Republika e Austrisë do të ndihmojë qeverinë shqiptare në përballimin e pasojave të tërmetit të datës 26 nëntor 2019, duke vënë në dispozicion 600,000 €, për rindërtimin e banesave të shkatërruara apo dëmtuara. Marrëveshja për dhurimin e kësaj shume u nënshkrua në Ministrinë e Mbrojtjes nga drejtori i Agjencisë Kombëtare të Mbrojtjes Civile Haki Çako dhe drejtoresha e zyrës lokale të Agjencisë Austriake Për Zhvillim Simone Ungersböck.
Të pranishëm në nënshkrimin e marrëveshjes ishin edhe ministrja e Mbrojtjes OltaXhaçka dhe shefi i misionit në Ambasadën Austriake në Tiranë, Christian Steiner. Marrëveshja e nënshkruar ka për qëllim përmirësimin e kushteve të jetesës për familjet e prekura nga tërmeti, duke rindërtuar ose riparuar shtëpitë e dëmtuara.
Përfituesit kryesorë të këtij donacioni do të jenë kryesisht bashkitë e Durrësit dhe të Tiranës. Partner zbatues i kësaj marrëveshjeje është Ministria e Mbrojtjes nëpërmjet Agjencisë Kombëtare të Mbrojtjes Civile, ndërsa Agjencia Austriake për Zhvillim do të monitorojë gjithë procesin e zbatimit të këtij projekti dhe do të informohet në mënyrë të vazhdueshme, direkt në terren për ecurinë e këtij projekti.
Projekti ka hyrë në fuqi më datë 01 dhjetor 2019 dhe do të vazhdojë deri më 31 mars 2021.Austria ka qenë një nga vendet e para të Bashkimit Evropian që ka ofruar mbështetjen e saj në kuadër të Mekanizmit të Mbrojtjes Civile të BE-së duke siguruar pas tërmeteve të 21 shatorit dhe 26 nëntorit 2019, gjeneratorë, batanije, krevatë portativë dhe mjete higjeno-sanitare.
Kanë qenë të shumta vendet që janë solidarizuar me Shqipërinë, pas tërmetit të fuqishëm me 26 nëntor që la disa viktima dhe qindra të plagosur.
Solidaritet të jashtëzakonshme ka treguar edhe bota e futbollit, ku shumë personalitete botërore, klube futbolli, i janë bashkuar nismës për të mbledhur fonde në ndihmë që të prekurve nga tërmeti.
Rumani, jo vetëm që solli në kohë rekord ekipet e kërkim-shpëtimit në Shqipëri, dërgoi tre herë ndihma, por edhe Liga Profesionist e Futbollit të këtij shteti i është bashkuar thirrjes së Ambasadës Shqiptare në këtë vend.
Ambasada jonë në Rumani ka publikuar një video, ku njofton se të gjitha ndeshjet e kampionatit në Rumani gjatë fundjavës do të nisin me një banderolë ku shkruhet “Pray for Albania”.
“Liga rumune e Futbollit Profesionist – LPF i është bashkuar thirrjes së Ambasadës për solidaritet me popullin Shqiptar në këto momente të vështira dhe te gjitha ndeshjet e kampionatit rumun te futbollit, të kësaj fundjave, fillojnë me një banderole të mbajtur nga lojtarët, ku afishohet Pray for Albania dhe e-albania.al/donate. Me emocion të vecantë ndoqëm fillimin e ndeshes FCSB dhe Gaz Metan në Stadiumin e Bukureshtit National Arena”, shkruan ambasada.
Pas tërmeti shkatërrues të 26 nëntorit, Emiratet e Bashkuara Arabe kanë ndihmuar përsëri Shqipërinë duke sjellë 460 çadra dimërore për të lehtësuar sadopak vështirësitë e familjeve të prekura në zonat rurale, të cilat e kanë të pamundur të strehohen nëpër hotele.
Kujtojmë që Emiratet e Bashkuara Arabe dhanë 3 milionë euro për të prekurit nga tërmetit që goditi Shqipërinë në 26 nëntor të këtij viti.
