Solskjaer me ditë të numëruara, Phil Jones shefit të klubit: Shkarkoje sa më shpejt

Trajneri i Manchester United, Ole Gunnar Solskjaer, me shumë gjasa po kalon momentet e fundit si trajner i ‘djajve të kuq’. Nën drejtimin e norvegjezit klubi britanik po gjen ‘paqe’ në Premier League’, aty ku ka hasur shumë ulje ngritje. Humbja e fundit kundër Uest Ham ka tërbuar jo vetëm tifozët, por edhe pjestarë të stafit të ekipit, ku bën pjesë edhe Phil Jones, ish-futbollist i Manchester United.

Teksa ndeshja ishte 2-0 në favor të Uest Ham, ish-futbollisti Jones është fokusuar nga kamerat teksa i kërkon diçka shefit të klubit Edd Woodward. Sipas ekspertëve të leximit të buzëve në Angli, Jones tekstualisht i është drejtuar Ëoodëard duke i thënë: “Shkarkojë që në mëngjes.”

Sipas mediave angleze Jones e ka patur fjalën për trajnerin Solskjaer, që ka përfunduar në mesin e kritikave pas paraqitjeve zhgënjyese të Manchester United. Gjithsesi shefi i klubit Ed Ëoodëard ka qenë më i përmbajtur. Ai i është kthyer ish-futbollistit duke i thënë: “Ka kamera, pusho!”

Mbetet për t’u parë se si do të përfundojë kjo çështje, por padiskutim pas publikimit të këtyre pamjeve asgjë në klub nuk do të jetë si më parë. Sa i takon ecurisë së skuadrës, Manchester United ka vetëm dy fitore në njëmbëdhjetë ndeshjet e fundit të ‘Premier League’, ndërsa tre pikët e fundit larg ‘Old Traford’ janë siguruar për herë të fundit në muajin shkurt.

Ne.k./Shqiptarja.com

TAG:
• Manchester United
• Ole Gunnar Solskjaer