Ministrja e Mbrojtjes Mimi Kodheli në emisionin “5 pyetje nga Babaramo” iu shpreh se Shqipëria nuk rrezikohet nga sulmet e ISIS, të ngjashme me ato që ndodhën në Francë. Sipas Kodhelit në Shqipëri nuk ka celula të ISIS. Gjithashtu ministrja e Mbrojtjes tha se, do të ngrihet një strukturë e re në bashkëpunim me vendet evropiane për të studiuar fenomenin e luftëtarëve të ISIS.
Gjatë intervistës, Kodheli deklaroi se Shqipëria nuk është në kushtet kur duhet të marrë masa të drastike sa i takon rrezikut të munshëm të ndonjë sulmi terrorist. Por, Kodheli nënvizon se është rritur gadishmëria. Majde, Kodheli deklaroi se, “Shqipëria vazhdon të mbetet një ndër vendet më të sigurt të Aleancës madje edhe Europiane”.
Intervista e plotë
Mirmbrëma, zonja ministre do të doja ta nisja bisedën me sulmet e fundit në Paris, të cilat u konsideruan edhe nga Presidenti Hollande si një akt lufte, akt lufte ndaj aleancës së Atlantikut të Veriut, aleancës më të madhe ushtarake dhe politike, pjesë e të cilës jemi edhe ne? Çfarë masash ka marë Shqipëria gjatë dy ditëve të fundit në këtë kontekst?
Tju them të drejtën masat nuk kanë filluar vetëm gjatë dy ditëve të fundit, por janë në vazhdimësi dhe gatishmëria jonë është rritur në vazhdimësi, kontkretisht gjatë dy viteve të fundit, është rritur ashtu siç keni dëgjuar edhe nëpërmjet medias gatishmëria e Policisë njëkohësisht edhe e FA në një nivel më të lartë.
Në çfarë niveli?
Në një nivel më të lartë. Masat kuptojnë shumë gjëra që nga ruajtja e objekteve apo institucioneve të rëndësisë së veçantë deri tek rritja e intensitetit me të cilin shkëmbehen informacionet tek prezenca fizike e forcave të policisë në terren dhe sigurisht ngritja e gatishmërisë ashtu siç edhe e thashë si brenda FA, brenda reparteve, matja e gatishmërisë së forcave të veçantë, matja e gatishmërisë së përgjigjes së Forcave Ajrore dhe Forcave Detare, por ajo çka është më e rëndësishme për publikun është të dijë se gatishmëria e policisë në kufij, në rrugët, në objektet e rëndësisë së veçantë dhe jo vetëm e këtyre institucioneve, por edhe Ministrisë së Shëndetësisë dhe të gjitha institucioneve të cilat janë pjesë e strukturave të gatishmërisë, është në maksimum. Kjo besoj që është një masë konkrete e cila duhet përmendur dhe përgëzuar. Por pa dyshim ne jemi në kontakt të vazhdueshëm edhe me strukturat qoftë të inteligjencës apo mbrojtjes institucionale të gjithë vendeve anëtare të NATO-s për të shkëmbyer çdo informacion të mundshëm.
Çfarë informacionesh keni marë ose keni dhën?
Kjo është pjesë e një pune që sigurisht unë nuk mund ta ndaj drejtëpërdrejt me publikun, por çdo informacion që për ne konsiderohet i rëndësishëm dhe që lidhet pikërisht me çfarë ndodh sot apo çfarë ka ndodhur para dy tre ditëve në një ndër kryeqytetet më të rëndësishme të botës, siç është Parisi. Është një informacion i cili shkëmbehet dhe është shkëmbyer edhe më parë. Ju shikoni që si terroristët kanë lëvizur nga një vend në tjetrin, pra janë involvuar në gjetjen e personave dhe mënyrën sesi ata kanë hyrë dhe vepruar jo vetëm përbrenda strukturave të shtetit të Francës, por dhe në Belgjikë.
Kanë lëvizur brenda territorit shqiptar?
Jo, në aq informacion sa ne kemi jo. Nuk kanë lëvizur.
A ka prezencë të ISIS në Shqipëri. Në një deklaratë të tyre ata kanë thënë se janë prezent në Shqipëri, Bosnje dhe Kosovë?
Unë nuk e di se çfarë ju nënkuptoni me prezencë fizike?
Celula, siç kishte celula Alkaeda, të cilat u zhdukën në 97?
Shqipëria për fat të mirë, sigurisht si vend anëtarë I NATO-s, si një vend europian padyshim që kërcënohet nga një rrezik i tillë, por jo, Shqipëria dhe shqiptarët duhet të rrinë të qetë, sepse të gjitha strukturat punojnë dhe unë e uroj shumë ashtu siç edhe besoj fort që nuk do të ketë asnjë akt, as një ngjarje të kësaj natyre në një vend si vendi ynë.
A jepni ju garanci për këtë, sepse është lufta më e paparashikueshme?
Sigursht që jap garanci. Jam këtu për ta dhënë këtë garanci patjetër.
Sepse është sulmuar një nga vendet më të sigurta, ndërkohë që siguria e Shqipërisë lë shumë për të dëshiruar?
Jo. Nuk jam dakord me këtë gjetjen tuaj, nuk është kështu. Siguria e Shqipërisë është një siguri e cila lidhet fort jo vetëm me punën e jashtëzakonshme që bëjnë strukturat që e sigurojnë këtë, por lidhet fort edhe me mbrojtjen kolektive, Shqipëria si vend anëtarë i NATO-s. Por më lejoni tju them që në Francë ka mijëra e mijëra celula të kësaj natyre kështu që në Shqipëri nuk rezulton të ketë, prandaj Franca megjithë që një vend më i zhvilluar dhe më i sigurtë, sipas gjykimit tuaj ka qenë dhe rezulton të ishte më e rrezikuar.
Ju po thoni që nuk ka celula në Shqipëri, ndërkohë mund të jenë dhjetra që nisen nga Shqipëria për të luftuar në Siri?
Ky është një fakt i njohur.
Një lloj prerence ka, përderisa rekrutohen për të shkuar aty. Atëherë kjo është bërë publike?
Është më shumë problem në territoret etnike shqiptare, sesa vetë brenda kufijve tanë. Sigurisht këta persona janë nën vëzhgim dhe kjo është punë e përditshme e çdo strukture, e cila mban nën mbikqyrje edhe të ashtuquajturit “Foreign Fighters” që vijnë apo që lindin në territoret shqiptare, apo largohen të bëjnë luftën e dikujt tjetër dhe mbase dhe rikthehen këtu.
Më lejoni të këmbëngul. Nuk ka pasur vetëm nga Kosova, ku zona e Kaçanikut është më dominantja apo nga Maqedonia ku zona e Dibrës së Madhe ka dominancë tek këta që ju i quani Luftëtarë të Huaj që shkojnë për të luftuar për Xhihadin, ka dhe në Shqipëri?
Ka dhe në Shqipëri. Kjo është një arsye më tepër pse unë i kam kërkuar vendeve anëtare të NATO-s, aleatëve tanë, homologëve ngritjen e një strukture që do të ishte një qendër ekselence. Do të kishte të bënte, do të diskutonte, do të ishte një strukturë dhe institucion i cili do të merrej me studimin e fenomenit të luftëtarëve të huaj. Kjo është një ide e hedhur një vit më parë nga MM, e mbështetur dhe nga gjithë aleatët edhe nga strukturat ushtarake NATO në çdo kohë që kjo themelohet dhe që mund të marrë formën që ne kërkojmë do dhe një bashkëpunim të ngushtë sepse do të jetë një qendër ekselence vetëm e vendosur në Shqipëri, por do të ketë sigurisht politologë apo ekspertë të fushës nga të gjitha vendet e aleancës. Jemi në përfundim të diskutimeve me ta, do të shikojmë se si do të mund ta realizojmë këtë. E rëndësishme është që të ndaj me ju diçka, ne nuk duhet ta shikojmë problemin kur problemin e kemi tek dera, por duhet ta shikojmë në burimin e tij, duhet të shikojmë rrënjët pse një qytetarë i zakonshëm transformohet në një luftëtar të huaj. Kjo është një nga arsyet pse ne kemi kërkuar dhe vazhdojmë të insistojmë në themelimin e një strukture të tillë e cila do të ndihmojë jo vetëm vendet e rajonit, jo vetëm shqiptarët, por shumë më shumë se kaq, gjithë vendet anëtare të aleancës për të kuptuar pse bota përballet me një fenomen të tillë sot.
Ky është aspekti akademik i çështjes. Rikthehemi tek ajo që nisëm bisedën, tek shkëmbimi i informacionive. Keni informacion që në këto momente dmth gjatë muajve të fundit ka pasur rekrutime?
