Sot Champions League është për ata me zemër të fortë! Liverpool pret Real Madridin, Juve e Dortmund në udhëtim

Dita e dytë e aktit të pestë në Ligën e Kampioneve sheh këtë të mërkurë në program sfidën mes Liverpool dhe Real Madrid.

Gjithçka sa i takon Ligës së Kampioneve për sot merr jetë në 18:45 me dy takime. Në Beograd luhet Crvena zvezda - Stuttgart, ndërsa në Graz të Austrisë vendasit e Sturm përballem me Gironan.

'Melodia' vijon në 21:00 ku në 'Anfield' spikat përballja mes Liverpool dhe Real Madrid, dy klubet historike që do kërkojnë vazhdimësinë. Përballë do jenë idetë e Arne Slot dhe Carlo Ancelottit.

Në Birmingham luhet Aston Villa - Juventus, me "Zonjën" që është e 'dënuar' për tri pikë, por sheh tetë mungesa titullarësh dhe trajneri Motta do hedhë me gjasë si sulmues Weah.

Në "Maksimir" vendasit e Dinamo Zagreb kanë një detyrë të vështirë pasi bujtës do jetë Dortmundi i Sahin. Interesante në Principatë, me Monacon që pret Benfican. Në Itali, Bologna pret Lillen e Edon Zhegrovës.

Vetëm me nëntë ndeshjet e para të luajtura për aktin e pestë, është Interi që për momentin prin klasifikimin me katër fitore radhazi dhe asnjë gol të pësuar këtë edicion të Ligës së Kampioneve, duke qenë skuadra e vetme me këtë statistikë.

Champions League, raundi 5:

E mërkurë, 27 nëntor 2024

18:45

Crvena zvezda - Stuttgart

Sturm Graz - Girona

21:00

Aston Villa - Juventus

Bologna - Lille

Celtic - Club Brugge

Dinamo Zagreb - Dortmund

Liverpool - Real Madrid

Monaco - Benfica

PSV - Shakhtar Donetsk

Renditja: