Soni Malaj nuk ndalet në muzikë,
tjetër bashkëpunim me Young Zerkën

Pas rikthimit të saj në skenë si mentore e një prej spektakleve në ekranin shqiptar, nuk u largua më, madje i është përkushtuar e gjitha muzikës.

Bëhet fjalë për këngëtaren Soni Malaj e cila vetëm pak javë me parë publikoi vidoklipin e saj të ri, një bashkëpunim me këngëtarin libanez, Saad Ramadan.

Edhe pse akoma po shijon suksesin e këngës, duket se është rikthyer sërish në punë, ku përmes një fotoje të publikuar në rrjetet sociale, këtë here bahskëpunimi vjen me Young Zerka.



Në një postim të fundit në profilin e saj në Instagram, këngëtarja ndodhet në një studio muzikore bashkë me këngëtarin e ri, Young Zerka, i cili vjen pas suksesit të radhës në edicionin e 15-të të “Këngës Magjike”.

Të dy këngëtarët kanë pasur një vit të mbarë dhe me triumfe.

Soni fitoi çmimin e pare në edicionin e fundit të Top Festit, me këngën “Me të jeton”, ndërsa Young Zerka me Aurela Gaçen triumfuan në “Këngën Magjike” me këngën “Pa kontroll”.
Marrë nga numri i sotëm i gazetës së përditshme të printuar “Shqiptarja.com”
Redaksia Online