Tre gola Bjellorusisë, Shqipëria arrin fitoren e madhe në 'Air Albania'! Renditemi të parët në grup (VIDEO)

Zv. Kryeministri Erion Braçe përmes një statusi në rrjetet sociale ka uruar ekipin kombëtar për suksesin e sotëm më Bjellorusinë.

Braçe gjithashtu ka kërkuar që paratë e fituara me vendin e parë në grup që shkojnë tek më shumë se 1 milion euro, të investohen për tapetin e “Air Albania”.

“Vetëm kaq? Bravo deri këtu por, me zemër në dorë e mbi të gjitha pa dominim, për pasojë edhe pa playoff që është një shkallë më lart se kaq!
Dhe ishin të gjithë më të dobët se ne, se ju! Liga e re është krejt tjetër standard; aty çdo bëni?

Individualisht-tek e tek jeni të denjë për aty; por aty duhet ekipi, ai që mbron, lufton e fiton në çdo centimetër! Ju keni shansin të hapni një cikël 10 vjeçar që duhet të jetë super, për ju, për ne tifozët, për Shqipërinë; rrituni bashkë e me fitoret!

Aaaa po, që të mos harroj; paratë të cilët do rrjedhin nga fitorja e sotme-vendi i parë, kërkoni të mbeten në këtë fushë, aty, për ta bërë njëherë e mirë një fushë që nuk pengon cilësinë tuaj!”, shprehet Braçe. (TemA)

Presidenti Ilir Meta, i ulur në pankinën kryesore të stadiumit pasi ka ndjekur ndeshjen nga afër, uron lojtarët kuqezinj për fitoren ndaj Bjellorusisë, në veçanti Cikalleshin.

"Cikalleshi është i paparë. Premton një dhe bën dy! Urime kuqezinjve tanë", shkruan Meta. 

Kryebashkiaku Erion Veliaj ka përgëzuar lojtarët e Kombëtares për suksesin e arritur. Përmes një postimi në rrjete sociale, Veliaj thekson se djemtë na bënë të ndihemi krenarë sot ndërsa i uron dhe për ngjitjen në Ligën B. 

“Bravo Sokol Cikalleshi dhe Rey Manaj për golat e shënuar.  Një tjetër fitore e merituar nga çunat e Kombëtares. 

Faleminderit që na bëni të ndihemi krenarë dhe shumë urime për ngjitjen në Ligën B.  Forca çuna”, shkruan Veliaj

Është mbyllur ndjeshja mes Shqipërisë dhe Bjellorusisë në 'Air Albania' Një fitore shumë e rëndësishme për kuqezinjtë.

Por në fund një incident i panevojshëm është regjistruar. Një konflikt mes futbollistëve ka bërë që të shpërthente një sherr ende pa dalë nga fusha lojtarët e të dyja ekipeve.

Por gjithçka është mbyllur pa probleme. 

Lumë golash në "Air Albania". Kryesojmë me rezultatin 3-1. 

Pas 2 golave të Çikalleshit dhe ngushtimit të rezultatit nga ana e bjellorusëve, ka qenë Rei Manaj që ka menduar të rikthejë qetësinë në kampin kuqezi.

Sokol Çikalleshi është i papërmbajtshëm. Sulmuesi shënon serish në "Air Albania". 

Kuqezinjtë kanë fituar në penallti, e cila është shndërruar në gol nga Çikalleshi. 

Një gol i shpejtë i kuqezinjve në "Air Albania". Sokol Çikalleshi ka kaluar në avantazh kombëtaren në sfidën shumë të rëndësishme kundër Bjellorusisë.

Djemtë e Rejas e kanë nisur vrullshëm ndeshjen duke krijuar raste deri në shënimin e golit.

Ka nisur ndeshja mes Shqipërisë dhe Bjellorusisë, e vlefshmë për Ligën e Kombeve.

Kuqezinjtë duan me patjetër një fitore në ndeshjen e fundit sot për të marrë vendin e parë në grupin e tyre

Trajneri Edy reja ka zgjedhur të bëjë disa ndryshime në formacion për ndeshjen me Bjellorusinë, në krahasim me atë të tre ditëve më parë kundër Kazakistanit.

Kështu nga minuta e parë nuk do ta nisë Kallaku, vendin e të cilit e ka zënë Qazim Laçi. Ndërkohë surpriza më e madhe vjen nga krahu i majtë i mesfushës ku Uzuni ka përfunduar në stol ndërsa në vendin e tij është prferuar Hysen Memolla.

Siç pritej vendin e Abrashit, të pezulluar me kartona, e ka marrë Gjasula, i cili luan i dëmtuar në krahë. Gjithashtu edhe Albi Doka do ta nisë nga fillimi, pasi zëvendëson Hysajn e infektuar me COVID.

Reparti i mbrojtjes dhe sulmit mbetet i pandryshuar nga ndeshja me Kazakistanin.