Studimi: Ecja me biçikletë për në punë zvogëlon rrezikun e depresionit

Studimi: Ecja me biçikletë për në punë zvogëlon rrezikun e depresionit

Foto ilustruese

Mjekët u rekomandojnë më pak ilaçet kundër depresionit njerëzve që shkojnë në punë me biçikletë, ka zbuluar një studim i ri.

Hulumtimi përfshiu rreth 380 mijë njerëz që jetojnë në Skoci dhe studimi tregon se çiklizmi për në punë zvogëlon rrezikun e depresionit dhe ankthit, raportojnë mediat e huaja.

Udhëtimi me biçikletë rezultoi në një reduktim më të madh të recetave të shëndetit mendor për gratë sesa për burrat, sipas një studimi nga Universiteti i Edinburgut, edhe pse burrat kanë më shumë gjasa të bëjnë çiklizëm.

Studiuesit kombinuan të dhënat nga 378,253 njerëz të moshës 16 deri në 74 vjeç nga regjistrimi skocez i vitit 2011 me të dhënat e recetave nga Shërbimi Shëndetësor Kombëtar i Mbretërisë së Bashkuar për pesë vitet e ardhshme.

Personat jetojnë dhe punojnë në Edinburg ose Glasgow, jetojnë brenda një milje nga një rrugë biçikletash dhe nuk kishin një recetë për ilaçet kundër depresionit në fillim të studimit.

Studiuesit zbuluan se 15% më pak receta për depresionin ose ankthin ishin shkruar mes çiklistëve në pesë vitet pas vitit 2011, krahasuar me joçiklistët.

"Zbulimi ynë se kjo metodë me kosto efektive dhe e qëndrueshme e udhëtimit në punë përmirëson gjithashtu shëndetin mendor dhe sugjeron që politikat për të investuar në rrugët e biçikletave dhe për të inkurajuar udhëtimin aktiv mund të kenë një ndikim të gjerë përfitimesh. Jo vetëm që mund të përmirësojë shëndetin mendor të njerëzve, por gjithashtu mund të ndihmojë në uljen e ndotjes së mjedisit dhe bllokimit të trafikut”, tha Udhëheqësi i kërkimit, profesor Chris Dibben, nga Shkolla e Gjeoshkencave të Universitetit të Edinburgut.

S.S/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Finalja Spanjë – Angli, sipas jush kush e fiton Euro 2024?



×

Lajmi i fundit

Të dielën finalja e Euro 2024, bota e futbollit mban frymën! Anglia bëhet gati për festë, shpall të hënën pushim

Të dielën finalja e Euro 2024, bota e futbollit mban frymën! Anglia bëhet gati për festë, shpall të hënën pushim