Atëherë zoti Babaramo unë nuk jam drejtor i Agjencisë (patjetër, por ju më thatë që shkëmbeni informacione), sigurisht që brenda FA, në vartësi direkt të Ministrit të Mbrojtjes ekziston Agjencia e Shërbimeve Informative Ushtarake dhe sigurisht që qëllimi ynë kryesor është ruajta e FA nga sulme edhe terroriste. Përsa i përket strukturave të FA, por sigurisht që ne na takon një pjesë e rëndësishme e ndarjes së informacionit dhe ky është një informacion që ndahet përditë dhe jo domosdoshmërisht dhe vetëm për këto shkaqe. Sigurisht që strukturat ekzistojnë sepse për fat të keq terroristët ekzistojnë, për fat të keq ekstremistët ekzistojnë, për fat të keq keqbërësit ekzistojnë, por unë besoj që sot Sigurinë Kombëtare të Republikës së Shqipërisë jo domosdoshmërisht e kërcënon fenomeni ISIS ose IS.
Kush është rreziku numër një i Sigurisë Kombëtare?
Ndofta krimi i organizuar në gjykimin tim.
Krimi i organizuar?
Po, krimi i organizuar. Në gjithçka që ky krim ka, që nga trafiqet tek gjithçka që ky togfjalësh përmbledh. Sigurisht që brenda krimit të organizuar pa as më të voglin dyshim bën pjesë edhe terrorizmi, por kjo është një luftë e të mirës me të keqen që do të vazhdojë të jetë e tillë. E rëndësishme është që ne të përgjigjemi në kohë, e rëndësishme është që ne të kemi informacionin e duhur dhe që të marrim masa paraprake, e përsëris për të mos e përballur fenomenin kur ai na ka ardhur në shtëpi, por për ta përballur fenomenin në burimin e tij. Kjo është shumë e rëndësishmë dhe kjo nuk ka të bëjë domosdoshmërisht me të dhënat akademike që ne mund të këmi për një një fenomen apo fenomën tjetër.
Qartë. Keni pasur gjatë 48 orëve të fundit kontakte me homologët tuaj të NATO-s ose me qendrën e NATO-s në Bruksel ose me Uashingtonin dhe Pentagonin?
Atëherë ju them kemi pasur, në fakt edhe për shkaqe që dihen nuk kam mundur të kontaktoj me homologun francez. Në këto momente e kam parë shumë të impenjuar realisht në zgjidhjen e një situate të jashtëzakonshme siç është situata e krijuar në Francë. Por kam kontaktuar me homologen italiane, kam kontaktuar me homologun në Bruksel. Për ti dhënë atyre siguri dhe sigurisht për të marrë prejt tyre siguri që bashkëveprimi, bashkërendimi i gjërave shkon në drejtimin e duhur dhe Shqipëria është pjesë e kësaj vendimmarrjeje.
Si do reagojë Aleanca, pritet një mbledhje një samit, në qoftëse do i besojmë asaj që tha presidenti Holande që jemi në luftë, atëherë në luftë janë edhe vendet e tjera të Aleancës. Do ketë një takim, do ketë një thirrje, se ka kaluar relativisht një kohë e gjatë që nuk ka një reagim sipas parimit të sigurisë kolektive.
Në fakt sekretari i Përgjithshëm Stoltenberg ka dalë në një deklaratë të qartë për shtyp dhe kjo është një gjë për tu vlerësuar padyshim. Mund tju them që strukturat NATO funksionojnë në këtë mënyrë: mblidhen kur vjen një kërkesë nga një vend i aleancës dhe kjo kërkesë nuk ka ardhur akoma nga Franca, por megjithatë NATO i ka zgjidhur krizat dhe funksionon si një e tërë mirë, madje shumë mirë. Mos harrojmë që prezenca e saj në Kosovë dhe zgjidhja e problemit të Kosovës.
Kjo është relativisht e gjatë në histori, ndërkohë që jemi në një realitet të tillë që reagimi i parë u bë në BE dhe në G20 ndërkohë që NATO ende nuk ka, ndoshta nuk është forumi më i përshtatshëm, institucioni më i përshtatshëm? Cfarë nuk shkon?
Ka disa forume, G20 ishte mbledhur për të tjera arsye dhe sigurisht që parapriu diskutimin mbi problemet e sigurisë, vjen natyrshëm kështu. Europa ose BE ka qenë vazhdimisht në kontakte apo në struktura të mbledhura të saj, për arsye të refugjatëve. Mos harroni, më lejoni tju rikujtoj që problemi i refugjatëve nuk ka mbartur vetëm problemin logjistik të trajtimit të tyre, por ka mbartur me vete një problem të madh që ishte problem i sigurisë: kush hynte së bashku me refugjatët, kush e konsideronte veten si refugjat në një kohë kur refugjat nuk kishte. Dhe vetë faktet që dikush nga ekstremistët që kanë realizuar masakrën e Parisit, ka qenë i penetruar me pasaportë fallco si një prej refugjatëve, si një sirian i cili, ju e dini shumë mirë sepse është në të gjitha mediat ka lëvizur nga një ishull i Leros, Maqedoni, Serbi dhe më tutje. Pra, problemet kanë qenë aty ndaj dhe strukturat qoftë të BE, qoftë G20 që ju përmendni janë marrë me këtë diskutim. Ju them edhe një herë, NATO mblidhet kur një nga vendet aleate e kërkon këtë, kështu që do të presim dhe do të shikojmë se cilat do të jenë reagimet e mëtejshme. Sigurisht që NATO është një strukturë mbrojtëse dhe do të jetë gjithmonë atje ku një vend aleat do ta kërkojë, nëse do ta kërkojë këtë gjë.
Sepse nuk është vetëm Franca një vend anëtar i NATO-s që është sulmuar, është i dyti pasi i pari që u sulmua qe Turqia, rreth një muaj më parë dhe kjo është pak e çuditshme. Nuk kemi një reagim të NATO-s ndërkohë që zgjidhja kërkohet në rrugë të tjera. Më lejoni të këmbëngul.
Jo nuk besoj që zgjidhja kërkohet në rrugë të tjera sepse edhe në rastin e Turqisë, Turiqa përveçse ka kërkuar një asistencë dhe bashkëpunim me struktura të caktuara të luftimit ajror të SHBA, i ka zgjidhur problemet brenda mundësive të saj. Por të jeni të sigurt që në momentin që Turqia ka një kërkesë zyrtare që si strukturë NATO-ja të mund të jetë prezent megjithëse NATO është prezent në kufijtë juglindor të Turqisë, si strukturë NATO. Padyshim që do të ketë zhvillime edhe në këtë drejtim.
Në Samitet që bëjnë vendet e Aleancës së Atlantikut të Veriut apo në takimet që bëni ju si Ministra të Mbrojtjes, a është analizuar shkaqet e krijimit të Shtetit islamik? Dhe a ju ka rezultuar që tërheqja e trupave amerikane nga Iraku krijoi një vakum që nga pikëpamja gjeostrategjike por edhe ushtarake u mbush nga ky vakum nga ISIS?
Atëherë unë ju them që qeveria amerikane vazhdon të jetë prezente, janë tërhequr trupat luftarake nga Iraku, por vazhdon të jetë zashtu sic vazhdojnë të jenë present edhe forca të tjera të armatosura. Dhe në këtë rast vazhdon trajnimi, vazhdon shkollimi i strukturave irakene, për të mundësuar përballjen e realitetit iraken prej tyre vet. Duke filluar që nga strukturat e sigurisë dhe deri tek strukturat që kanë të bëjnë me vendimmarrje politike, legjislacionin e kështu me rradhë. Prandaj besoj që kjo është një gjë për t’u vlerësuar sepse ne vet, disa oficerë të FARSH janë prezent që nga Afganistani i largët e deri në Malin po aq të largët, në Republikën e Malit, duke bërë trajnuesin e të gjithë atyre strukturave që do të mundësojnë një ngritje të trupave të tyre të sigurisë në të ardhmen. Dhe kjo është shumë e rëndësishme sepse strukturat NATO, FA qoftë këto trupa amerikan apo të cfarëdolloji aleati tjetër qofshin. Nuk mund të rrinë për një kohë të gjatë sa vetë jeta në një vend tjetër. Kanë shkuar atje dhe vendimmarrja e drejtë në gjykimin tim është pikërisht atje. Trupat nuk do të jenë më luftarake por do të jenë trajnuese. Kjo gjë po bëhet në Afganistan, ashtu sic po bëhet edhe në Irak dhe kështu do të vazhdojë.
Sulmet e të premtes në Paris janë konsideruar, ka një lloj ngjashmërie ka një lloj simetrie me 11 shtatorin. Dhe pas 11 shtatorit SHBA adoputan atë që quhet Akti Patriotik, që u shoqërua me ndryshime legjislacioni. Që u krijonte mundësinë autoriteteve shtetërore për të pasur më shumë akses në informacion, që mund të shoqërohet edhe me ndonjë cënim të lehtë të të drejtave themelore të njeriut. E njëjta gjë është dukë u diskutuar aktualisht në Francë. Në Shqipëri, në këtë linjë a pritet që të ketë masa për ndryshim legjislacioni?
