KIEV- Bombardimet ruse në një qendër tregtare në Kharkiv të Ukrainës kanë lënë të vrarë të paktën 11 persona. Dhjetëra persona të tjerë janë plagosur nga sulmi i 25 majit, i cili goditi një qendër tregtare me vizitorë.
Më herët, guvernatori i rajonit të Kharkivit, Oleh Synyehubov, dhe zyrtarë të tjerë ukrainas thanë se sulmi u krye me dy predha nga Rusia, të njohura si “bomba rrëshqitëse”, pasi armë të tilla rrëshqasin drejt objektivit me apo pa sistem që i drejton. Këso armësh janë përdorur nga Rusia në mbarë Ukrainën.
Mbrëmjen e djeshme Rusia ka ndërmarrë një sulm masiv në Ukrainë, me 14 raketa - duke përfshirë dy "Kinzhal" hipersonike dhe 31 dronë u bë i ditur nëpërmjet një njoftimi në Telegram nga Forcat Ajrore të Kievit, sipas të cilave forcat e mbrojtjes ukrainase rrëzuan 12 raketa X-101/X-555 dhe të 31 dronët kamikaz Shahed-131/136.
Presidenti Volodymyr Zelensky me anë të një postimi ka reaguar duke thënë se e dënon sulmin "qartësisht civil".
“Vetëm të çmendurit si Putin janë në gjendje të vrasin dhe terrorizojnë njerëzit në një mënyrë kaq të neveritshme,” ka thënë Zelensky duke shtuar se brenda supermarketit kanë qenë 200 persona.
Ndërkohë Sekretari i Përgjithshëm i NATO-s, Jens Stoltenberg në një intervistë për gazetën gjermane Welt tha se Pekini po nxit luftën në Evropë. Nga ana tjetër Presidenti i SHBA Joe Biden përsëriti vendimin për të mos dërguar ushtarë amerikanë në Ukrainë.
Foto: Joe Biden
Presidenti i SHBA Joe Biden përsëriti vendimin për të mos dërguar ushtarë amerikanë në Ukrainë, ndërsa forcoi qëndrimin e tij për të vazhduar mbështetjen e Ukrainës përballë pushtimit rus.
"Nuk ka ushtarë amerikanë në luftën e Ukrainës, jam i vendosur të ruaj këtë gjendje," tha Biden gjatë fjalimit të tij të diplomimit në Akademinë Ushtarake të SHBA në West Point, rreth 65 kilometra nga Nju Jorku.
Foto: Jens Stoltenberg
"Kina thotë se dëshiron të mbajë marrëdhënie të mira me Perëndimin. Në të njëjtën kohë, Pekini po nxit luftën në Evropë. Nuk mund ta keni në të dyja mënyrat"
Kështu është shprehur Sekretari i Përgjithshëm i NATO-s, Jens Stoltenberg në një intervistë për gazetën gjermane Welt.
“Ka një rritje të qartë në shitjet e pjesëve të makinerive, mikroelektronikës dhe teknologjive të tjera që Moska përdor për të prodhuar raketa, tanke dhe avionë për përdorim kundër Ukrainës”, shton Stoltenberg.
Në këtë mënyrë Kina po rrezikon bashkëpunimin me vendet perëndimore, shkruan gazeta.
Foto: Ukrainë
Një bastisje ruse ka sulmuar një hipermarket në Kharkiv. Të paktën 11 persona kanë vdekur, rreth gjashtëdhjetë janë plagosur, ndërsa ka akoma njerëz të zhdukur.
Sipas presidentit ukrainas Volodymyr Zelensky, në qendrën tregtare në momentin e sulmit ndodheshin “më shumë se 200 persona”.
Lajme të tjera
-
Samiti i paqes për Ukrainën, Begaj mbështet propozimin e Zelenskyt: Rusia duhet te mbajë përgjegjësi për veprimet e saj
16 Qershor, 13:04 -
Norvegjia do t'i japë Kievit ndihmë për riparimin e infrastrukturës energjetike
16 Qershor, 12:41 -
Lufta në Ukrainë/ Konferenca e Paqes në Zvicër, deklarata përfundimtare: Respektoni integritetin e Ukrainës
16 Qershor, 09:24 -
Sulmi rus në rajonin Sumy: Një i vdekur dhe shtatë të plagosur
15 Qershor, 09:50 -
Lufta/ Ukraina: Pas samitit në Zvicër do t’i paraqesim Rusisë planin për paqe! Meloni: Propozimi i Putinit është propagandë
15 Qershor, 09:05
-
'Ukraina e përgjysmuar' Putin dëshiron dorëzimin, por e quan atë 'paqe'
15 Qershor, 07:56
-
SHBA, Kievi dhe aleatët, refuzojnë ofertën e Putinit për armëpushim
15 Qershor, 07:33 -
Putin propozon paqe: Ukraina të tërhiqet nga 4 rajone, i japim fund luftës! Kievi të mos anëtarësohet në NATO
14 Qershor, 16:00 -
Biden dhe Zelensky nënshkruajnë marrëveshje 10 vjeçare për sigurinë: Kievi është më afër anëtarësimit në NATO
14 Qershor, 08:50 -
Sanksione të reja nga Kosova për Rusinë, Iranin dhe Bjellorusinë
13 Qershor, 14:11 -
Liderët e G7-ës mblidhen sot në Itali: Pajtohen t’i japin Ukrainës miliarda dollarë hua duke përdorur asetet e ngrira ruse
13 Qershor, 08:56 -
Moska: NATO po përgatitet për një përplasje të mundshme me ne
13 Qershor, 08:04
