Është bukur kur të hapet një derë, këtu në një studio-arti të Tiranës, pranë zonës së “Porcelanit". Është emocionuese, kur derën ta çel vetë artistja. Është suprizuese, kur syri yt prek e ledhaton një sërë objektesh dhe formash, duke filluar nga qeramika, relievet, vazot magjike, skulpturat më të vogla, aplikacionet e ndërlikuara me figura, metafora e simbole, që paraqiten përmes glazurave të ngrohta.
“Qeramika në Shqipëri duket sikur përfaqësohet nga Mira Kuçuku. Volumet dhe pikturimi i tyre i kanë dhënë fizionomi unike qeramikës së saj. Njohja prej artistes e disa teknikave delikate të trajtimit dhe të modelimit me konfigurim mbi baltë të papraktikuar më parë në vendin tonë, si dhe fantazia në hedhjen e glazurave, të cilat çudisin dhe vetë artisten, të befasojnë dhe shkaktojnë një emocion të madh”,- thotë studiuesja e artit Suzana Varvarica.
Pasi është bërë procesi i ngjizjes së veprës në shpirtin e artistes Mira Kuçuku, në mendësinë, në fantazinë e pasur dhe intuitën e lartë të kompozimit, pasojnë edhe shumë punë të vështira me procesin e pjekjes në furrë dhe latimin e tyre deri në detaje, që jeta e veprës të zgjatet deri në përjetësi. Vepra kalon përmes një procesi të çuditshëm krijimi, ku forca shprehëse artistike arrin të sfidojë “brutalitetin” e materies.
“Mira Kuçuku baltën e ka bërë të flasë shqip në dialektin e qeramikës. Ky dialekt me fuqi magjike është vetëm i saj. Kanë kaluar vite dhe ajo flet gjithmonë e më bukur, sepse është enigma që ajo ka zgjidhur modernisht nga bukuria e folkut”, -shkruan për të skulptori i njohur Ilmi Kasëmi.
Dialekti në skulpturë krijon stil të spikatur dhe ajo e ka arritur majën e malit të shenjtë të artit, me stilin Mira Kucuku.
E diplomuar në Akademinë e Arteve në Tiranë, Mira u punësua për 17 vjet si skulptore në ndërmarrjen artistike “Migjeni”.
Pas viteve ‘90 me ardhjen e demokracisë, skulptorja e qeramikës Mira Kuçuku çeli studion e saj dhe i dhuroi vetes lirinë e shumëpritur të shprehjes artistike.
Mira Kuçuku, është kaq e sigurt dhe unike në krijimtarinë e saj. Një artiste produktive që vazhdon të eksplorojë tema të reja, duke u kthyer shpesh në motivet dhe simbolet e kulturës shqiptare.
Lajme të tjera
-
Informaliteti i pagave, Tatimet aksion në 1197 biznese në të gjithë vendin: 936 i korrigjuan, 6,1 mln lekë gjoba të vendosura, kontrollet do vijojnë!
26 Dhjetor, 20:35 -
Dosja 5D, SPAK mbyll hetimet dhe dërgon për gjykim ish-drejtorët e Bashkisë Tiranë! Kompania gjatë 2016-2022 fitoi 12 tendera dhe përfitoi rreth 2 mlionë euro
26 Dhjetor, 15:36 -
Tiranë, përplasi me makinë policin e Patrullës që ishte në shërbim, arrestohet 21 vjeçari
26 Dhjetor, 13:25 -
VIDEOLAJM/ Shikoni trafikun kilometrik në hyrje e dalje të Tiranës
26 Dhjetor, 13:23 -
Mbledhja e qeverisë, 275 mijë familje dhe individë përfitojnë nga 15 mijë lekë shpërblim për fundvitin
26 Dhjetor, 13:06 -
'Ne blejmë më shtrenjtë se qytetarët e BE', deputetja e PL-së: Shëndeti i shqiptarëve kërcënohet si nga prodhimi vendas dhe ai i importit
26 Dhjetor, 12:40 -
Tiranë/ Shiste fishekzjarre nga bagazhi i makinës, në hetim të lirë 46-vjeçari! Policia shton masat kundër shitjes së lëndëve piroteknike
26 Dhjetor, 10:27 -
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Hetimi pasuror, Veliaj 5 orë në SPAK! Burime: U kërkoi prokurorëve të thërrasin për deklarim edhe Nesti Angonin, denoncuesin që s'ekziston (VIDEO)
26 Dhjetor, 09:19 -
Sot Kukësi sfidon Egnatian në finalen e Superkupës, rrogozhinasit kërkojnë 'tripletën'! FSHF asnjë shpërblim për fituesin, Tetova: Duam trofeun
26 Dhjetor, 08:42 -
FOTOT/ Tirana shkëlqen për festat e fundvitit
25 Dhjetor, 21:16 -
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
