I ftuar në emisionin e mëngjesit “Rreze Dielli” në Report TV, me moderatore Androniki Kolka, ishte nutricionisti nga Suedia, Altin Joka, i cili foli për stresin dhe dëmet që ai shkakton në shëndetin e njerëzve, si dhe ushqimet që duhet të konsumohen për uljen e nivelit të kortizolit në trupin tonë.
”Stresi është përgjigjia që trupi ynë reagon ndaj situatave të ndryshme në jetë, qofshin reale dhe jo reale dhe është një gjendje e shkaktuar nga disa faktorë” e nis kështu bisedën nutricionisti i njohur, duke shtuar se kur njeriu përballet me situata stresuese, komplikohet gjendja e gjendrave endokrine, duke krijuar probleme me gjumin dhe jo vetëm.
”Është parë që kur ne jemi me stres, kortizoli në trup rritet me nëntë herë, kjo kur kemi stres mesatar, ndërsa kur kemi stres të rritur, niveli i kortizolit rritet me 12 herë” u shpreh Altini, duke theksuar se trupat tanë nuk janë të përllogaritur që të ‘hanë’ gjithë këtë nivel stresi që përballojmë sot.
”Stresi i tepërt, ul imunitetin, dëmton mukozën e stomakut, dëmton gjendrat endokrine, sjell një inflamacion më të rritur në trup duke krijuar disa probleme si hipertensioni, mbipesha, probleme me kapsllëkun, plakje të parakohshme, probleme me tumoret që kanë një bazë kryesore edhe nga niveli i stresit, humbje të shikimit, dëmtim të neuroneve, probleme me sëmundjet mendore, ulje të potencës seksuale, probleme me menstruacionet tek femrat, rënien e flokëve, si dhe një sërë pasojash të lidhura me njëra-tjetrën.
”Kortizoli, i njohur si hormoni i stresit, është përgjegjësi kryesor për të gjitha problemet e krijuara nga stresi” tha Altini, duke shtuar se ky hormon prodhohet në gjendrat mbiveshkore, e më pas lëshohet në gjak, duke u transportuar në të gjithë trupin.
”Kortizoli sjell dhe ndryshime të nivelit të sheqerit apo glukozës në gjak, problemin e metabolizmit, ndihmon dhe në forcimin e kujtesës, sikurse stabilizon dhe mban nivelin e gjakut korrekt, pa harruar gjumin dhe zgjimin në mëngjes” shtoi ai, duke theksuar se kortizoli rritet dhe nga nivelet e larta të zhurmave, përdorimi i tepërt i teknologjisë, ndërsa kur kortizoli ulet, kemi ulje të ritmit të zemrës, ulje oreksi dhe presion të ulët gjaku. Po çfarë ushqimesh duhet të konsumojmë që të ulim nivelin e stresit sipas Altin Jokës?
Së pari ushqime me vitaminën B kompleks, konsumimi i fasuleve, i bishtajoreve, i bananeve, grurit të papërpunuar, i patateve të kuqe, i avokadove, grupit të ushqimeve me vitamina C si speci, kivi, agrumet si dhe aminoacidit të triptofanit, pa harruar vajrat e ullirit, avokados, apo sallatat jeshile. Kur jemi në stres, gjendrat mbiveshkore nuk funksionojnë mirë dhe për pasojë, kemi rritje në peshë, ose mund të humbasim peshë duke u dobësuar.
”Konsumimi i borzilokut, ose mbajtja në gojë e tij, mund të normalizojë situatën me stresin” theksoi Altini, duke shtuar se nuk duhet të harrohen ushqimet me magnez që janë shumë të rëndësishme. Në fund Altini tha se është vënë re se femrat si natyra më emocionale, preken më lehtë nga stresi, në raport me meshkujt.
Lajme të tjera
-
Ju futen thonjtë në mish? Ylli Merja tregon kurën natyrale që ju shpëton në pak ditë
23 Dhjetor, 15:58 -
Altin Joka: Kujdes, zbokthi është problem i brendshëm shëndetësor / Ja si mund të luftohet
18 Dhjetor, 15:57 -
Keni dhimbje të gjurit? Ja kura natyrale që do jua largojë dhimbjet përgjithmonë
16 Dhjetor, 17:24 -
‘Kujdes në dashuri’ Jorgo Pulla paralajmëron shenjat…/ Horoskopi i javës, parashikimi për çdo shenjë
16 Dhjetor, 15:45 -
Altin Joka: Ja ‘magjia’ e përdorimit të kripës si terapi dhe cila sëmundje mund të kurojë
12 Dhjetor, 14:52 -
Probleme me fryrjen e barkut dhe jashtëqitjen? Mund të vuash nga sindroma e zorrës së irrituar/ Ja ç’duhet të bëni
11 Dhjetor, 10:37 -
1 thelpi hudhër në ditë haje në këtë mënyrë… Hudhra mund të ndryshojë jetën nga Altin Joka
4 Dhjetor, 16:35 -
Laringiti te fëmijët, simptomat që nuk duhet t’i neglizhoni / Ylli Merja: Ja si ta trajtoni në mënyrë natyrale
2 Dhjetor, 15:39 -
Kujdes! Çdo vendim i kësaj jave ndikim deri në Mars 2025 / Horoskopi javor 2-8 dhjetor nga astrologu Jorgo Pulla
2 Dhjetor, 12:30 -
Dëllinja 'ilaç' për shpirtin dhe shëndetin / Ylli Merja: Ja si ta përdorni mrekullinë kurative të natyrës
25 Nëntor, 16:19 -
Ja ç’do ndodhë në Dhjetor! Lëvizje të forta planetare, Jorgo Pulla paralajmëron shenjat…/ Horoskopi për muajin Dhjetor
25 Nëntor, 15:54 -
Nustricionisti dhe specialisti i Mjeksisë Holistike, Altin Joka: Ndryshimi i stilit të jetës dhe të ushqyerit ju zgjat jetën
24 Nëntor, 13:32
