POP 5

Lajmet më të lexuara të 5 minutave të fundit

Politikë

Skandali me publikimin e pagave, Braçe akuzon opozitën: Shantazh politik me qëllim destabilizimin, s’ia dolën me zjarr, por e provojnë me ‘paratë në letër’

Deputeti i PS Erion Braçe akuzon opozitën se skandali i publikimit të pagave është një plan si tentativë për të destabilizuar vendin. Braçe e konsideron rrjedhjen e listës me pagat si shatazh politik të opozitës e cila po e përdor pas humbjes së zgjedhjeve dhe mohon që të jetë pjesë e skemës së patronazhistëve.

Skandali me publikimin e pagave, Braçe akuzon opozitën: Shantazh politik me qëllim destabilizimin, s’ia dolën me zjarr, por e provojnë me ‘paratë në letër’

Erion Braçe

Teksa Lulzim Basha drejton gishtin nga qeveria për skandalin e publikimit të pagave, të numrave të telefonit dhe të dhënave personal duke bërë përgjegjëse atë, deputeti i PS Erion Braçe akuzon opozitën se kjo është një plan si tentativë për të destabilizuar vendin.

Braçe e konsideron rrjedhjen e listës me pagat si shatazh politik të opozitës e cila po e përdor pas humbjes së zgjedhjeve. Për deputetin socialist ndërsa opozita nuk ja doli me zjarr po e bënë këtë përmes cenimit të të dhënave personale.

Teksa sot është publikuar një tjetër listë me mbi 60 mijë më shumë punonjës që u është publikuar paga, numri i telefonit dhe të dhëna të tjera personale, Braçe shkruan se kjo nuk ka lidhje me zgjedhjet pasi është krijuar më 26 prill deri më 6 maj, pra pas 25 prillit duke mohuar që kjo të jetë pjesë e skemës së patronazhistëve siç pretendon PD.

“Tani është shantazh politik! Ka një qëllim, destabilizim! File i prillit është prodhuar në 26 prill dhe 6 maj, pa lidhje me zgjedhjet. I lidhur qartë me qëllimin e destabilizimit pas zgjedhjeve!

Me zjarr nuk ja dolën, me paratë në letër po provojnë”, tha Braçe.

Edhe më herë gjatë ditës së sotme, kryeministri Rama teksa kërkoi ndjesë që ky skandal mund t'i ketë krijuar shqetësime, hodhi dyshime se ky sulm politik mund të jetë një përpjekje e “Foltores” për të krijuar destabilizim, duke iu referuar Sali Berishës.

Skandali me publikimin e pagave është thelluar ditën e sotme ku është publikuar një listë e re me mbi 694 mijë punonjës, pra rreth 60 mijë më shumë se lista e djeshme duke dhunuar sërish në mënyrë skandaloze privatësinë e shqiptarëve. Skandali bëhet edhe më i madh kur në listë janë edhe numrat e telefonit të mbi 900 mijë shqiptarëve. Lista e re, e muajit prill duket të jetë në format e ngjashme me atë të parën, e eksportuar në programin “Excel”. Edhe ky dokument rezulton të jetë krijuar nga useri i ish-punonjëses së Tatimeve Mimoza Seraj, ndërkohë që është krijuar më 26 prill 2021 dhe e modifikuar për herë të fundit më datë 6 maj 2021. Në lidhje me këtë skandal prokuroria tashmë po zhvillon hetimet.

Postimi i Erion Braçes

I.K/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sidrit Golemi: 23/12/2021 22:42

    U zgjua nga perdellitja 23 vjecare edhe "pelikani kacurrel" qe eshte "i dashuruar" pas ngritjes se PBB nepermjet shalqineve te Myzeqese.----------------------------------------------------------------------------------------------------------------------------------------------- Bomba erdhi me sahat! Fiks ne prag te pritjes, pas presionit euroatlantik, per caktimin e nje date per fillimin e negociatave drejt integrimit ne Bashkimin Europian te Shqiperise dhe Maqedonise. Pertej shume e shume shkeljeve Ligjore (te cilat nevojitet te gjurmohen e te denohen ne menyre ekzemplare), Sistemit oligarko-politik ne Shqiperi e ne Ballkan “nuk i plas fare…” pse po i del ne shesh “pluhuri nen tapet” (i mbledhur e i papastruar (nga Ligji) per 31 vjet me radhe)”!

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarin?

Lajme të tjera



×

Lajmi i fundit

Paris Hilton tregon shtëpinë e saj të djegur nga zjarret në Los Anxhelos: Është shkatërruese të shohësh vetëm hirin

Paris Hilton tregon shtëpinë e saj të djegur nga zjarret në Los Anxhelos: Është shkatërruese të shohësh vetëm hirin

10 Janar, 12:54