POP 5

Lajmet më të lexuara të 5 minutave të fundit

Sport

Solskjaer: Cristiano Ronaldo ishte një gabim, Harry Kane donte të bashkohej me Manchester United

Ish-trajneri i Manchester United, Ole Gunnar Solskjaer beson se disa futbollistë te "Djajtë e Kuq" nuk janë aq të mirë sa mund të mendojnë.

Solskjaer: Cristiano Ronaldo ishte një gabim, Harry Kane donte të bashkohej me Manchester United

Ole Gunnar Solskjaer

Ish-trajneri i Manchester United, Ole Gunnar Solskjaer beson se disa futbollistë te "Djajtë e Kuq" nuk janë aq të mirë sa mund të mendojnë. Ai gjithashtu pranon se rikthimi i Cristiano Ronaldos ishte një gabim i madh për United.

Pas një kohe të gjatë ka folur Ole Gunnar Solskjaer dhe ka komentuar edhe episodin e tij në stolin e trajnerit të Manchester United. Prej shumë vitesh, rezultatet e gjigantit anglez nuk kanë qenë në nivelin e pritur dhe duket se as ndryshimet e trajnerëve dhe investimet e mëdha në stafet e lojës nuk po i ndihmojnë Djajtë e Kuq në këtë pikë.

"Cristiano Ronaldo? Kisha një ndjenjë që kjo mundësi nuk duhej humbur. Ky ishte një gabim. Ndjenja ishte e mrekullueshme në fillim, ajo e duhura. Cristiano nënshkroi, tifozët ishin në ekstazë, tribunat shpërthyen kur ai shënoi dy gola tashmë në ndeshjen kundër Newcastle. Ai ishte i përgatitur mirë, kishte shumë për të ofruar në nivelin më të lartë. Të famshëm të tjerë? Disa prej tyre besojnë se janë shumë më të mirë se sa janë në të vërtetë", tha ish-trajneri.

Solskjaer kujtoi veçanërisht disa emra që donte t'i sillte në "Teatrin e Ëndrrave", por më pas për arsye të ndryshme kjo nuk ndodhi. Haaland dhe Harry Kane ishin objektiv, Solskjaer ishte gjithashtu i interesuar për Declan Rice dhe Jud Bellingham, të cilët të dy u transferuan në Real Madrid dhe Arsenal  për më shumë se 100 milionë euro këtë verë.

"Doja ta shihja Haaland te United edhe para se të bënte debutimin e tij për Salzburgun. Unë po mbështetesha edhe për Rice, i cili atëherë ishte në dispozicion për një tarifë shumë më të ulët se Arsenali këtë vit. Kane? Ai donte të shkonte në United dhe unë do ta kisha nënshkruar sa herë që më ofrohej, por Manchester United nuk kishte para të mjaftueshme në atë kohë për shkak të pasojave të pandemisë. Nuk kishim burime të pakufizuara për përforcime", tregoi Solskjaer.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Planet e administratës së re amerikane për reformimin e FBI-së

Planet e administratës së re amerikane për reformimin e FBI-së

27 Dhjetor, 20:45