POP 5

Lajmet më të lexuara të 5 minutave të fundit

Kronikë

SPAK kërkon kalimin në gjyq, GJKKO shtyn për më 15 mars vendimin për Inceneratorin e Fierit

Gjykata e Posaçme Kundër Krimit të Organizuar edhe Korrupsionit ka vendosur të shtyjë vendimin për kalimin ose jo në gjykim të dosjes së inceneratorit të Fierit. Në seancën e sotme paraprake janë dëgjuar versionet e prokurorisë për qëndrimin e mbrojtjes.

SPAK kërkon kalimin në gjyq, GJKKO shtyn për më 15 mars vendimin për Inceneratorin e Fierit

Inceneratori i Fierit

Gjykata e Posaçme Kundër Krimit të Organizuar edhe Korrupsionit ka vendosur të shtyjë vendimin për kalimin ose jo në gjykim të dosjes së inceneratorit të Fierit. Në seancën e sotme paraprake janë dëgjuar versionet e prokurorisë për qëndrimin e mbrojtjes.

Për inceneratorin  e Fierit u paguan 4 milionë euro për punë që nuk u kryen asnjëherë, ndërsa 60 milionë lekë është dëmi i shkaktuar në buxhetin e shtetit në skemën e mashtrimit. 

Prokuroria e Posaçme kundër Korrupsionit dhe Krimit të Organizuar përfundoi pak javë më parë hetimet dhe çoi për gjykim të akuzuarit Lefter Koka, Alqi Bllako, Etleva Kondi, Jonida Zeqo, Pëllumb Abeshi, Bardhul Çabiri, Serafin Papa, Mirel Mërtiri, Klodian Zoto, Stela Gugallja dhe 2 kompanitë shoqëria “Albtek Energy” sh.p.k dhe shoqëria “Integrated Technology Services” sh.p.k.

Mbi të gjithë personat më sipër rëndojnë akuzat e “Shpërdorimi i detyrës”, “Korrupsioni aktiv i funksionarëve të lartë shtetërorë ose i të zgjedhurve vendorë”, “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale”.

Ndërkohë që duhet thënë se Stela Gugallja, Mirel Mërtiri dhe Klodian Zoto tre personazhet e rëndësishme për hetimet e inceneratorëve në Elbasan dhe Fier, tashmë në kërkim ndërkombëtar, janë hetuar edhe më herët nga prokuroria e Elbasanit, për të njëjtat akuza për të cilat SPAK i ka marrë të pandehur. 

K.T./A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ndryshe nga biznesi i vogël profesionet e lira do të tatohen, si ju duket?

Lajme të tjera



×

Lajmi i fundit

Ndarja nga jeta e Giorgio Napolitanos, mesazh ngushëllimi nga Begaj: Shqiptarët do ta kujtojnë gjithmonë për mbështetjen e tij në rrugën drejt BE

Ndarja nga jeta e Giorgio Napolitanos, mesazh ngushëllimi nga Begaj: Shqiptarët do ta kujtojnë gjithmonë për mbështetjen e tij në rrugën drejt BE

22 Shtator, 23:03