Në fillim ata ofruan ndihma urgjente humanitare, të cilat përfshinin nevojat themelore që variojnë nga ushqimi deri tek furnizimet mjekësore dhe strehimi.
"Solidaritet anekënd botës pas tërmetit të 26 nëntorit.
Emiratet e Bashkuara Arabe u janë bashkuar vendeve që po ndihmojnë në përballimin e pasojave të tërmetit, duke sjellë 460 çadra dimërore për të lehtësuar sadopak vështirësitë e familjeve të prekura në zonat rurale, të cilat e kanë të pamundur të strehohen nëpër hotele", ka shkruar ministrja Xhaçka në profilin e saj.
Rumania ka sjellë në Shqipëri edhe ndihmën e tretë humanitare për banorët e prekur nga tërmeti i 26 nëntorit.
Pas katastrofës në Shqipëri, u aktivizua mekanizmi evropian i mbrojtjes civile dhe Presidenti Klaus Iohannis bëri thirrje për përfshirjen urgjente të Rumanisë për të ofruar mbështetje dhe ndihmë për autoritetet shqiptare pas situatës dramatike të krijuar nga seria e tërmeteve që goditën këtë vend.
Pas dy transporteve që mbërritën në Shqipëri në datën 26 nëntor dhe 1 dhjetor, me dy avionë ushtarakë C130 Hercules, të cilët sollën dhe ekipin e shpëtimit të përbërë nga 54 anëtarë dhe 4 qen të përgatitur për të shpëtuar jetë njerëzore, në datën 5 dhjetor mbërriti ndihma e fundit humanitare dhënë nga Rumania me dy kamionë nga Administrata Kombëtare e Rezervave të Shtetit dhe Probleme të Veçanta.
Ndihma humanitare e siguruar nga Rumania përbëhej gjithsej nga: 100 tenda plotësisht izotermale dimri, 400 shtretër, 400 dyshekë, 400 batanije të leshta, 400 thasë gjumi dhe 800 çarçafë.
Në destinacionin ku ndihmat u shkarkuan nga autoritetet shqiptare përmes institucionit të rezervave të shtetit, ishte i pranishëm dhe Ambasadori i Rumanisë, Mircea Perpelea.
Kamioni me ndihma
"Së bashku mundemi", është një takim solidariteti i zhvilluar në Senatin Italian për ti ardhur në ndihmë Shqipërisë në fazën e rindërtimit pas tërmetit.
Takimi I solidaritetit u zhvillua në bashkëpunim me grupin parlamentar të miqësisë Itali-Shqipëri.
Në takim morën pjesë edhe nga diaspora e re shqiptare, personalitete arbëreshë dhe përfaqësues të shtetit Italian. Gjithashtu në takim morën pjesë përfaqësues nga shoqeria civile, arkiteëktë, përfaqësues nga bota e biznesit dhe ajo akademike.
Takimi u përshëndet nga senator dhe deputetë italianë.
Në takim u theksua nevoja e ndihmës që Italia duhet ti japë Shqipërisë gjatë procesit të rindërtimit.
Takimi në Senat u mbyll me mesazhin: Deti që na ndan është një det bashkimi dhe solidariteti.
E tronditur nga lajmi i tërmetit, Emily vogëlushja nga Italia ka shkruar një letër për fëmijët shqiptarë.
Krahas letrës ajo ka bashkangjitur edhe 5 euro për për fëmijët e prekur nga tërmeti.
Vogëlushja jeton në qytezën e vogël Agordo që ka vetëm 4 mijë banorë në provincën e Bellunos në Itali.
Letra e kësaj vogëlushe italiane i drejtohet punonjësve të Mbrojtjes Civile Italiane, ku u kërkon të dërgojnë në Shqipëri letrën e saj si dhe 5 eurot.
"E dashur Mbrojtja civile e Bellunos. Unë jam Emily e sot kur u zgjova në mëngjes dëgjova në lajme për lajmin e keq.
Mami im që tani është duke pirë kafe , më shpjegoi se në Shqipëri pati një tërmet të fortë.