Ne i kemi bërë disa masa një vit e diçka më parë mos gaboj. Legjislacioni është ndryshuar lidhur me luftëtarët e huaj. Kemi ndryshuar kush bëhet pjesë e këtyre strukturave dënohet me burg. Ky është legjislacioni i ndryshuar shqiptar. Nuk shikoj që duhet të ketë masa të tjera më të rrepta drastike lidhur me këtë gjë, për aq kohë sa ju siguroj që Shqipëria vazhdon të mbetet një ndër vendet më të sigurt të Aleancës madje edhe Europiane. Kështu që sigurisht që e ripërsëris që gatishmëria është rritur, vigjilenca është rritur, por jo domosdoshmërisht të duhet të shkojmë tek ndryshimi i një legjislacioni. Ka dhe disa ndryshime legjislative në vende të ndryshme. Amerika, SHBA,Fanca e kanë më të avancuar rolin e FA të ushtrisë në përgjithësi. Për shkaqe edhe të background-it të tyre historik. Ju them thjeshtë, kjo edhe për publikun, në Francë apo në Itali ka një strukturë që është xhandarmëria apo karabinierët që është ushtarake por me atribute policore. Pra, prezenca e ushtrisë edhe nëpërmjet kësaj force të rëndësishme, është prezent edhe në ditët e tyre të zakonshme. Kështu që për ta vendimmarja për të pasur prezencë më të madhe ushtarake në rrugët e qytetit, e thënë thjesht është më e thjeshtë nga pikëpamja legjislative. Tek ne edhe për shkaqe të një historie ose të disa historive të hidhura të këtyre 25 viteve, ne e kemi kufizuar dhe ristrukturuar prezencën e FA në ngjarje të jashtëzakonshme. Dhe kemi bërë shumë mirë. Dhe kështu do të vazhdojë të jetë.
Rreth më shumë se një vit më parë ju dhe zyrtarë të tjerë të lartë të shtetit shqiptar jeni shprehur se autoritetet do vënë në kontroll deri edhe në mbyllje të atyre xhamive që janë përtej autoritetit të Komunitetit Mysliman në të cilat predikohet islami radikal dhe mbi të gjitha që shërbejnë si infrastrukturë për rekrutimin e xhihadistëve. Cfarë ka ndodhur? Keni një bilanc, keni shifra, është vënë kjo hapësirë e pakontrolluar nga askush?
Në fakt kjo nuk është një pyetje për Ministrin e Mbrojtjes sepse ka struktura të tjera dhe institucione të tjera që janë përgjegjëse për këtë gjë. Por unë ju siguroj që këmbimi i informacionit midis gjithë agjensive dhe strukturave tona është mjaftueshmërisht intensiv për të mbyllur apo mbajtur nën kontroll struktura të cilat nuk predikojnë fenë dhe paqen por predikojnë totalisht gjëra të kundërta nga 2 gjërat që thashë unë.
Pushim
Zonja Ministre cfarë masash ka marrë shteti shqiptar për në një skenar të mundshëm se do kemi një valë refugjatësh nga Siria?
Në fakt ne jemi mbledhur disa herë bashkaraisht nën lidershipin e zëvëndëskryeministrit padyshim për të studiuar rreth skenarëve të mundshëm të ardhjes së refugjatëve edhe në këto anë. Qeveria shqiptare do të vazhdojë t’i forcojë masat e kontrollit në kufi ashtu sic do të vazhdojë të jetë alert edhe për gjithë situatën duke përfshirë këtu edhe problemin e refugjatëve. Dhe ju them edhe një herë, problem i refugjatëve nuk do të jetë një problem logjistik, që është një problem më vete. Shqipëria ëshjtë një vend i vogël dhe i varfër por mikpritës. Dhe sigurisht që rrugët e Shqipërisë do të jenë vetëm rrugkalim për ta. Por, shqipëria nuk është një vend mikpritës për atë pjesë të refugjatëve, nuk do të jetë edhe për këtë masat e sigurisë do të shtohen.
Përdoret si kamuflim fluksi i emigrantëve nga ISIS për të infiltruar?
Absolutisht, ndaj dhe duhet rritur vigjilenca dhe shkëmbimi i informacionit me strukturat e tjera kufitare apo me ministritë e Brendshme të vendeve ku do të tranzitohet e kështu me radhë, pa folur më tej për agjensitë e shërbimeve. Ngjarjet e Parisit na e rrisin këtë alert, na e shtojnë akoma dhe më shumë nevojën për të qëmtuar hapsirat po mungesaat që ne kemi në gjithë këtë spektër. Jo më larg se të shtunën Kryeministri i vendit ngriti në alert ministrat që janë pjesë e strukturave të këshillimit të tij lidhur me gjithçka që thamë, me të gjitha masat që duhen marë qoftë për institucionet e rëndësisë së veçantë, qoftë rritjen e gatishmërisë në përgjithësi.
Dhe çfarë masash u vendos që duhet të meren?
Absolutisht është rritur gatishmëria e policisë dhe FA më së pari kështu që kjo nënkupton shumë gjëra brenda.
Veç një solidariteti njerëzor së paku publik mediatik të drejtuesëve të shtetit Shqiptarë ndaj ngjarjeve të Parisit nuk kemi parë një reagim institucional, kemi parë vetëm lajmin pë Presidenti i Republikës ka thirrur për tu informuar Drejtorin e Shërbimit Informativ Shtetëror, ndërkohë nuk kemi parë një bashkëpunim tjetër institucional, le të themi për Këshillin e Mbrojtjes. A do mblidhet Këshilli i Mbrojtjes?
Kjo do të thotë që nuk keni qenë në shqipëri këtë fundjavë, sepse nëqoftë se do të kishit dalë në rrugët e Tiranës do të kishit parë prezencë të shtuar policore dhe kjo nuk është batutë.
Unë e mirëkuptoj batutën tuaj zonja ministre, por nuk pamë psh të mblidhet Këshilli i Mbrojtjes. Në ceremoninë që organizoi Presidenti i Republikës nuk pamë asnjë ministër, z. Meta ishte si kryetar i Parlamentit, por kryeministrin nuk e pamë?
Si asnjë ministër, ishte ministri i Jashtëm, ministri i Mbrojtjes, ministri i Drejtësisë.
Kryeministri nuk ishte?
Atëherë, e para ngjarjet e papritura sigurisht prishin disa axhenda, ndërsa disa axhenda janaë të pamundura që të realizohen sepse janë gjëra të papritura. E dyta unë ju them si ministër i Mbrojtjes që ditën e shtunë, në orën 10 të mëngjesit kam mbledhur Këshillin e Politikave të Mbrojtjes, ku janë marë të gjitha këto vendime dhe të gjitha këto masa. Presidenti mund të mbledhë Këshillin e Sigurisë Kombëtare, që është gjithsesi një këshill këshillimorë, nuk është vendimarrës, por ne kemi bashkërendur si qeveri të gjitha veprimet lidhur me rritjen e gatishmërisë dhe kontrollit në çdo qoshe të Republikës së Shqipërisë.
Le të vazhdojmë tek kjo, bashkëpunimi me institucionin e Presidentit. Ju jeni një nga tre ministrat që për shkak të detyrës duhet të keni bashkëpunimin më intensiv me presidentin e Republikës, dy ministrat e tjerë ai i Drejtësisë dhe ai i Jashtëm në publik kanë lënë të kuptohet se marrëdhëniet e tyre me Presidentin e Republikës janë gati gati të ngrira në marrëdhëniet e tyre të punës. Ju si Ministre e Mbrojtjes si i keni kët omarrëdhënie?
Z. Babaramo më krijohet ideja sikur shpesh herë, në përgjithësi, jo vetëm ju personalisht pyesni a keni muabet me komshiun në përgjithësi. Kjo ishte për batutë
Çfarë raportesh bashkëpunimi ka?
Institucionalisht e kam për detyrë, e përsëris të kem marrëdhënie të rregullta, reciproke, respektive të zbatimit të kushtetueshmërisë të ligjeve të Shqipërisë me institucionin e Presidentit. Përtej kësaj marrëdhëniet kanë qenë intensive në të gjitha rastet që unë kam vlerësuar se duhet të ndaj me Presidentin shqetësime që lidhen me MM dhe FA apo edhe me sigurinë e vendit. Kam pasur kontakte jo zyrtare me Presidentin, bashkë me shefin e Shtabit përgjithësisht për të gjitha rastet, e ritheksoj që kam vlerësuar që duhet ti ndaj këto shqetësime me Presidentin e Republikës dhe këtu nuk diskutojmë për proçedura krejt rutinë siç mund të jetë dekretimi apo ç’dekretimi i një gjenerali, kjo është procedura më rutinë që mund të ketë një strukturë si MM dhe FA. Kemi diskutuar për çështje madhore që i përkasin dhe që i interesojnë sigurisë dhe të ardhmes së këtij vendi.
Keni gjetur mirëkuptim?
