Berisha protestë me një grusht militantësh: Nuk futemi në zgjedhje me Ramën! Po i bën presion Kushtetueses për Ballukun, do e paguajë

Kreu i grupit parlamentar të Partisë Socialiste, Taulant Balla, ka publikuar sërish foto nga pjesëmarrja e ulët në protestën e Partisë Demokratike, para kryeministrisë. Në protestën e tretë të Sali Berishës, duket qartë se ishin më pak të pranishëm se në protestën e 17 nëntorit dhe atë të 24 nëntorit.

“Sot kishte edhe më pak krushq, ndërsa syresh kishin konsumuar lëndë kimike në ndonjë dasëm mbrëmë aq sa njëri shpalli armiq edhe aleatët tanë amerikanë. I bëj thirrje Tritan Shehut të distancohet”,- shkruan Balla.

Po ashtu, në seksionin e komenteve të këtij postimi, Balla ka postuar një fotomontazh, ku duket se ekzaktësisht në vendin ku Berisha mban tubimet e tij, po zhvillohet një seancë joga.

Kreu i PD, Sali Berisha hodhi akuza ndaj kryeministrit Edi Rama se përdor vjedhjet dhe drogën për të shkatërruar kombin. Berisha tha se nuk do ta lëshojën sheshin para kryeministrisë pa laruar Ramën nga qeveria.

“Ka shkatërruar një sistem të tërë dhe për vete vjedh, vjedh, vetëm vjedh. Po arsimi, po shkollimi, një shkatërrim me dokumente, me vlerësime zyrtare si në asnjë vend tjetër. Rama për të shkatërruar këtë komb, nuk përdor kampet e përqendrimit, nuk përdor burgjet politike, ndonëse burgos politikisht, por përdor vjedhjet, vjedh me bandën e tij 90% të të gjitha fondeve për punë publike. A mund të imagjinoni një magazinier i Salillarit është fitues tenderi 60 mln euro për Portin e Vlorës. A mund të imagjinoni që rruga të ndërtohet me çmim 10 herë më të lartë se në Europë. Ne nuk e lëshojmë këtë shesh, ky është sheshi ynë, ne dalim nga ky shesh vetëm kur të shpëtojmë shqiptarët dhe Shqipërinë nga kjo bandë. Arma e dytë e tmerrshme e kësaj bande është droga”, tha Berisha.

Ndonëse në protesta i bashkohen një grusht militantësh, Berisha thotë se janë shumë veta dhe se në protestat e radhës do u bashkohen edhe më shumë protestues. Berisha i tha Ramës se do të paguajë për vendimet e diktuara të Gjykatave dhe se nuk heqin dorë deri në largimin e tij nga qeveria.

“Parlamenti është përfaqësuesi juaj. S’do ta lejojmë që ta përdorë Kuvendin. Këtyre u ka ikur koha  e tyre është një kohë e zezë dhe këta duhet të shkojnë për veprat e tyre të zeza që u kanë bërë shqiptarëve. Rama kërkon t’i diktohet gjykatës kushtetuese. Por unë e garantoj se vendimet e diktuara të të gjykatës që po bën do i paguash shumë shpejt, nuk jemi nga ata që po presim shpëtimin nga një prokuror apo gjykatës, do ta presin shqip nga ne, ne jemi shumë, do të jemi edhe më shumë, s’do të heqim dorë deri në largimin e Ramës nga qeveria”, tha Berisha.

Partia Demokratike zhvilloi protestën e 3 para Kryeministrisë ditën e sotme.

Në shesh është vënë re dhe prania e djalit të ish-ministrit të Transporteve dhe deputetit të ndjerë demokrat, Sokol Olldashi.

Glauk Olldashi është fotografuar teksa ka ndjekur këtë protestë, ndërsa shihet pranë Besart Xhaferrit.

Sali Berisha u zotua sonte se nuk do të futet më në asnjë palë zgjedhje përballë kryeministrit Edi Rama. Këtë deklaratë ai e bëri para kryeministrisë në protestën e tretë të ashtuquajtur "foltorja parlamentaro-qytetare. 

"Kemi hyrë në betejë vendimtare, me Edi Ramën nuk shkojmë më në zgjedhje. Zgjedhjet ne nuk ia falim kuurë, U garantoj se fitorja ështrë e jona, Rama të ardhme nuk ka, do të jëtë e shkuara e zezë e këtij vendi. Të hënën tjetër përsëri këtu dhe çdo të hënë do të nisim javën me betejë. Dhe nisja e javës më një betejë kundër kryediktatorit të kombi të të gjitha kohrave është rruga drejt fitores",- tha Berisha.

Sali Berisha i është përgjigjur nga protesta para Kryeministrisë, Edi Ramës për çështjen Balluku,  i cili deklaroi se nuk po ushtron presion ndaj Kushtetueses. Berisha tha se Rama po e mbron Ballukun dhe po sulmon Kushtetuesen, ndwrsa tha se s’do t’i ndahen atij derisa ta largojnw nga pushteti.

“Rama ka dy ditë ka humbur çdo gjë dhe me një përçartje të neveritshme del dhe merr në mbrojtje, po mbroj ministren, nuk po mbroj lubinë, po mbroj kryeministrin nuk po mbroj Edvinin. Kujt do t’ia shesësh ti këto. Ato që bën kundër Kushtetueses, fakton se ti je hajduti kryesor i kësaj afere. Tu drejtohemi bashkë shqiptarëve, çfarë do bëjmë ne të dashur qytetarë dhe qytetare, do pranojmë ne të vazhdojmë të vidhemi nga një kusar që s’ka asnjë normë morale, apo s’do ti ndahemi atij gjeri ditën e fundit të largimit nga pushteti”, tha Berisha.

