SHKODER-Gjykata e Apelit nuk ka ndryshuar masën e sigurisë ndaj kryebashkiakut të Lezhës, Fran Frrokaj duke lënë në fuqi vendimin e Shkallës së Parë ‘arrest shtëpie’. Frrokaj kërkonte detyrim paraqitje, pasi pretendon pafajësi, ndërsa Apeli ka refuzuar kërkesën e tij. Megjithatë Gjykata e Apelit ka lehtësuar masën, pasi i ka hequr kryebashkiakut mbikëqyrjen policore, ndërkohë që mund ta takojë kushdo në banesë. Gjithashtu, Gjykata rrëzoi edhe kërkesën e prokurorisë për rikthimin në burg të kryebashkiakut. Frrokaj ishte i pranishëm në seancën gjyqësore në Apelin e Shkodrës, ku u shpreh i zhgënjyer me vendimin e gjykatës, që e la në ‘arrest shtëpie’. 

Jam totalisht i pafajshëm. Akti i marrjes së tokës në pronësi vjen i plotësuar nuk plotësohet nga bashkia. Bashkia nuk ka asnjë informacion për këtë çështje. Unë mendoj se është një përdorim ofendues, jam i zhgënjyer nga prokuroria. Nuk jam thirrur asnjëherë nga prokuroria kur unë jam 365 ditë në Lezhë

Kryebashkiaku i Lezhes, Fran Frrokaj

 

Megjithatë Neshat Fana, avokati i kryebashkiakut të Lezhës u shpreh se do të bëhet rekurs në Gjykatën e Lartë, pasi Frrokaj duhet që të ushtrojë funksionin.  

Unë prisja që gjykata të ndryshonte vendimin dhe të jepte një masë për detyrim paraqitje, pasi kryebashkiaku duhet të ushtrojë funksionin e vet. Jam i bindur se do të shkojmë drejt rekursit në Gjyaktën e Lartë për të hequr masën ‘arrest shtëpie’. Është herët për të thënë, por dua të shpresoj të pafajësi.


Avokati i kryebashkiakut Frrokaj, Neshat Fana

Ju bëj me dije se kontestoj qëndrimin e prokurorit, tha të pavërteta dhe përdori gjuhë jo ligjore. Përdori zhargon mediatik, duke lëshuar hipoteza për gjyqtarin duke thënë se ndërroi vendimin pas 3 ditësh.  Fran Frrokaj nuk kishte dijeni mbi falsifikim pasi janë struktura të tjera që bëjnë verifikimin, dhe dokumentet në zyrën e tij janë të firmosura nga institucione të tjera. Nuk ka vepër penale. Kryetari i bashkisë nuk verifikon dhe nuk mban përgjegjësi penale.

Deklarata e avokatit të Frrokajt kundër prokurorit Besim Dragjoshi në seancë

Rendit zhvillimet sipas orarit:
Ora 12:49
Prokuroria kërkoi “arrestin me burg” edhe për kreun e Këshillit Ndoka, gjykata e rrëzon

Prokuroria ka këkruar sot veç kryetarit Fran Frrokaj, arrestin me burg edhe për kryetarin e Këshillit të Qarkut Lezhë Gjokë Ndoka.Avokati i këtij të fundit e ka kundërshtuar këtë kërkesë, me pretendimin se Ndoka ka bashkëpuniar me Prokurorinë. Avokati i tij Genc Gjokutaj u shpreh se është një nga proceset më skandaloze, argumentimi i prokurorisë duke kërkuar menjëherë arrest me burg.

“Prokurori po t’i thërriste, do të jepnin shpjegime, por Prokuroria nuk i ka thirrur asnjëherë. Hetimi ka qenë i pasinqertë dhe jo ligjor. Ankimimi  i prokurorit është absurd, njerëzit janë me arrest shtëpie çka bën që të mos prishen provat ose ato të mos ikin. Pse prokurori i do ne burg keta njerëz kur hetimi vazhdon. Kjo çështje ka një numër alogjik të të ndaluarve për të krijuar idene e nje bande. Por përgjegjësite kolektive kanë marrë fund që nga Roma e lashtë. Ne kërkojmë një mase më të lehte, mos pranimin e ankimit të prokurorit”, - tha Gjokutaj.  Ne fund gjykata vendosi qe te lere ne fuqi masen 'arrest shtepi' per Ndoken. 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Goni: 03/04/2018 14:42

    Une mendoj qe ky duhet futur ne burg as arrest shtepie as i lire eshte i vetmi person qe ka vjedhur tokat e banoreve qe ne Komunen Shenkolle.

    Përgjigju
  • juristja: 03/04/2018 13:18

    Dalsh faqebardh Z.Frrokaj .Trego qe je i pafajshem .

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46