Po patjetër që kam gjetur mirëkuptim. Sigurisht që ka rrahje mendimesh, ka disa herë këndvështrime të ndryshme, prandaj dhe bisedat ekzistojnë, prandaj dhe komunikimi ekziston sepse sikur të gjithë ta mendonim të gjithë njësoj nuk do të kishim nevojë për këtë gjë, por kjo nuk do të thotë që ne nuk shkojmë në të njëntin drejtim dhe aps asmë të voglin dyshim ju siguroj për këtë që drejtimi është vetëm një. Siguria e çdo qytetarëve të këtij vendi që është gjë shumë më e rëndësishme se sa disa gjëra të tjera. Shpesh herë me të drejtë ne sigurinë e marim si një gjë që duhet të jetë aty, që smund të na mungojë, në fakt që kjo siguri të ekzistojë ju siguroj dhe kjo nuk është një lojë fjalësh që ka qindra mijëra burra dhe gra të këtij vendi nën divizë që sakrifikojnë natën dhe ditën që kjo gjë të ndodhë.
Ne kemi një ushtri me vetëm 5 mijë ushtarë apo mos e ekzagjerova?
Vetë fjala ushtarë më shqetëson. Ne kemi një forcë të Armatosur prej 9 mijë ushtarakësh, këta janë ushtarë, nënoficerë dhe oficerë dhe na dalin dhe na teprojnë për të mbrojtur vendin, sepse mënyra sesi një vend i NATO-s mbrohet është e ndryshme nga mënyra sesi një vend jo i NATO-s mbrohet. Shqipëria është pjeë e mbrojtjes kolektive, pra shqipërinë nuk e mbrojnë vetëm ushtarakët dhe ushtarët e saj. Por dhe aleatët. Dhe sot që flasim qiejt shqiptarë ruhen nga strukturat NATO.
Cial është kjo cilësi e ruajtes së qiejve, ju thatë që krimi i organizuar përbën kërcënimin më të madh të sigurisë tonë kombëtare, ndërkohë që ju si shumicë qeverisëse i quajtët çimka, por ndërkohë kishte shumë avionë me drogë që fluturonin nga Shqipëria?
Kjo është një gojëdhënë, por në qoftë se ju keni shuëm të dhëna për këto avionët jeni të lutur të ma bëni prezent. Unë ju siguroj diçka. Shpesh herë nuk e di në mënyrë të qellimtë, apo nga padija shumëkush mundohet të konfondojë, ngatërrojë, përzjejë detyrat që një FA ka në raport me detyrat që një forcë policore ka.
Cfarë do të thotë qiejt e Shqipërisë të jenë të sigurtë? Para një viti një avion civil fikutrasponderat në qiell, duke fluturuar mbasi kishte kaluar qiejt e Milanos ishte duke tranzituar në Shqipëri, nuki përgjigjt kullë së eroportit të Milanos, nuk i përgjigjet kullës së aeroportit në Beograd dhe nuk i përgjigjet kullës së aeroportit në Tiranë, në këtë momënt njoftohet një strukturë e veçantë e cila ndodhet në Torrehon të Spanjës, që është struktura përgjegjëse për pjeën jugore të kufijve NATO, e cila njoftoi strukturën ushtarake në Aviano, që është një aeroport ushtarak në Itali dhe dy avionë luftarakë u nisën për të detyruar në qiell këtë pilot të pandërgjeghshëm të ndizte trasponderat, ose të pyeste se çfarë ndodhte me avionin dhe fluturimin civil. Gjith kjo gjë që po ju them ndodhi në 6 minuta, pra nga momenti që kullës së aeroportit në Tiranë nuk i është përgjigjur avioni që fluturonte nga Londar për në një vend të Gjirit Persik e deri në momentin kur avionët luftarakë italianë kanë qenë rreth 10 mijë fit në ajër kanë kaluar vetëm 6 minuta, nuk ëhtë përrallë, që do të thotë ky është ruajtja e qiejve, kjo është mënyra sesi aleatët ruajnë qiejt tanë. Sepse në momentin që trasponderi fiket nuk e di ka një terrorist brenda, ka një bombë brenda apo ka një problem. A ndodhin gjëra të tilla në ditët e sotme? Për fat të keq po. Kemi një histori tmerrësisht tragjike nga Sharm el Sheiku për në San peterburg, kemi një histori tjetër tmerrësisht tragjike për terroristë që gjuajtën mbi një avion që fluturonte mbi qiejt e Ukrainës, sigurisht që gjëra të tilla ndodhin, fatmirësisht ne nuk na ka ndodhur asgjë e kësaj natyre dhe unë uroj që edhe në jetë të jetve të mos u ndodhi qytetarëve shqiptarë një histori e tillë. Por unë ju siguroj që aleatët janë aty dhe do ta mbrojnë këtë vend ashtu siç edhe ne jemi aty për të mbrojtur sa herë që kjo na kërkohet, jo vetëm ne si Shqipëri, por dhe sa herë na kërkohet jashtë kufijve. Fakti që ne sot kemi akoma 42 ushtarakë në Afganistani e largët flet për këtë, fakti që ne kemi dhjetra, qindra ushtarakë të tjerë prezentë në struktura NATO e tregon këtë. Kjo është një mënyrë për tju përgjigjur drejt asaj që është motoja e vendeve të NATO-s 28 për 1 dhe 1 për 28 dhe kështu do të vazhdojë të jetë.
Unë e kuptoj këtë parimin e muskëtjerëve 1 për 28 dhe 28 për 1. Problemi është që historia ka treguar që aleancat nuk janë të përjetshme zonja ministre. Siguria kombëtare kurrsesi nuk duhet të bazohet mbi sigurinë kolektive. Është e para siguria individuale dhe mendoni se është bërë gabim nga të gjitha qeveritë shqiptare reduktimi i armatimit, reduktimi i FA?
Është interesante shumë nga e keni këtë informacion. Armatimi nuk është reduktuar, është vetëm përmirësuar dhe modernizuar.
Vetëm lajme skrapi ka prodhuar kjo ministri gjatë 20 viteve fundit të jem i sinqetrtë?
Unë krenarisht mund tju them nga pak muaj më parë e tutje FA të Shqiprisë do të vazhdojnë të kenë vetëm armatimin modern të standardeve NATO. Mmbas 5 vjetësh nuk kemi më dhe nuk do të kemi më kallashnikov nëpër duar, por do të kemi një armatim të denjë ashtu siç na takon dhe meritojmë ta kemi.
Kur hiqet gjithë armatimi sovjetik?
Ka një skedulim, ka një matricë që në momentin që hiqet një pjesë do të zëvëndësohet me këtë pjesën tjetër. Ne po vazhdojmë.
Sa është ky operacion financiar?
Është i madh, por gjëja që unë mund tju siguroj është që i gjithë investimi ynë, të gjitha paratë do të shkojnë për armatim dhe ngritje të strukturave që kanë lidhje me armatimin modern, po flitet dhe për trajnim padyshim, sepse duhet të trajnohen të gjithë ato që shpresoj nuk do tju duhet kurrë ta përdorin, por që mund të jetë edhe kështu dhe do të vazhdojë të jetë kështu. Ministria e Mbrojtjes nuk do të jetë më një histori skrapi, por do të jetë një histori modernizimi, modernizimi, modernizimi.
Gjithçka varet tek buxheti. Një nga kriteret e funksionimit të NATO-s është që çdo vend anëtarë 2 % të GDP-së duhet tja kushtojë strukturave të mbrojtjes. Sa është ky raport në 2015 dhe sa pritet të jetë në 2016?
Në samitin e Wellsit kryetasrët e shteteve firmosën një dokument, i cili e bënte të detyrueshëm 2 % për një periudhë deri në vitin 2020. Shqipëria ka pasur dhe vazhdon të ketë problemet e saj me buxhetimin, me borxhet, e gjithë këto historirat që nuk dua të hyj e ti përsëris, nukdua të përsëris as borxhet e gjetura këtu dhe mënyrën sesi janë menaxhuar financat e MM në vite. Gjëja që mund tju them është që ne kemi paguar 90 % tashmë të gjithë borxheve që kemi gjetur nga viti 2008 edhe flitet për borxhet që trashëguam ishin 16 milionë euro. Ishte pothuajse gjysma e investimit të një viti në MM që është një shifër për tu konsideruar. E harrojmë këtë pjesë sepse pas ristrukturimit të gjithë borxhit të qeverisë në përgjithësi i kemi tejkaluar këto probleme. Gjëja që do të doja të ritheksoja është rritja tashmë e buxhetit për vitin që vjen në nivelin gati 1 % dhe ne kemi një skedulim tonin për të mundësuar jo vetëm një stanjacion le të themi të situatës së 1 %, por për një rritje të ngadaltë deri në këto shifra.
Këto fondet ku do të fokusohen?
