Ambasadori i Bashkimit Europian në Shqipëri Luigi Soreca është takuar me eurokomisionerin Johannes Hahn ku e ka informuar lidhur me zhvillimet politike në Shqipëri. Lajmin e ka bërë të ditur vetë ambasadori i BE përmes një postimi në twitter.
Soreca thekson se në kuadër të vendimit për hapjen e negociatave të vendin tonë me BE është thelbësor procesi i reformave në vend.
"I lumtur të informoja eurokomisionerin Johanes Hahn për zhvillimet e fundit të situatës politike në Shqipëri. Në funksion të vendimit të Tetorit të Komisionit Europian për hapjen e negociatave për pranimin në BE është thelbësor përqendrimi në procesin e reformave", shkruan Soreca.
![](https://shqiptarja.com/template/img/NO_ALFA_Kuadrate shqiptarja.png)
Postimi i plotë i Soreca-s
Shqipëria pret vendimin KE lidhur me negociatat në 18 Tetor 2019. Komisioni Europian ka rekomanduar më herët hapjen e negociatave duke deklaruar se Shqipëria i ka plotësuar kushtet për anëtarësim në BE. Në prezantimin e progres-raportit në maj të këtij viti për ecurinë e vendit tonë në sajë të 5 prioriteteve kyçe për negociatat, eurokomisioneri Johannes Hahn tha se Shqipëria ka bërë progres, dhe ka përmbushur reforma të cilat duhen shpërblyer nga Bashkimi Evropian.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)