Deputeti Ivi Kaso në fjalën e mbajtur në javën e 3-të të protestës së organizuar nga Partia Demokratike, ka kërkuar dorëheqjen e kryeministrit Edi Rama dhe të zv,kryeministres Belinda Balluku.

Kaso thotë se Rama duke mos shkarkuar Ballukun, po mbron veten e tij. Sipas Kasos, Rama i druhet përballjes me drejtësinë pasi do t’i duhet të japë llogari për shumë çështje të tjera për të cilët vartësit e tij tashmë janë nën hetim apo të izoluar.

“Kryekaçaku ka një synim të vetëm, të vjedhë çdo gjë që zoti i ka falur këtij vendi. Të vjedhë shqiptarët, të talli fermerët. Ka synim që opozitës ta kthejë në shtojëse të qeverisë. Kryeministri mashtron kur thotë që nuk ka ndodhur në asnjë vend të botës të mos jetë pezulluar një ministër nga drejtësia.

Së pari në asnjë vend s’ka ndodhur që zv.kryeministri  të jetë i pandehur dhe të merret në mbrojtje nga shefi kryeministër. Ai ose jep dorëheqjen ose shkarkohet. Duhet ta kemi të qartë se me refuzimin e tij për të shkakruar Ballukun rmaa po mbron veten e tij. Ai kërkon të krijojë një precedent të rrezikshëm që rreket të mbrojë jo vetëm atë, por çdo hajdut dhe zullumqar pushteti në këtë vend. Komisioni i Venecias e ka shprehur qartë qëndrimin e tij se askush nuk është mbi ligjin kur bie fjala për vepra të rënda penale siç është korrupsioni. Rama e di mirë që me arrestimin e Ballukut, sado e cunguar të jetë drejtësia në këtë vend, më pas do të kërkohet koka e tij. Në rast se futet në morsën e drejtësisë, ky njeri që uzurpuar këtë godinë, do t’i duhet të përgjigjet për shumë e shumë krime të tjera. Rama është shefi  i të gjithë atyre që janë sot nën hetim apo pas hekurave dhe duhet ta ndajmë njëherë e përgjithmonë, shefi ose di dhe është i korruptuar ose nuk di dhe është i mangët nga mend e kokës dhe nuk bën për atë punë. Në çdo rast duhet të iki.

Rama duhet të përgjigjet për vjedhjet me inceneratorët që nuk ekzistojnë, për tigrat e Vlorës, për pastrimin e parave që bëhen me firmat e tij me lejet e ndërtimit. Ramës do t’i duhet të përgjigjet për skandalin e rrugës Qukës- Qafë Plloc që u prish me shiun e parë.

Ramës nëse do të vihet përpara përgjegjësisë së drejtësisë, do të duhet të përgjigjet dhe për grabitjen e pronave publike. Do të vazhdojmë të dalim në këtë foltore për të drejtën e fjalës dhe për të vërtetën që me çdo kusht duhet thënë. Qytetarët, demokratë ose jo nuk udhët të dekurajohen”, tha Ivi Kaso.

Në protestën para kryeministrisë, deputetje e Partisë Demokratike, Manjola Luku, tha se qytetarët nuk duhet të jenë apatikë për aferat që akuzohet zëvendëskryeministrja Belinda Balluku, sepse preket drejtpërdrejtë “xhepi” i çdo qytetari

“Të dashur qytetarë gra burra, djem dhe vajza, sot ne jemi këtu jo vetëm për një tubim politik por për të thënë stop. Në emër të grave shqipatre, nënave vajzave, unë qëndroj para jush kundër ligjeve që synojnë të shkatërojnë ekonomitë tona, demokraconë. Ne jemi dëshmitarë se si shteti nuk ka rënë para dhunës, por se shteti bashkëpunon me krimin dhe dhunën A mundemi të heshtim për aferat e fundit që tronditën shtetin. Qindra raporte ndërkombëtare flasin për konflikte të interesit, keqpërdorim të pushtetit. Skandali me Belinda Ballukun, urdhrat e Edi Ramës na prekim të gjithëve neve. Ne duhat ta kuptojmë njëherë e mirë së sistemi ynë është i korruptuar. Shqipëria nuk është pronë e Edi Ramës, e as arat personale të Belinda Ballukut”,- tha Luku.

Edhe në javën e 3-të të, në bulevardin “Dëshmorët e Kombit” janë mbledhur vetëm militantët demokratë për të marrë pjesën në protestën e çdo jave të thirrur nga Partia Demokratike.

Siç shihet nga pamjet me dron të transmetuara nga Report Tv, Numri i pjesëmarrësve vijon të jetë i ulët nga java në javë ndërsa në foltoren e vendosur përpara kryeministrisë fjalën e marrin deputetë dhe anëtarë të PD-së.

"Risia" e vetme e javës së 3-të e protestës së organizuar nga Partia Demokratike, janë imazhet e anëtarëve të Partisë Socialiste, të cilët ose janë aktualisht të izoluar me vendim të GJKKO-së ose të marrë nën hetim nga SPAK kryesisht të akuzuar për korrupsion, pastrim parash, apo shpërdorim detyre.

Mes tyre përmendim Erion Veliajn, Alqi Bllakon, Ilir Beqajn, Vangjush Dakon si dhe zv.kryeministrja Belinda Balluku, e cila tashmë është pezulluar nga detyra ndërsa në mesin e tyre qëndron Edi Rama.

Pas "kafes" që organizoi me figura të rëndësishme të Partisë Demokratike, përfshirë fitues të Primareve dhe kandidatë për deputetë që morën numër të konsiderueshëm votash por nuk arritën të fitonin mandatin më 11 maj, Ervin Salianji është paraqitur në protestën e thirr nga Sali Berisha mbrëmjen e sotme para kryeministrisë.