Z. Babaramo, mua më duhet tju them diçka. Shpesh herë ju dëgjoni me të drejtë që buxheti ka qenë më i madh dikur pastaj kaënë shumë, pastaj nuk dihet çfarë ndodh me buxhetin. Shiko ka diçka në këto momente. Një shifër nuk do të thotë asgjë, një shifër statistikore duhet komentuar, duhet shkuar në thellësi të shifrës, duhet krahasur e diskutuar mbi këtë shifër statistikore bazuar edhe në disa të dhëna të tjera. E them këtë sepse ne kemi pasur buxhetin më të madh vitin që ne kemi marë anëtarësinë. Cfarë ka ndodhur. Janë bërë disa makinacione finaciare, të cilat jo domozdoshmërisht kanë qenë paratë që realsiht janë shpenzuar në FA. Fondi i ushtarakëve në FA u mor dhe u fut në buxhetin e MM, po fondi ishte 0.4 % e GDP-së së vendit, vetëm pensionet e ushtarakëve. Pra nuk janë para të hedhura për modrnizimin e FA apo modernizimin e infrastrukturës apo trajnimin e saj
Çfarë armatimesh do blihen në 2016?
Do vazhdojmë të blejmë armatimin që kemi blerë. Ne kemi blerë pushkën M4 që është një pushkë automatike, e cila përdoret nga trupat apo nga FA të SHBA.
Tanke do ketë Shqipëria, sepse aktualisht më duket nuk ka asnjë tank?
Jo. Nuk ka nevojë të ketë.
Vetëm Vatikani nuk kishte?
Jo nuk ka as Islanda psh që është vend anëtarë i NATO-s dhe që nuk ka ushtri fare dhe që jeton në paqe edhe pa pasur ushtri se vijnë aleatët dhe e mbrojnë nëse do të ketë ndonjëherë problem.
Nuk di të ketë pasur ndonjë herë luftë në Islandë. Por unë shoh Serbinë që porositi armatim mbi dy miljard euro në Rusi, ndërkohë që Greqia porosiste nëndetse, tanke, avionë në kulmin e krizës financiare?
Prandaj po shkon akoma dhe më poshtë Greqia për shkak të nëndetëseve. Jo ne skemi nevojë për nëndetëse, atëherë kur i kishim ishte një epokë tjetër, sot kanë të tjerët edhe për ne. Por nuk do të kemi nevojë për nëndetëse në mesdhe shpresoj.
Doja të këmbëngulja tek buxheti. Ka një strukturim sa është e ndarë mes blerjes së paisjeve dhe sa është në infrastrukturë?
Atëherë më pëlqen që jeni kaq i strukturuar në pyetje realisht, sepse ju them dhe njëherë një shifër nuk thot asgjë po nuk shkove brenda shifrës të kuptosh se çfarë ndodh. Në fakt në kërkesat NATO edhe në vetë vendimarrjen e Samitit tëËellsit kërkohet që brenda 1.5 deri 2 % 20 % të jetë investime. Ne tentojmë shpesh herë ta kemi më të madh pjesën që i takon pagave dhe sigurimeve shoqërore, kemi akoma shumë punë për të bërë, por këtë vit që po mbyllim 2015 mund të them që investimet ishin 23 % e totalit të buxhetit të MM dhe kjo është një shifër për tu konsideruar dhe respektuar si sukses realisht. Do të vazhdojmë me armatimin dhe do të vazhdojmë me rritjen e sigurisë në vendet ku ne mbajmë armatimin, mënyrën sesi e ruajmë, rrethimet dhe ruajtjen e njësive dhe uniteteve tona ushtarake. Z. Babaramo ju them ne gjithë këto vite është bërë shumë pak për të mos thënë aspak. Ju vetë jeni një qytetarë, përveçse një gazetarë i vëmëndshëm, shpresoj dhe një qytetarë i vëmëndshëm që kaloni dhe kur shikoni një repart ushtarak besoj që kuptoni që të paktën rrethimi nuk duhet të ishtë ai që është, sepse ka munguar ky investim. Nuk është investuar në sigurinë e këtyre strukturave. Për të mos thënë që shpesh herë është abuzuar, kush ka pasur në dorë mallra të një sensibiliteti të caktuar. Kjo është një histori që do të vazhdojë brenda strukturave të FA ekziston Policia Ushtarake, ekziston struktura e Inteligjencës për të mbajtur të pa cënuar një strukturë e cila ka një sensibilitet të caktuar edhe për shkak të investimeve që bëhen në armatime, në municione e kështu me radhë.
Ne kuadrin e fondeve do doja domethëne qe t’ju kerkoja shpjegime lidhur me akuzat që ju ka bërë s’fundi Opozita për…folët domethënë për kontrollin e arjrit dhe është zhvilluar tenderi, ëshë larguar gjigandi amerikan Lokid Martin, gjithnjë duke ju referuar akuzave të Opozitës, dhe është zëvendësuar nga një dyqan celularësh në rrugën e Kavajës. Pak e frikshme në qoftë se do ishte e vërtetë?
Tani unë nuk e di nesë ju keni qenë i vëmendshëm në fjalën time të fundit në Parlament, e shpresoj shumë se keni qenë, sepse ka qenë pak e gjatë, e gjatë madje mund për shumkend edhe e mërzitshme, por ka pasur një të vërtetë të madhe brenda. Ky i ashtuquajturi dyqan i celularëve ka kontrata që nga 2005 deri në 2013 në mes te 2013, pra pa ardhur ne në qeverisje me Ministrinë e Mbrojtjes. Përtej kësaj më lejoni të ritheksoj edhe një herë, që radarët e detit nuk kanë të bëjnë me qiellin, nuk kanë të bëjnë me detin, kjo është një gjë dhe FA-të kanë detyrimin Kushtetues të ruajnë bregdetet shqiptare, bregdetin shqiptar në një distancë të caktuar. Mbi 3 km, sepse deri në atë distancë janë forcat Policore kufitare që e bëjnë këtë gjë. Rojet bregdetare sot që flasim dalin në patrullim 300 orë me shumë, 300 orë më shumë nga ç’dilnin në patrullim dy vjet përpara me të njëjtën sasi karburanti, madje ne na del dhe na tepron në fund të vitit, në një kohë që nuk ka qenë kështu, të paktën për vitin 2013. E ritheksoj dhe e kam thënë këtë histori pa fund dhe do vazhdoj ta them sepse është shumë e rëndësishme. Me datën 16 shtator në mbledhjen time të parë si Ministër i Mbrojtjes, zëvendes-Komandanti i Forcave Detare është cuar e ka thënë: zonjë unë nuk kam asnjë litër karburant për të patrulluar… do të thotë gadishmeria zero. Kjo është një gjë shumë e rëndë e tejkaluar tashmë, në një kohë që z. Babaramo ju kujtoni shumë mirë një tragjedi, e cila mund të kthehej në tragjedi shumë të madhe sic ishte djegja e tragetit që udhëtonte nga Igumenica në një aeroport të Italisë, dhe kemi qenë prezent 24 orë në 24 me anijet tona në suport dhe ndihmë të strukturave militare italiane në shpëtim të këtyre njerzëve. Dhe kjo ka ndodhur javën e fundit të vitit. 24 orë në 24 të cosh anije pafundësisht në fund të vitit pa pasur nevojë të marrësh karburant borxh, thjesht e vetem për shkak të një mirë menaxhimidhe mosabuzimi me këtë produkt. Pra, këto janë gjëra shumë të rëndësishme, ju siguroj duke folur me seriozitet dhe duke lënë mënjanë ironinë e kioskës cellulare, që firma që ka fituar tenderin e mirëmbajtjes është e njëjta që ka punuar në vite në Ministrinë e Mbrojtjes, për një fakt shumë të thjeshtë: është përfaqësuesi zyrtar i një kompanie ndërkombëtare si GEM-Elektronika, që është prodhuesi i radarëve që ne disponojë. është përfaqësuesi zyrtar, po përtej kësaj unë ju siguroj, unë kur kam ardhur në fillim kisha një dosje kaq të madhe me të gjithë opsionet që Forca Detare kishte bërë për shkak të mungesës së shkëmbimit të informacioneve dhe rënies dakort me Ministrinë për të tenderuar mirëmbajtjen e radarëve. Për shkak të këtij moskuptimi po e quajmë moskuptim në mënyrë elegante radarët kishin plot dy vjet që nuk mirëmbaheshin dhe për këtë shkak nuk punonin, nuk punonin. Ju lutem pyesni ata që kanë drejtuar më parë, nuk i vëmë gishtin askërkujt në këtë rast, si e kanë menaxhuar detin pyetini politikisht nuk dua fare të hyj konkretisht detajeve, se as duke qenë Ministër i Mbrojtjes nuk i hyj detajeve teknike, se nuk është një gjë që më takon mua, se është një gjë që i takon ekspertëve. Ne jo vetëm i rivumë në punë, ne jo vetëm po i mirëmbajme,por i vumë në punë se nuk punonte asnjë, as edhe një. A ka difekte rrugës se nuk punon? Po sigurisht, ndaj dhe ekziston dhe mirëmbajtja, po padyshim që një radar mund të mos punojë e shkohet direkt dhe operohet, sepse kjo është pjesë e punës së zakonshme, por ky lloj teatri sepse na duhet politikisht ta luajmë këtë teatër, mua nuk me rri, sepse po flasim për një gjë shumë serioze. Një gjë që duhet të jemi të gjithë bashkë, që e përsëris është siguria e këtij vendi, kufijëve tanë e realitetit tonë, e djersës sonë, e mundit tonë, dhe e të ardhmes së fëmijëve tanë. Ndaj në këtë diskutim, duhet të jemi realisht serioz dhe të bëhemi bashkë për t’i zgjidhur gjërat. Nuk mund për shkak të goditjes politike që duhet bërë, që i duhet bërë Ministrit të Mbrojtjes, sepse Ministri i Mbrojtjes nuk mund të bëjë përjashtime dhe të jetë i paatakueshëm. Si ka mundësi që të bësh Ministrin dhe të mos jesh i korruptuar? Ja që qëllon që mund te jesh.
