POP 5

Lajmet më të lexuara të 5 minutave të fundit

Sport

Socca World Cup 2024/ Shqipëria arrin fitoren e dytë në grup, mund Letoninë 2-1

Kuqezinjtë siguruan fitoren e dytë në grup, pasi triumfuan në këtë takim me rezultatin 2-1.

Kombëtarja e minifutbollit

MUSCAT, Oman - Kombëtarja shqiptare e minifutbollit luajti sot ndeshjen e tretë në grupin F të Socca World Cup 2024 ndaj Letonisë. Kuqezinjtë siguruan fitoren e dytë në grup, pasi triumfuan në këtë takim me rezultatin 2-1.

Golat e fitores për kuqezinjtë i shënuan Giovanni Hoxha dhe Erald Leci.

Trajneri Irtan Sejko e nisi me këtë formacion titullar ndeshjen ndaj Letonisë: Kejd Myrta (GK), Joanc Duqi, Endrit Kaca, Mehmet Hoxha, Erald Leci dhe Giovanni Hoxha.

Shqipëria mori avantazhin në minutën e 15-të me Giovanni Hoxhën. Nga goditja e dënimit, Kaca pasoi për Hoxhën, i cili me një goditje spektakolare zhbllokoi rezultatin. Pjesa e parë u mbyll 1-0 për kuqezinjtë.

Fraksioni i dytë nuk nisi mirë për Shqipërinë. Letonia vendosi baraspeshën në minutën e 23-të. Megjithatë, kuqezinjtë nuk u dorëzuan dhe u hodhën në kërkim të golit të dytë.

Erald Leci në minutën e 29-të realizoi golin e fitores për Kombëtaren e minifutbollit. Futbollisti kuqezi mori mirë topin dhe u tregua i saktë përballë portierit. Djemtë administruan deri në fund fitoren dhe tani ngjiten në kuotën e gjashtë pikëve.

Shqipëria do të luajë ndeshjen e fundit në grupin F më 5 dhjetor ndaj Meksikës, në orën 12:00.

Në rast se Shqipëria do të renditet në dy vendet e para të grupit, do të kualifikohet më tej në raundin e 1/16-ave.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Tragjedia ajrore në Uashington/ Në avionin edhe çifti i kampionëve patinatorë të famshëm! Media ruse: Bashkëshortët Syskova-Naumov ishin në bord (VIDEO)

Tragjedia ajrore në Uashington/ Në avionin edhe çifti i kampionëve patinatorë të famshëm! Media ruse: Bashkëshortët Syskova-Naumov ishin në bord (VIDEO)

30 Janar, 09:06