POP 5

Lajmet më të lexuara të 5 minutave të fundit

Politikë

Sula: Komuniteti i biznesit të kërkojë nga qeveria që të marrë masa si vendet e rajonit! Deri tani, paketa fiskale parashikon vetëm rritje të gjobave

Deputeti i PD, Dashnor Sula i ka bërë thirrje bizneseve që të kërkojnë nga qeveria që të merren masa lehtësuese për vitin 2023 ashtu si vendet e tjera të rajonit. Sula thotë se opozita do t’i mbështesë që kriza të mos paralizojë ekonominë e vendit.

Sula: Komuniteti i biznesit të kërkojë nga qeveria që të marrë masa si vendet e rajonit! Deri tani, paketa fiskale parashikon vetëm rritje të gjobave

Dashnor Sula

Deputeti i PD, Dashnor Sula i ka bërë thirrje bizneseve që të kërkojnë nga qeveria që të merren masa lehtësuese për vitin 2023 ashtu si vendet e tjera të rajonit. Sula thotë se opozita do t’i mbështesë që kriza të mos paralizojë ekonominë e vendit.

Deputeti demokrat shkruan se bizneset janë të braktisur nga qeveria dhe po përballen me krizën globale ndërsa janë ulur kapacitetet e funksionimit pasi përballet me mungesë punëtorësh.

"Sipas Bankës së Shqipërisë bizneset vendase kanë ulur kapacitetet e funksionimit për shkak të inflacionit. Ky tregues shfaqi rënie për të gjitha degët kryesore të ekonomisë, me përjashtim të ndërtimit i cili siç është konstatuar edhe nga agjencitë ndërkombëtare po shërben si lavatriçe e parave të drogës e korrupsionit qeveritar.

Sipas Bankës së Shqipërisë norma e shfrytëzimit të kapaciteteve në sektorin e tregtisë shënoi nivelin 72.9%, në rënie me 3.3 pikë përqindje krahasuar me tremujorin e dytë. Norma e shfrytëzimit të kapaciteteve në sektorin e shërbimeve ra gjithashtu në 78.6%, 2.9 pikë përqindje më pak krahasuar me tremujorin e dytë.

Komuniteti i biznesit duhet të bashkohet dhe të kërkojnë nga qeveria jonë edhe për aq kohë sa do jetë që të marrë së paku të njëjtat masa si vendet e rajonit. Ne si opozitë do të jemi gjithmonë në anën e tyre në mënyrë që kjo krizë që vjen edhe për shkaqe të jashtme të mos paralizojë ekonominë e vendit pasi pasojat do jenë apokaliptike për vendin”, shkruan Sula.

Sula përmend masat që janë marrë nga Maqedonia e Veriut, ku thotë se janë ulur taksat për të mbajtur një lloj ekuilibri të çmimeve. Sipas tij, po largohet shtresa punëtore, ndaj po ulet edhe konsumi.  Gjithashtu thotë se akoma më e rëndë është fakti se mund të tkurren aktivitetet dhe të shkaktojnë shkurtime punonjësish.

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Fier, neglizhuan mjekimin e pacientit dy vjet para, pezullohen 3 mjekët (EMRAT)

Fier, neglizhuan mjekimin e pacientit dy vjet para, pezullohen 3 mjekët (EMRAT)

26 Dhjetor, 13:40