Ky është një përjashtim nga rregulli
Unë flas për vete, unë nuk marr përsipër asnjë gjë përvecse cfarë ndodh në këtë Ministri, e dini pse zotëri, kam vënë dorën mbi Biblën e ketij vendi ose mbi librin e shenjtë të vendit që është Kushtetuta e këtij vendi dhe jam betuar se do ta bëj këtë punë me nder? Dhe këtë mundohem të bëj cdo ditë, por po flasim për një strukturë e cila është pak më e vecantë se sa një strukturë tjetër. Me gjithë respektin për gjithë Ministritë e tjera, po flasim për Ministri që ka të vecantat e veta, apo jo, sepse flasim për një gjë që ju them edhe një herë duket sikur është e zakonshme. Pse duhet të lindi dielli i bukur cdo ditë në vendin tonë pa dëgjuar sherre të tjera? Po ashtu duhet të jetë në fakt, po ja që mund që kjo qetësi dhe kjo paqe midis nesh brenda vendit tonë të mund të realizohet. Ka shumë mund, këtu është përfshirë dhe mundi im..
Qartë…Pak muaj pasi morët detyrën cuat dy tre dosje në prokurori ku akuzonit paraardhësin për afera korruptive, ato u mbyllën, i tërhoqet ju, po gjithsesi cështjet janë mbyllur. Cfarë rrethanash, cfarë ndodhi…
Duhet të pyesni Prokurorin e Përgjithshëm. Unë e riftoj Prokurorin e Pergjithshëm, gjithë strukturat, gjithë prokurorët, të vlerësojnë me seriozitet ato dosje që akoma janë aty. Ka një super-dosje nëse mund ta them, nëse mund ta quaj të tillë, që është dosja e përgjimit, që nuk mund të mbyllet për shkak se ne nuk kemië për të parë se cfarë ka ndodhur në atë aparat.
E ka Shqipëria atë ekspertize…
-Kështu që në mos e ka Shqipëria e kanë vendet e tjera ku mund të kërkohet ndihmë, dhe une besoj se ndihma ja vlen që të kërkohet. E dini pse? Sepse një herë aty janë bërë dy gabime të mëdha! Janë përdorur strukturat dhe mjetet e ushtrisë në mënyra të kundraligjshme dhe antikushtetuese, dhe e dyta përgjimi opozites, i trupit Diplomatik apo i kujtdo që mendonte ndryshe nga qeverisja e asaj kohe a do të thotë…
Cfarë indicje ka kjo që ka ndodhur kur nuk ka ende ekspertizë…Që ta kuptoj, se deri tani jemi në kuadrin e kauzave, e kundrakuzave politike.
Jo jo s’është…s’është, cuarja e nje dosje konkrete ne prokurori nuk eshte akuze politike
Sigurisht…
Eshtë një gjë konkrete dhe është aty megjithë materialet që kjo dosje përmbledh
Cfarë materialesh ka ajo dosje
Dhe ky është pretendimi i kahershëm i PS, në kohë kur ne ishim akoma në opozitë, ju e dini shumë mirë. Atëherë ju them Ministria e Mbrojtjes ose nëpërmjet Ministrisë së Mbrojtjes u blenë dy softe të cilat bëne plot 1.6 Milion Euro, softet janë njëra aktive dhe tjetra passive, që do të thotë ëra përgjon dhe tjetra ndërhyn dhe juve ju krijohet ideja se sikur në mesazh ju vjen nje mesazh nga Ministri i Mbrojtjes që është jashtë cdo etike dhe komunikimi dhe ndërkohë që “Unë” kam qenë duke bërë dicka tjetër.
E qartë…
Po flasim ne të dy e spo përmendim emër tjeter, të cilat, e para strukturat e Ministrisë së Mbrojtjes nuk duhet ta kenë këtë aparat. Nuk duhet ta kenë sepse pretendimi ka qenë që na duhej për njerëzit që kishim cuar në Afganistan, ndërkohë që për publikun dua dy fjalë të them nëse kemi akoma kohën…
Keni gjithë kohën e duhur
Strukturat tona, njesitë tona ushtarake shkojnë në mision nën komandën e një vendi tjetër dhe komanda e atij vendi tjetër, domethënë ka njësitë e veta dhe një njësi që është njësia shqiptare. Nuk kanë nevojë për aparatet e tua të përgjimit sepse ka të vetat, sepse mbron ushtarakët e vet dhe ndërkohë mbron dhe ushtarakët e tu. Po dhe sikur të ishte kështu, ky aparat nuk shkoi kurrë në Afganistan. Njerzit u trajnuan që përgjimet të bëheshin deri tek ndërtesa e Partisë Socialiste, madje aparaturat u vendosën në një makinë që ka parkuar përpara PS me dite të tëra.
Kjo është e verifikuar
Tjetër gjë pastaj, nuk po i futem fare diskutimit politik tashmë se thamë doni një gjë konkrete, doni një lajm. E kam thënë këtë gjën, po e rithem, le të ribëhet. Lajm për të justifikuar faktin që ky aparat të largohej nga vendi sepse ishte blerë për të përgjuar dikë tjetër u cua në Kosovë dhe u kthye ashtu sic shkoi. Nuk kishte asnjë rol. Dhe e fundit gjë, aparatit që është krejt thjesht një kompjuter i është hequr Hard-Disku, është krejtësisht e verifikueshme në dokumentat që Prokuroria ka. Pra, hard-disku ku janë regjistruar përgjimet.
Të gjitha tërësisht të bardha
Ishte i hequr, janë dokumentat që ishte i hequr, madje është paguar jashtë parave të Ministrisë së Mbrojtjes për të ardhur eksperti nga kompania që e kishte prodhuar produktin dhe për t’u ndërruar, meqë këtu kishin frikë ta bënin këtë gjë.
Atëherë kur është hequr Hard-Disku cfarë do gjeni kur ajo është bosh?
Unë nuk jam Prokurore, prokuroria e di, nuk jam. Bëj një punë tjetër. Unë di t’ju them që janë harxhuar 1.6 Milion Euro të taksapaguesve shqiptar për të përgjuar opozitën.
Tani ku janë këto aparatura?
Janë të bllokuara në Prokurori se dhe dosja është atje…
Jo dosja po them
Edhe aparatura vetë
Edhe aparatura!
Patjetër, aparatura është bllokuar që ditën që unë kam ardhur, është bllokuar, ka ndejtur e bllokuar e sixhiluar deri sa Prokurorët kanë ardhur dhe e kanë marrë në dorë .
Ndërkohë Ju i keni zëvendësuar këto.
Jo nuk është detyrë, nuk kam zëvendësuar asgjë, se nuk është detyrë e FA ta bëjë këtë gjë, është antiligjore dhe antikushtetuese!
Po derisa ushtria ka shërbimin e vet informative, duhet të ketë dhe paisje për…
Ushtria nuk ka nevojë për këtë paisje sepse kanë struktura të tjera ligjore që e kryejnë këtë punë edhe për ushtrinë.
Zonja Ministre ju falenderoj për intervistën
Ju falenderoj ju që erdhët.
Redaksia Online
(f.s/shqiptarja.com)
/Shqiptarja.com
Gjatë intervistës, Kodheli deklaroi se Shqipëria nuk është në kushtet kur duhet të marrë masa të drastike sa i takon rrezikut të munshëm të ndonjë sulmi terrorist. Por, Kodheli nënvizon se është rritur gadishmëria. Majde, Kodheli deklaroi se, “Shqipëria vazhdon të mbetet një ndër vendet më të sigurt të Aleancës madje edhe Europiane”.
Intervista e plotë
Mirmbrëma, zonja ministre do të doja ta nisja bisedën me sulmet e fundit në Paris, të cilat u konsideruan edhe nga Presidenti Hollande si një akt lufte, akt lufte ndaj aleancës së Atlantikut të Veriut, aleancës më të madhe ushtarake dhe politike, pjesë e të cilës jemi edhe ne? Çfarë masash ka marë Shqipëria gjatë dy ditëve të fundit në këtë kontekst?
Tju them të drejtën masat nuk kanë filluar vetëm gjatë dy ditëve të fundit, por janë në vazhdimësi dhe gatishmëria jonë është rritur në vazhdimësi, kontkretisht gjatë dy viteve të fundit, është rritur ashtu siç keni dëgjuar edhe nëpërmjet medias gatishmëria e Policisë njëkohësisht edhe e FA në një nivel më të lartë.
