ZYRIH, Zvicër - Kombëtarja shqiptare e futbollit do të njohë sot kundërshtarët e kualifikueseve të Kupës së Botës 2026. Shorti do të hidhet në selinë qëndrore të FIFA-s në Zyrih në orën 12:00. Botërori 2026 për herë të parë në hisori do jetë me 48 skuadra.
Kombëtarja shqiptare është pjesë e vazos së tretë. Ndërkaq, vazot e tjera janë të ndara si më poshtë:
Vazo 1: Francë, Spanjë, Angli, Portugali, Holandë, Belgjikë, Itali, Gjermani, Kroaci, Zvicër, Danimarkë, Austri.
Vazo 2: Ukrainë, Suedi, Turqi, Uells, Hungari, Serbi, Poloni, Rumani, Greqi, Sllovaki, Çeki, Norvegji.
Vazo 3: Skoci, Slloveni, Republika e Irlandës, Shqipëri, Maqedonia e Veriut, Gjeorgji, Finlandë, Islandë, Irlanda e Veriut. Mali i Zi, Bosnja dhe Hercegovina, Izraeli.
Vazo 4: Bullgari, Luksemburg, Bjellorusi, Kosovë, Armeni, Kazakistan, Azerbajxhan, Estoni, Qipro, Ishujt Faroe, Letoni, Lituani.
Vazo 5: Moldavia, Malta, Andorra, Gjibraltari, Lihtenshtejn, San Marino.
Ekipet do të tërhiqen në 12 grupe me katër dhe pesë skuadra, teksa ato në një vazo nuk mund të luajnë me njëra-tjetrën. Kombëtarja rrezikon në grup Serbinë, ose ndeshje me Kosovën. Sistemi i dueleve do jetë vajtje-ardhje.
Kualifikueset europiane për Kupën e Botës 2026 janë planifikuar të fillojnë në mars 2025 dhe të përfundojnë së bashku me fazën “play-off” në mars 2026.
Ekipet që janë renditur të parat në grupet e Nations League dhe vendet e dyta dhe të treta që luajnë për t’u ngjitur/zbritur nga ligat e NL do të jenë në grupe me katër ekipe dhe do të jenë pjesë e grupeve A-F.
Sa skuadra evropiane kualifikohen në Kupën e Botës 2026?
Në total, 16 vende të UEFA-s do të kualifikohen për Kupën e Botës 2026. 12 fituesit e grupeve kualifikohen direkt në Kupën e Botës; katër vendet e mbetura përcaktohen nga play-off-et që përfshijnë 12 nënkampionët e grupeve.
Si funksionojnë play-off-et për Kupën e Botës 2026?
12 nënkampionët e grupeve do të marrin pjesë në play-off. Kësaj faze do i bashkohen edhe katër ekipet e renditura më mirë në edicionin e fundit të Ligës së Kombeve për të shkuar numri në 16. Më pas nga përballjet me një takim, katër ekipet më të mira do të shkojnë në Botëror, për të përmbushur 16 biletat që janë për kombëtaret nga UEFA që do të marrin pjesë në turneun e Kupës së Botës.
Kufizimet
Për arsye politike, Ukraina dhe Bjellorusia nuk mund të jenë në të njëjtin grup dhe as Gjibraltari dhe Spanja. Kosova nuk do përballet me Serbinë dhe Bosnje-Hercegovinën.
Kualifikimet evropiane të Kupës së Botës 2026: Datat kryesore
Shorti i fazës së grupeve
13 dhjetor 2024
Ndeshjet e fazës së grupeve
nga marsi deri në nëntor 2025
Datat e ndeshjeve të play-off
më 26 dhe 31 mars 2026
Turneu final daton nga
11 qershori deri më 19 korrik 2026
Kupa e Botës 2026 do zhvillohet në Amerikën e Veriut. 11 stadiume pritëse do jenë në SHBA, 3 në Meksikë dhe 2 në Kanada. Për herë të parë Kupa e Botës do jetë "XXL" me 48 skuadra në fazën finale, aty ku rriten shanset e Shqipërisë për një vend në grupe. Do jenë 16 skuadra të UEFA-s që do jenë pjesë e turnet më të rëndësishëm të futbollit në botë.