Unë imagjinova ata fëmijë që po flinin në krevatet e tyre të ngrohta, pranë mamit a babit o pranë vëllezërve të tyre, e do jenë trembur shumë.
Më vjen kaq keq e uroj të mos dëgjoj më lajme të tilla në televizor. Nga frika ata fëmijë nuk do të kenë ngrënë as mëngjes.
Unë nuk jam shqiptare por dua t'u them atyre fëmijëve se dëshiroj të jem mikja e tyre e zemrës. Nuk di si t'ja bëj e dua që ju të më ndihmoni t'i dërgoj fëmiëjve të Shqipërisë këtë pikturën time që ata ta shohin se unë i kam menduar e më vjen shumë keq për atë cfarë u ka ndodhur.
Shpresoj që të jenë përsëri të qetë e të lumtur me familjet e tyre. Ju përshëndes fëmijë shqiptarë e po ju nis dhe 5 euro kështu që nesër të hani mëngjes", shkruhet në letrën e vogëlushes.
Letra mban datën 26 nëntor 2019, ditën kur tërmeti i fortë goditi Shqipërinë.
Letra e Emilyt
Komente
Lajme të tjera
-
3 vite nga tërmeti tragjik, rindërtimi ende në proces! Në Fushë-Krujë, Thumanë e Bubq familjet në shtëpitë e reja, në Krujë mbi 1100 ende me bonus qiraje
26 Nëntor 2022, 16:33
-
3 vjet nga tërmeti tragjik, Berisha: Qeveria përgjegjëse, 51 persona humbën jetën në shtëpiat e shpallura të pabanueshme! Askush pas hekurave
26 Nëntor 2022, 12:12 -
Sot 3 vite nga tërmeti tragjik, ç'ndodhi mëngjesin e 26 nëntorit që i mori jetën 51 shqiptarëve! Ambasadorja e BE: Vazhdojmë me programet e rindërtimit
26 Nëntor 2022, 08:13 -
Tërmeti i 26 nëntorit, Gjykata e Durrësit shpall të pafajshëm 4 persona! Mes tyre pronari i lokalit që dëmtoi strukturën e pallatit ku vdiqën 2 persona
7 Nëntor 2022, 09:36 -
Mbi 4700 nxënës në Durrës mësim me dy turne! 3 vite pa tërmetit, 12 shkolla ende në rindërtim, Thërmija: Tenderimi ka pasur vonesa
2 Shtator 2022, 18:43
-
Të sëmuresh në Shqipëri, vetëm për të provuar zemrën e madhe shqiptare
29 Korrik 2022, 13:53
-
Rama në Manzë, hapen dyert e 230 apartamenteve të reja për banorët që humbën shtëpinë në tërmetin e 26 nëntorit! Kryeministri: Njëlloj i qëndrojmë pranë shqiptarëve edhe në krizën e çmimeve
28 Mars 2022, 12:01 -
U dëmtua banesa nga tërmeti, për të tretin vit radhazi mungon festa e Vitit të Ri për familjen Veseli në Fushë-Milot: Edhe këtë vit e kaluam në çadër, vajza është sëmurë se fle në të ftohtë
2 Janar 2022, 14:24
-
SPECIALE/ COVID-19 dhe ekonomia, në ditarin e gazetareve Doris Sallaku dhe Eliza Gjediku
1 Janar 2022, 18:38
-
Rishikimi/ Rritet me 70 milionë dollarë buxheti për rindërtimin, shkon edhe për shkolla dhe infrastrukturën publike
7 Dhjetor 2021, 14:44
-
Banka Botërore 29.5 mln dollarë për shëndetësinë në Shqipëri, financohen spitalet e dëmtuara nga tërmeti
2 Dhjetor 2021, 12:31 -
Speciale/ Dy vjet pas tërmetit! Humbi familjen në rrënojat e Thumanës, i mbijetuari planifikon të krijojë familje të re
27 Nëntor 2021, 18:34
Austria Po të doje të ndërtoje disa ndertesa vete me ato lek, ashtu siç di ajo dhe jo t ua japi bimbasheve së do vidhen!
Përgjigju