Në çfarë niveli?
Në një nivel më të lartë. Masat kuptojnë shumë gjëra që nga ruajtja e objekteve apo institucioneve të rëndësisë së veçantë deri tek rritja e intensitetit me të cilin shkëmbehen informacionet tek prezenca fizike e forcave të policisë në terren dhe sigurisht ngritja e gatishmërisë ashtu siç edhe e thashë si brenda FA, brenda reparteve, matja e gatishmërisë së forcave të veçantë, matja e gatishmërisë së përgjigjes së Forcave Ajrore dhe Forcave Detare, por ajo çka është më e rëndësishme për publikun është të dijë se gatishmëria e policisë në kufij, në rrugët, në objektet e rëndësisë së veçantë dhe jo vetëm e këtyre institucioneve, por edhe Ministrisë së Shëndetësisë dhe të gjitha institucioneve të cilat janë pjesë e strukturave të gatishmërisë, është në maksimum. Kjo besoj që është një masë konkrete e cila duhet përmendur dhe përgëzuar. Por pa dyshim ne jemi në kontakt të vazhdueshëm edhe me strukturat qoftë të inteligjencës apo mbrojtjes institucionale të gjithë vendeve anëtare të NATO-s për të shkëmbyer çdo informacion të mundshëm.
Çfarë informacionesh keni marë ose keni dhën?
Kjo është pjesë e një pune që sigurisht unë nuk mund ta ndaj drejtëpërdrejt me publikun, por çdo informacion që për ne konsiderohet i rëndësishëm dhe që lidhet pikërisht me çfarë ndodh sot apo çfarë ka ndodhur para dy tre ditëve në një ndër kryeqytetet më të rëndësishme të botës, siç është Parisi. Është një informacion i cili shkëmbehet dhe është shkëmbyer edhe më parë. Ju shikoni që si terroristët kanë lëvizur nga një vend në tjetrin, pra janë involvuar në gjetjen e personave dhe mënyrën sesi ata kanë hyrë dhe vepruar jo vetëm përbrenda strukturave të shtetit të Francës, por dhe në Belgjikë.
Kanë lëvizur brenda territorit shqiptar?
Jo, në aq informacion sa ne kemi jo. Nuk kanë lëvizur.
A ka prezencë të ISIS në Shqipëri. Në një deklaratë të tyre ata kanë thënë se janë prezent në Shqipëri, Bosnje dhe Kosovë?
Unë nuk e di se çfarë ju nënkuptoni me prezencë fizike?
Celula, siç kishte celula Alkaeda, të cilat u zhdukën në 97?
Shqipëria për fat të mirë, sigurisht si vend anëtarë I NATO-s, si një vend europian padyshim që kërcënohet nga një rrezik i tillë, por jo, Shqipëria dhe shqiptarët duhet të rrinë të qetë, sepse të gjitha strukturat punojnë dhe unë e uroj shumë ashtu siç edhe besoj fort që nuk do të ketë asnjë akt, as një ngjarje të kësaj natyre në një vend si vendi ynë.
A jepni ju garanci për këtë, sepse është lufta më e paparashikueshme?
Sigursht që jap garanci. Jam këtu për ta dhënë këtë garanci patjetër.
Sepse është sulmuar një nga vendet më të sigurta, ndërkohë që siguria e Shqipërisë lë shumë për të dëshiruar?
Jo. Nuk jam dakord me këtë gjetjen tuaj, nuk është kështu. Siguria e Shqipërisë është një siguri e cila lidhet fort jo vetëm me punën e jashtëzakonshme që bëjnë strukturat që e sigurojnë këtë, por lidhet fort edhe me mbrojtjen kolektive, Shqipëria si vend anëtarë i NATO-s. Por më lejoni tju them që në Francë ka mijëra e mijëra celula të kësaj natyre kështu që në Shqipëri nuk rezulton të ketë, prandaj Franca megjithë që një vend më i zhvilluar dhe më i sigurtë, sipas gjykimit tuaj ka qenë dhe rezulton të ishte më e rrezikuar.
Ju po thoni që nuk ka celula në Shqipëri, ndërkohë mund të jenë dhjetra që nisen nga Shqipëria për të luftuar në Siri?
Ky është një fakt i njohur.
Një lloj prerence ka, përderisa rekrutohen për të shkuar aty. Atëherë kjo është bërë publike?
Është më shumë problem në territoret etnike shqiptare, sesa vetë brenda kufijve tanë. Sigurisht këta persona janë nën vëzhgim dhe kjo është punë e përditshme e çdo strukture, e cila mban nën mbikqyrje edhe të ashtuquajturit “Foreign Fighters” që vijnë apo që lindin në territoret shqiptare, apo largohen të bëjnë luftën e dikujt tjetër dhe mbase dhe rikthehen këtu.
Më lejoni të këmbëngul. Nuk ka pasur vetëm nga Kosova, ku zona e Kaçanikut është më dominantja apo nga Maqedonia ku zona e Dibrës së Madhe ka dominancë tek këta që ju i quani Luftëtarë të Huaj që shkojnë për të luftuar për Xhihadin, ka dhe në Shqipëri?
Ka dhe në Shqipëri. Kjo është një arsye më tepër pse unë i kam kërkuar vendeve anëtare të NATO-s, aleatëve tanë, homologëve ngritjen e një strukture që do të ishte një qendër ekselence. Do të kishte të bënte, do të diskutonte, do të ishte një strukturë dhe institucion i cili do të merrej me studimin e fenomenit të luftëtarëve të huaj. Kjo është një ide e hedhur një vit më parë nga MM, e mbështetur dhe nga gjithë aleatët edhe nga strukturat ushtarake NATO në çdo kohë që kjo themelohet dhe që mund të marrë formën që ne kërkojmë do dhe një bashkëpunim të ngushtë sepse do të jetë një qendër ekselence vetëm e vendosur në Shqipëri, por do të ketë sigurisht politologë apo ekspertë të fushës nga të gjitha vendet e aleancës. Jemi në përfundim të diskutimeve me ta, do të shikojmë se si do të mund ta realizojmë këtë. E rëndësishme është që të ndaj me ju diçka, ne nuk duhet ta shikojmë problemin kur problemin e kemi tek dera, por duhet ta shikojmë në burimin e tij, duhet të shikojmë rrënjët pse një qytetarë i zakonshëm transformohet në një luftëtar të huaj. Kjo është një nga arsyet pse ne kemi kërkuar dhe vazhdojmë të insistojmë në themelimin e një strukture të tillë e cila do të ndihmojë jo vetëm vendet e rajonit, jo vetëm shqiptarët, por shumë më shumë se kaq, gjithë vendet anëtare të aleancës për të kuptuar pse bota përballet me një fenomen të tillë sot.
Ky është aspekti akademik i çështjes. Rikthehemi tek ajo që nisëm bisedën, tek shkëmbimi i informacionive. Keni informacion që në këto momente dmth gjatë muajve të fundit ka pasur rekrutime?
Atëherë zoti Babaramo unë nuk jam drejtor i Agjencisë (patjetër, por ju më thatë që shkëmbeni informacione), sigurisht që brenda FA, në vartësi direkt të Ministrit të Mbrojtjes ekziston Agjencia e Shërbimeve Informative Ushtarake dhe sigurisht që qëllimi ynë kryesor është ruajta e FA nga sulme edhe terroriste. Përsa i përket strukturave të FA, por sigurisht që ne na takon një pjesë e rëndësishme e ndarjes së informacionit dhe ky është një informacion që ndahet përditë dhe jo domosdoshmërisht dhe vetëm për këto shkaqe. Sigurisht që strukturat ekzistojnë sepse për fat të keq terroristët ekzistojnë, për fat të keq ekstremistët ekzistojnë, për fat të keq keqbërësit ekzistojnë, por unë besoj që sot Sigurinë Kombëtare të Republikës së Shqipërisë jo domosdoshmërisht e kërcënon fenomeni ISIS ose IS.
Kush është rreziku numër një i Sigurisë Kombëtare?
Ndofta krimi i organizuar në gjykimin tim.
Krimi i organizuar?
Po, krimi i organizuar. Në gjithçka që ky krim ka, që nga trafiqet tek gjithçka që ky togfjalësh përmbledh. Sigurisht që brenda krimit të organizuar pa as më të voglin dyshim bën pjesë edhe terrorizmi, por kjo është një luftë e të mirës me të keqen që do të vazhdojë të jetë e tillë. E rëndësishme është që ne të përgjigjemi në kohë, e rëndësishme është që ne të kemi informacionin e duhur dhe që të marrim masa paraprake, e përsëris për të mos e përballur fenomenin kur ai na ka ardhur në shtëpi, por për ta përballur fenomenin në burimin e tij. Kjo është shumë e rëndësishmë dhe kjo nuk ka të bëjë domosdoshmërisht me të dhënat akademike që ne mund të këmi për një një fenomen apo fenomën tjetër.