Gjithsej do të jenë 104 ndeshje, me finalen që do të luhet në Nju Jork, në stadiumin e Nju Xhersit. Turneu do të fillojë më 11 qershor 2026 dhe do të mbyllet më 19 korrik 2026.
48 ekipe
Formati me 32 ekipe me tetë grupe është zëvendësuar nga një me 12 grupe me katër ekipe. Dy skuadrat e para në secilin grup, plus tetë skuadrat më të mira të vendit të tretë, do të kalojnë në raundin e 32-të. Miratimi i 12 grupeve me nga katër u zgjodh mbi opsionin e 16 grupeve me tre ekipe, bazuar në një rishikim të plotë që mori në konsideratë një sërë faktorësh, duke përfshirë përvojën e ekipit dhe tifozëve, mirëqenien e lojtarëve dhe integritetin sportiv.
Formati i ri do të thotë se skuadra që triumfon në finalen e 19 korrikut do të ketë luajtur tetë ndeshje për t’u kurorëzuar kampione, një më shumë se në 'Katar 2022'.
Vendet pritëse, Kanadaja, Meksika dhe Shtetet e Bashkuara kualifikohen automatikisht për Kupën e Botës. 45 vendet e tjera do të përcaktohen nga garat kualifikuese nga çdo konfederatë kontinentale. Nga UEFA që përfshin Europën janë 16 kombëtare. Nga CAF që është Afrika do të jenë 9 kombëtare. Azia 8 dhe Amerika e Veriut dhe Latinë nga 6 kombëtare, si edhe një nga Oqeania.
Komente
Lajme të tjera
-
Disiplina/ Gjoba e pezullime, e pësojnë Flamurtari dhe Kukësi
12 Dhjetor, 13:45 -
VIDEO/ Futet si zëvendësues, Rocco Vata shënon golin e parë në Angli dhe shmang humbjen e Watford
12 Dhjetor, 12:15 -
Nesër shorti, Kombëtarja njeh kundërshtarët e kualifikueseve për Kupën e Botës 2026! Rrezikohet grupi me Serbinë
12 Dhjetor, 10:41 -
Tifozët fusin në telashe FSHF-në, UEFA gjobë 27.750 euro
12 Dhjetor, 09:24 -
‘Pitbulli’ i Kombëtares, Amir Abrashi rinovon me Grasshopers
11 Dhjetor, 13:24 -
Juventus - Man. City dhe Dortmund - Barcelona, Champions League premton spektakël në mbrëmje! Milan dhe Arsenal në shtëpi
11 Dhjetor, 09:47 -
UEFA i beson arbitrave të Superligës, vendosin drejtësi në Europa League
11 Dhjetor, 09:14 -
Liverpool zyrtarisht në 1/8 e Champions League, një skuadër eliminohet me gjashtë humbje
11 Dhjetor, 08:38 -
Champions League/ Leverkusen bën Interin për ‘Aspirina’, i shkakton humbjen e parë! Liverpool me hap lideri, Reali ‘Galaktik’ në Bergamo! Bayern me ‘pesë yje’
10 Dhjetor, 23:05 -
Aventura te Barcelona, Marcus Thuram: Shkova pa këpucë në stërvitje, Messi më dha të tijat
10 Dhjetor, 12:29 -
Rikthehet sot Champions League, Liverpool luan në Spanjë! Real Madrid udhëton në Itali kundër kryesuesve! Leverkusen pret Interin
10 Dhjetor, 10:36 -
Tirana harron të fitojë, barazon 0-0 me Teutën në ‘Air Albania’! Renditja e Superligës dhe agjenda e javës së 18-të
10 Dhjetor, 09:31
Boll kena stres, edhe keta kena magute
Përgjigju