Ka dy lloje njerëzish në këtë botë: Ata që bësojnë se mund të bëjnë që gjërat të ndodhin dhe ata që besojnë se atyre u ndodhin gjëra.
Grupi i parë është i bindur se pritshmëritë dhe e ardhmja e jetës apo karrierës është në dorën e tyre dhe se asgjë në jetë nuk mund të arrihet ndryshe.

Grupi i dytë pret gjithnjë për një autobuz, që të vijë në stacionin e jetës së tyre e ti shpjerë diku.

Psikologët e Universitetit të Floridas pohojnë se njerëzit që kontrollojnë ngjarjet e jetës së tyre dhe janë të sigurtë në aftësitë e tyre kanë një performancë më të lartë në jetën dhe profesionin e tyre.

Pikërisht kjo aftësi e brendshme e tyre i jep atyre disa avantazhe si:

- Shesin më shumë së çdo i punësuar
- Ofrojnë shërbime më produktive për klientin
- Përshtaten më mirë me klientët
- Dinë si të dalin nga situata në çdo rast, sepse kanë bindjen që në çdo rast ia kanë dalë vetë.

Por si është e mundur të jesh i suksesshëm kur je i stresuar?

Stresi dhe ankthi janë padyshim një emocion i nevojshëm. Hileja është te mbajtja e stresit në nivele kontrolluese që nuk cënojnë potencialin mendor. Me siguri po prisni ndonjë këshillë të tipit “shëtisni në natyrë”, “lexoni libra pozitivë”, etj, por jo... Strategjia më e mirë është e kundërta: Përballu me vështirësinë dhe situatat e paqarta. Ndeshu me to “kokë më kokë”.

Kjo do të forcojë fuqinë tuaj për të përballuar jetën dhe do të stërvisë mendjen rreth përballimit të situatave të tilla.

Mendimi kryesor që do t’ju ndihmojë në sfidën tuaj është se e ardhmja nuk është përcaktuar, atë do ta përcaktoni ju, me mendimet dhe veprimet tuaja.
Dhe mos harroni: Suksesi nuk është vetëm shifra, arritje materiale, është realizim i gjërave që i ndjeni si pjesë të energjisë dhe potencialit tuaj.

suksesi
suksesi

Redaksia online
(al.h/shqiptarja.com)