I vlente edhe barazimi, por Partizani dominoi në çdo aspekt nga fillimi në fund Skënderbeun në ndeshjen e parë gjysmëfinale të ‘final-four’, që kampionët në fuqi e fituan me rezultatin 1-0. Në Air Albania vendosi goli i Bintsouka-s në pjesën e dytë.
“Na vjen mirë që shkojnë në finale me këtë performancë, me këto rezultate pozitive. Kjo ndikon në psikologjinë e skuadrës. Sot para ndeshjes pashë aty në stol dhe lojtarët po bënin stërvitje dhe thash me vete ‘si ka mundësi nuk luhet me 20 vetë se do I fusja të gjithë’. Kjo të jep besim,”-u shpreh Orges Shehi, trajner i Partizanit.
“Ndoshta ky ishte maksimumi për ne. ishte një vit shumë i suksesshëm për ne, por Partizani ishte skuadra më e mirë dhe e meritoi të fitonte,”-tha Ivan Gvozdenovic, trajner i Skënderbeut.
"I kënaur me formulën e final-four në këtë vit të parë eksperimental? “Ishte një mundësi, por të shohim rezultatet në fund fare. Si do finalizohet”. Do e votoni për sezonin e ardhshëm? “Do shohim, tadiskutojmë me të gjithë presidentët kush do jetë më e mira e formulës atë do zgjedhim,”-deklaroi Ardian Takaj, president i Skënderbeut.
Për Partizanin kjo ishte fitorja e 6 radhazi në këtë fund sezoni, që u ka dhënë shumë besim lojtarëve se edhe finalja e madhe do ketë të njëjtin fat.
“Mendoj që jemi në formë shumë të mirë dhe shpresojmë ta mbajmë kështu ritmin. Kemi edhe një ndeshje shumë të rëndësishme që është finalja, por kam besim që do fitojmë,"-tha Arinaldo Rrapaj, futbollist i Partizanit.
“Çdo ndeshje futem për të shënuar, por pastaj detajet e vogla bëjnë diferencën. Besoj që e kam rezervuar golin për në finale,”-u shpreh Xhuliano Skuka, futbollist i Partizanit.
Partizani në finalen e madhe të titullit, më 26 maj, do përballet me fituesin e çiftit tjetër gjysmëfinal Egnatia-Vllaznia. Megjithatë në gjysmëfinalen me Skënderbeun ra në sy, se ndryshe nga çfarë pritej dhe ishte thënë për një kohë të gjatë, kishte shumë pak tifozë. Këtë gjysmëfinale e ndoqën afërsisht 4 mijë dashamirës dhe jo gjithçka shkoi mirë. Në kthim, autobusët e tifozëve të Skënderbeut, janë goditur në hyrje të qytetit të Elbasanit, por fatmirësisht nuk ka patur të plagosur dhe vetëm dëme materiale.
Lajme të tjera
-
Jakin Marena: Kujt i duhej ‘sakrifica’ e Gjekmarkajt në prag të Natës së Krishtit?!
24 Dhjetor, 21:06
-
Afera Partizani/ Ankimoi masën arrest në shtëpi, Kushtetuesja shtyn për vitin e ardhshëm shqyrtimin e kërkesës së Berishës
24 Dhjetor, 16:31 -
Zyrtare/ Bruno Telushi pa ekip, AF Elbasani konfirmon largimin
24 Dhjetor, 11:48 -
Protesta e PD/ Berisha me një grusht militantësh bllokojnë 3 orë Tiranën: Qeveri teknike! Përplasen me policinë! Noka grusht efektivit
23 Dhjetor, 17:11 -
Tirana rrezikon mbijetesën, pesë titullarë me 'valixhe në duar'
23 Dhjetor, 09:29 -
Renditja/ Superliga mbyll vitin 2024, Teuta barazon pa gola me Bylisin! Tifozët numërohen me 'gishtat e një dore'
22 Dhjetor, 19:07 -
Superliga/ Dinamo me hap kampioni, fiton 2-1 kundër Egnatias dhe mbyll 2024 në krye! Tirana 'buzë greminës', Laçi e përmbys 3-1
21 Dhjetor, 18:29 -
Protesta e opozitës të hënën/ Zbardhet ‘skenari’, rrugët do të bllokohen! Berisha i pranishëm për herë të parë pas lirimit nga 'arresti shtëpiak'
21 Dhjetor, 17:51 -
Superliga nis aktin e fundit për 2024, fitojnë Partizani dhe AF Elbasani! ‘Demat’ momentalisht në krye
20 Dhjetor, 22:15 -
Zgjedhjet e 2025/ Berisha i ankohet Këshillit të Diasporës për qeverinë dhe Sorosin: Gjyqe politike ndaj opozitës, qeveri teknike për garantimin e votës së emigrantëve
20 Dhjetor, 15:19 -
Berisha sulmon Dumanin dhe del kundër SHBA: E ka vendin në burg, amnistoi krimet elektorale, s'mund t'i zgjatet mandati! Merr 100 mln lekë në vit, mercenar i partisë
20 Dhjetor, 13:04 -
Superliga, fillon sot akti i fundit për 2024! Ndeshjet në tre ditë, dy duele kyçe
20 Dhjetor, 11:16
