POP 5

Lajmet më të lexuara të 5 minutave të fundit

Sulmet kibernetike iraniane, Gjendja Civile: Nesër pezullohen aplikimet në zyrat e 'Aleat'! Do rrisim sigurinë

Ditën e nesërme, më 16 shtator, do të ketë një pezullim të shërbimeve në zyrat 'Aleat' të Gjendjes Civile. Kjo do të thotë se të gjitha aplikimet lidhur me kartat e identitetit dhe pasaportat nuk do t'i ofrohen qytetarëve dhe kjo masë është marrë me qëllim për të rritur nivelin e sigurisë ndaj sulmeve kibernetike.

Sulmet kibernetike iraniane, Gjendja Civile: Nesër pezullohen aplikimet në zyrat e 'Aleat'! Do rrisim sigurinë

Foto ilustruese

Ditën e nesërme, më 16 shtator, do të ketë një pezullim të shërbimeve në zyrat 'Aleat' të Gjendjes Civile. Kjo do të thotë se të gjitha aplikimet lidhur me kartat e identitetit dhe pasaportat nuk do t'i ofrohen qytetarëve dhe kjo masë është marrë me qëllim për të rritur nivelin e sigurisë ndaj sulmeve kibernetike. Pezullimi i shërbimit është i përkohshëm dhe vetëm për ditën e nesërme.

Pas sulmit kibernetik ndaj sistemit "TIMS" nga qeveria e Iranit dhe sulmit tjetër kibernetik të ndodhur në korrik të këtij viti ku u goditën shërbimet 'onile', kjo ndërhyrje në shërbimin e Gjendjes Civile vjen për të rritur nivelin e sigurisë dhe për të garantuar në këtë mënyrë që shërbimi të jetë i pa ndërprerë edhe në rast se do të ishte pre e një sulmi të  ngjashëm kibernetik siç ndodhi në sistemin  "TIMS", apo dhe ndaj shërbimeve online .

Njoftimi i Gjendjes Civile:

'Për të rritur nivelin e sigurisë ndaj sulmeve kibernetike, Drejtoria e Përgjithshme e Gjendjes Civile po ndërmerr një sërë masash të integruara. Në këtë kuadër, ditën e premte, 16 shtator, GJC njofton se NUK do të mund të ofrohet shërbim në zyrat e aplikimit të 'Aleat' për dokumente biometrike (pasaporta apo ID karta). Ministria e Brendshme kërkon mirëkuptimin e gjithë qytetarëve për këtë ndërprerje të përkohshme të shërbimit, vetëm për ditën e premte, por edhe kjo ndërhyrje shton masat komplekse për të garantuar shërbim të pandërprerë në vijim, e të sigurt për çdo qytetar.'

Sistemi TIMS në vendin tonë u bë pre e një sulmi kibernetik nga qeveria e Iranit të premten në mbrëmje, më 10 shtator duke shkaktuar radhë në të gjitha pikat kufitare në vend. Pas pak më shumë se 24 orësh ndërprerje sistemi TIMS u rikthye në normalitet në të gjitha pikat kufitare.

Ky është sulmi i dytë kibernetik që Irani bën ndaj Shqipërisë. Herën e parë, në korrik të këtij viti goditi shërbimet online, ku prej gati 4 javësh ato mbetën të bllokuara, Si rezultat i hetimeve u dol në përfundimin se ishte Irani që financoi sulmin. Nisur nga provat e pakundërshtueshme, Shqipëria mori vendimin për të prishur marrëdhëniet diplomatike.

S.C/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ariu polar: 15/09/2022 23:13

    A u hap dera tani lozin me ne lojen hap e mbyll. Jo nje dite por nje jave apo nje muaj ta mbyllni hakerat e gjejne menyren per tu futur kur u hakerua NATO dhe me pas Shtepia e Bardhe Shqiperine e kane si buka qe hahet.

    Përgjigju
  • UKU MOMLIT: 15/09/2022 19:58

    Mos është ndonjë lajm i rremë bre burra??? Hajde se del kryerilindasi dhe e përgënjeshtron këtë lajm që trondit opinionin publik kot së koti. Kryeministri i ka parapri këtyre sulmeve kibernetike dhe janë vetëm simulime apo ferra që Ai i shkel pa mëshirë dhe me këmbët zbathur.....

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu