Shqiptarja.com këtë javë i kushton një speciale Shërbimit  Shëndetësor.
 
Përmes intervistave dhe shkrimeve Shqiptarja,com sjell një panoramë tërësore si do të funksionojë partneriteti privat-publik në shëndetësi, kontratat me rregulla të forta të fituesit të shërbimeve shëndetësore, si dhe zgjerimin e kategorisë së ilaçeve që përfshihen në skemën e ribursimit. 

1-   Zv/ministrja e Shëndetësisë, Milva Ikonomi në një intervistë për “Shqiptarja.com” jep të gjitha detajet për mënyrën se si do të implementohet partneriteti privat publik në shëndetësi. Kjo është një nga nismat më të fundit të qeverisë, çka përbën një risi në reformat e ndërmarra sa fundmi. Ky partneritet do të bëjë të mundur që një pjesë e mirë e shërbimeve të gjejnë shtrirje në këtë sektor, por edhe të jenë në favor të popullatës.  
Lexo me shume: Ikonomi: Paketat shëndetësore, spitalet do futen në garë

2-  Drejtori i Fondit të Sigurimit dhe Kujdesi Shëndetësor, dr. Astrit Beci në një intervistë të dhënë për “Shqiptarja.com” shpjegon kontratat e reja që do të lidhen me institucionet shëndetësore qofshin ato publike apo private. Ato do të jenë të mirëpërcaktuara, në mënyrë që të sjellin më shumë siguri për pacientët, ndërkohë që auditimi ndaj tyre do të jetë edhe më i rreptë.
Bëhet fjalë për 5 paketat shëndetësore të cilave po u llogariten kostot, ndërkohë që paralelisht me to pritet të ndodhin edhe një sërë  investimesh në shëndetësi. Beci tregon se dy paketat e para u realizuan me sukses, duke nxjerrë për herë të parë edhe kostot e dializës dhe transplantit të veshkave.

Lexo me shume: Astrit Beci: Kontratat e reja shëndetësore më shumë siguri për pacientët

3- Nevojat e të sëmurëve për medikamente dhe zgjerimi i rrethit të këtyre sëmundjeve ka bërë që, nga viti në vit, buxheti për subvensionimin e ilaçeve nga shteti të rritet. Vetëm në vitin që lamë pas, numri i recetave të rimbursueshme u rrit me 500 mijë më shumë, duke e çuar numrin total të tyre në 4.2 milionë. Por, edhe pse numri i recetave të rimbursueshme është rritur, krahasuar me disa vende të tjera të rajonit, efikasiteti i tyre vazhdon të jetë shumë i ulët.

Lexo me shume: Recetat e rimbursueshme, 500 mije me shume se 2012
 


speciale sherbimi shendetesor
Lexo të plotë