1 muaj para zgjedhjeve vendore 2023, sot më 14 prill nis zyrtarisht fushata zgjedhore. Partitë politike mund të prezantojnë programet e tyre deri më 12 maj 2023, ndërsa e shtuna është heshtje zgjedhore dhe të dielën (14 maj) qytetarët i drejtohen kutive për të votuar.
Një ditë më parë Organizata më e rëndësishme ndërkombëtare për monitorimin e zgjedhjeve, OSBE-ODIHR dha mesazhin e qartë që fushata duhet të jetë paqësore dhe e hapur, ndërsa konkurrimi politik të jetë sa më konstruktiv dhe në zbatim të ligjit shqiptar e standardeve ndërkombëtare. Edhe kreu i shtetit, Bajram Begaj dha mesazhe të forta dhe porosi për mbarëvajtjen e procesit zgjedhor duke i kërkuar institucioneve përgjegjëse që të monitorojnë fushatën elektorale me kujdes dhe të dënojnë çdo fenomen që mund të cenojë procesin zgjedhor, mes tyre edhe shit blerjen e votës.
Ndonëse partitë politike kanë nisur takimet e tyre me mbështetësit, tashmë kandidatët për kryetarë bashkie do të kenë edhe numrat që do të përmendin në daljet publike për të bërë fushatë. Një ditë më parë, KQZ hodhi shortin dhe partitë mësuan renditjen e tyre në fletën e votimit dhe numrin e kandidatëve për kryebashkiakë me të cilin do të bëjnë fushatë.
Në bashkinë e Tiranës, kryebashkiaku Erion Veliaj do të mbajë numrin 4, Pas tij, i pesti, në fletën e votimit renditet Belind Këlliçi i Koalicionit Berisha-Meta ndërsa i 6-ti Roland Bejko i PD zyrtare. Numri 1 do të mbahet nga kandidati i Lëvizjes Bashkë, Arlind Qorri. I dyti në fletën e votimit është kandidati komunist Marko Dajti, që u fut në zgjedhje me firmën e Flamur Nokës, ndërsa e 3-ta Lajla Përnaska nga PDIU-ja.
Në listën për këshillat bashkiak, Shorti renditi të parin Koalicionin Meta-Berisha, PS-ja radhitet e dyta, ndërsa mes 40 partish në këtë listë Partia Demokratike zyrtare e Enkeleid Alibeaj do të mbajë numrin 9, i njëjti numër që e identifikoi atë edhe në zgjedhjet e përgjithshme parlamentare të dy viteve më parë.
Lajme të tjera
-
51 vjetori i revoltës së Spaçit, Basha: Drodhi themelet e regjimit! Ishin të vetmit njerëz të lirë në një Shqipëri të robëruar
21 Maj, 11:31 -
PD me program më 1 qershor! Europiani dhe vapa e gushtit “shtyn” kandidatët
20 Maj, 16:50
-
Në 1 qershor PD zhvillon Kuvendin për prezantimin e Programit, Agalliu: Do të kërkojmë votën e shqiptarëve për të larguar këtë qeveri të korruptuar
19 Maj, 16:53 -
Rienergjizimi i PS-së/ Rama zhvillon takimin e dytë me të rinjtë e Akademisë Politike
18 Maj, 19:18 -
Gjykata e Lartë e ka orientuar vendimin e Apelit, por PD duhet ta tejkalojë sindromën e 'vulës'
18 Maj, 12:56
-
Ia ktheu Gjykata e Lartë, Apeli vendos më 11 qershor për vulën dhe logon e PD-së
17 Maj, 20:25 -
Azgan Haklaj zbulon 'planin e Berishës': Do rrëzohej Basha, që të vinte Argita në krye të PD! U hartua në 2021-in
17 Maj, 17:56 -
Kalimi i pronave publike tek privatët/ Basha: Akti i radhës korruptiv! Non-gratat i kanë vënë sytë Insitutit Albanologjik në qendër të Tiranës
17 Maj, 11:42 -
Mblidhet Grupi i PS/ Çuçi-deputetëve: Angazhohuni për turin e takimeve me diasporën
13 Maj, 11:16 -
Anëtarët e Komisionit Hetimor në Shëndetësi me axhenda të ndara! PS nis vizitat në terren, opozita ‘ngec’ te plani hetimor
12 Maj, 15:08 -
Strategjia e gabuar e dhunës dhe e frikës vazhdon të tkurrë opozitën e të dizbalancojë Shqipërinë
12 Maj, 12:10
-
Lezhë/ Zgjedhja për delegatët e Kongresit, Manja: Do të jemi në qeverisje edhe në mandatin e katërt
11 Maj, 15:32
