Zgjedhjet lokale në Maqedoninë e Veriut, VMRO-DPMNE kryeson në 53 komuna, koalicioni shqiptar VLEN në 9, AKI 6! 11 të arrestuar për shit-blerje votash (VIDEO)

Kanë dalë rezultatet e para, në zgjedhjet në Maqedoninë e Veriut, VMRO-DPMNE kryeson në 51 komuna.

Koalicioni VREDI kryeson në 9 komuna, SDSM dhe NAI në 7.

11 persona janë arrestuar në Maqedoninë e Veriut për shitblerje votash në zgjedhjet lokale që u mbajtën sot.

Kjo është bërë me dije nga Ministri i Punëve të Brendshme, Pance Toshkovski, në një konferencë për media.

“Me krenari e them se zgjedhjet e sotme ishin më të qetat dhe më demokratiket deri më tani. Sot dëshmuam se kur instutucionet funksionojnë, demokracia është në rritje. Janë denoncuar 91 raste në gjithë Maqedoninë, shumica prej tyre kanë të bëj me blerjen e votës, fotografimin e votës, e kështu me radhë. Janë arrestuar 11 persona katër janë liruar ndërsa 7 të tjerët janë në procedurë e sipër”, tha ai.

Kryeministri i Maqedonisë së Veriut, Hristijan Mickoski ka reaguar lidhur me zgjedhjet lokale që u mbajtën sot në Maqedoninë e Veriut. Ai ka thënë se pret fitore historike për VMRO-DPMNE-në dhe koalicionin.

Bazuar në informacionin që kemi aktualisht në dispozicion, mund të them se dita e zgjedhjeve po kalon në mënyrë paqësore dhe dinjitoze, siç pritej, dhe në përputhje me sjelljen e qytetarëve maqedonas. Pres që të përfundojë në të njëjtën mënyrë dhe që rezultatet të shënojnë një tjetër fitore historike për VMRO-DPMNE-në dhe koalicionin, tha kryeministri Hristijan Mickoski për mediat të dielën pasi votoi në qendrën e votimit në komunën Karposh gjatë raundit të parë të zgjedhjeve lokale të vitit 2025.

Ka përfunduar në orën 19:00 orari zyrtar i procesit të votimit për zgjedhjet lokale në Maqedoninë e Veriut.

Sipas të dhënave të Komisionit Shtetëror të Zgjedhjeve dalja në zgjedhje deri në orën 18:30 ishte 46.65 për qind.

Teksa vijon procesi i votimit për zgjedhjet lokale në Maqedoninë e Veriut, policia ka arrestuar dy persona.

Sipas mediave maqedonase, ata janë arrestuar në oborrin e një shkolle fillore në Çair të Shkupit, pasi u prezantuan si vëzhgues, ndërsa refuzuan që të tregonin dokumentin e identifikimit.

"Individët nuk ishin të përfshirë në procesin zgjedhor, por u paraqitën si vëzhgues të procesit zgjedhor. Ata ishin në oborrin e shkollës dhe refuzuan të identifikoheshin", thuhet në deklaratën e Ministrisë së Brendshme.

Në Maqedoninë e Veriut po votohet këtë të dielë për raundin e parë të zgjedhjeve lokale për kryetarë komunash dhe këshilltarë komunalë në 80 komuna, plus Shkupin (81 në total). Komisioni Shtetëror i Zgjedhjeve, raportoi se 39% e qytetarëve votuan deri në orën 17:00

Në Maqedoninë e Veriut po votohet këtë të dielë për raundin e parë të zgjedhjeve lokale për kryetarë komunash dhe këshilltarë komunalë në 80 komuna, plus Shkupin (81 në total). Komisioni Shtetëror i Zgjedhjeve, raportoi se deri në orën 15:00, kanë votuar 31,16 % e qytetarëve me të drejtë vote. Procesi i votimit ka filluar në orën 07:00 dhe qytetarët do të mund të votojnë deri në orën 19:00. Më pas do të nisë numërimi i votave dhe shpallja e rezultateve të para. Numërimi në proceset zgjedhore në Maqedoninë e Veriut, zhvillohet në qendrat e votimit.

Në Maqedoninë e Veriut, këtë të diele janë duke u mbajtur zgjedhjet lokale.

U raportua se deri në orën 13:00, sipas të dhënave të KSHZ-së, në zgjedhje kanë pjesë vetëm 20.17 për qind e votuesve. 

Qendrat e votimit janë hapur në orën 07:00 dhe Komisioni Shtetëror i Zgjedhjeve konfirmoi se kjo ka ndodhur në të gjitha vendvotimet. 

Qytetarët do të mund të votojnë deri në orën 19:00 dhe më pas do të nisë numërimi i votave dhe shpallja e rezultateve të para.