Qartë. Keni pasur gjatë 48 orëve të fundit kontakte me homologët tuaj të NATO-s ose me qendrën e NATO-s në Bruksel ose me Uashingtonin dhe Pentagonin?
Atëherë ju them kemi pasur, në fakt edhe për shkaqe që dihen nuk kam mundur të kontaktoj me homologun francez. Në këto momente e kam parë shumë të impenjuar realisht në zgjidhjen e një situate të jashtëzakonshme siç është situata e krijuar në Francë. Por kam kontaktuar me homologen italiane, kam kontaktuar me homologun në Bruksel. Për ti dhënë atyre siguri dhe sigurisht për të marrë prejt tyre siguri që bashkëveprimi, bashkërendimi i gjërave shkon në drejtimin e duhur dhe Shqipëria është pjesë e kësaj vendimmarrjeje.
Si do reagojë Aleanca, pritet një mbledhje një samit, në qoftëse do i besojmë asaj që tha presidenti Holande që jemi në luftë, atëherë në luftë janë edhe vendet e tjera të Aleancës. Do ketë një takim, do ketë një thirrje, se ka kaluar relativisht një kohë e gjatë që nuk ka një reagim sipas parimit të sigurisë kolektive.
Në fakt sekretari i Përgjithshëm Stoltenberg ka dalë në një deklaratë të qartë për shtyp dhe kjo është një gjë për tu vlerësuar padyshim. Mund tju them që strukturat NATO funksionojnë në këtë mënyrë: mblidhen kur vjen një kërkesë nga një vend i aleancës dhe kjo kërkesë nuk ka ardhur akoma nga Franca, por megjithatë NATO i ka zgjidhur krizat dhe funksionon si një e tërë mirë, madje shumë mirë. Mos harrojmë që prezenca e saj në Kosovë dhe zgjidhja e problemit të Kosovës.
Kjo është relativisht e gjatë në histori, ndërkohë që jemi në një realitet të tillë që reagimi i parë u bë në BE dhe në G20 ndërkohë që NATO ende nuk ka, ndoshta nuk është forumi më i përshtatshëm, institucioni më i përshtatshëm? Cfarë nuk shkon?
Ka disa forume, G20 ishte mbledhur për të tjera arsye dhe sigurisht që parapriu diskutimin mbi problemet e sigurisë, vjen natyrshëm kështu. Europa ose BE ka qenë vazhdimisht në kontakte apo në struktura të mbledhura të saj, për arsye të refugjatëve. Mos harroni, më lejoni tju rikujtoj që problemi i refugjatëve nuk ka mbartur vetëm problemin logjistik të trajtimit të tyre, por ka mbartur me vete një problem të madh që ishte problem i sigurisë: kush hynte së bashku me refugjatët, kush e konsideronte veten si refugjat në një kohë kur refugjat nuk kishte. Dhe vetë faktet që dikush nga ekstremistët që kanë realizuar masakrën e Parisit, ka qenë i penetruar me pasaportë fallco si një prej refugjatëve, si një sirian i cili, ju e dini shumë mirë sepse është në të gjitha mediat ka lëvizur nga një ishull i Leros, Maqedoni, Serbi dhe më tutje. Pra, problemet kanë qenë aty ndaj dhe strukturat qoftë të BE, qoftë G20 që ju përmendni janë marrë me këtë diskutim. Ju them edhe një herë, NATO mblidhet kur një nga vendet aleate e kërkon këtë, kështu që do të presim dhe do të shikojmë se cilat do të jenë reagimet e mëtejshme. Sigurisht që NATO është një strukturë mbrojtëse dhe do të jetë gjithmonë atje ku një vend aleat do ta kërkojë, nëse do ta kërkojë këtë gjë.
Sepse nuk është vetëm Franca një vend anëtar i NATO-s që është sulmuar, është i dyti pasi i pari që u sulmua qe Turqia, rreth një muaj më parë dhe kjo është pak e çuditshme. Nuk kemi një reagim të NATO-s ndërkohë që zgjidhja kërkohet në rrugë të tjera. Më lejoni të këmbëngul.
Jo nuk besoj që zgjidhja kërkohet në rrugë të tjera sepse edhe në rastin e Turqisë, Turiqa përveçse ka kërkuar një asistencë dhe bashkëpunim me struktura të caktuara të luftimit ajror të SHBA, i ka zgjidhur problemet brenda mundësive të saj. Por të jeni të sigurt që në momentin që Turqia ka një kërkesë zyrtare që si strukturë NATO-ja të mund të jetë prezent megjithëse NATO është prezent në kufijtë juglindor të Turqisë, si strukturë NATO. Padyshim që do të ketë zhvillime edhe në këtë drejtim.
Në Samitet që bëjnë vendet e Aleancës së Atlantikut të Veriut apo në takimet që bëni ju si Ministra të Mbrojtjes, a është analizuar shkaqet e krijimit të Shtetit islamik? Dhe a ju ka rezultuar që tërheqja e trupave amerikane nga Iraku krijoi një vakum që nga pikëpamja gjeostrategjike por edhe ushtarake u mbush nga ky vakum nga ISIS?
Atëherë unë ju them që qeveria amerikane vazhdon të jetë prezente, janë tërhequr trupat luftarake nga Iraku, por vazhdon të jetë zashtu sic vazhdojnë të jenë present edhe forca të tjera të armatosura. Dhe në këtë rast vazhdon trajnimi, vazhdon shkollimi i strukturave irakene, për të mundësuar përballjen e realitetit iraken prej tyre vet. Duke filluar që nga strukturat e sigurisë dhe deri tek strukturat që kanë të bëjnë me vendimmarrje politike, legjislacionin e kështu me rradhë. Prandaj besoj që kjo është një gjë për t’u vlerësuar sepse ne vet, disa oficerë të FARSH janë prezent që nga Afganistani i largët e deri në Malin po aq të largët, në Republikën e Malit, duke bërë trajnuesin e të gjithë atyre strukturave që do të mundësojnë një ngritje të trupave të tyre të sigurisë në të ardhmen. Dhe kjo është shumë e rëndësishme sepse strukturat NATO, FA qoftë këto trupa amerikan apo të cfarëdolloji aleati tjetër qofshin. Nuk mund të rrinë për një kohë të gjatë sa vetë jeta në një vend tjetër. Kanë shkuar atje dhe vendimmarrja e drejtë në gjykimin tim është pikërisht atje. Trupat nuk do të jenë më luftarake por do të jenë trajnuese. Kjo gjë po bëhet në Afganistan, ashtu sic po bëhet edhe në Irak dhe kështu do të vazhdojë.
Sulmet e të premtes në Paris janë konsideruar, ka një lloj ngjashmërie ka një lloj simetrie me 11 shtatorin. Dhe pas 11 shtatorit SHBA adoputan atë që quhet Akti Patriotik, që u shoqërua me ndryshime legjislacioni. Që u krijonte mundësinë autoriteteve shtetërore për të pasur më shumë akses në informacion, që mund të shoqërohet edhe me ndonjë cënim të lehtë të të drejtave themelore të njeriut. E njëjta gjë është dukë u diskutuar aktualisht në Francë. Në Shqipëri, në këtë linjë a pritet që të ketë masa për ndryshim legjislacioni?
Ne i kemi bërë disa masa një vit e diçka më parë mos gaboj. Legjislacioni është ndryshuar lidhur me luftëtarët e huaj. Kemi ndryshuar kush bëhet pjesë e këtyre strukturave dënohet me burg. Ky është legjislacioni i ndryshuar shqiptar. Nuk shikoj që duhet të ketë masa të tjera më të rrepta drastike lidhur me këtë gjë, për aq kohë sa ju siguroj që Shqipëria vazhdon të mbetet një ndër vendet më të sigurt të Aleancës madje edhe Europiane. Kështu që sigurisht që e ripërsëris që gatishmëria është rritur, vigjilenca është rritur, por jo domosdoshmërisht të duhet të shkojmë tek ndryshimi i një legjislacioni. Ka dhe disa ndryshime legjislative në vende të ndryshme. Amerika, SHBA,Fanca e kanë më të avancuar rolin e FA të ushtrisë në përgjithësi. Për shkaqe edhe të background-it të tyre historik. Ju them thjeshtë, kjo edhe për publikun, në Francë apo në Itali ka një strukturë që është xhandarmëria apo karabinierët që është ushtarake por me atribute policore. Pra, prezenca e ushtrisë edhe nëpërmjet kësaj force të rëndësishme, është prezent edhe në ditët e tyre të zakonshme. Kështu që për ta vendimmarja për të pasur prezencë më të madhe ushtarake në rrugët e qytetit, e thënë thjesht është më e thjeshtë nga pikëpamja legjislative. Tek ne edhe për shkaqe të një historie ose të disa historive të hidhura të këtyre 25 viteve, ne e kemi kufizuar dhe ristrukturuar prezencën e FA në ngjarje të jashtëzakonshme. Dhe kemi bërë shumë mirë. Dhe kështu do të vazhdojë të jetë.
Rreth më shumë se një vit më parë ju dhe zyrtarë të tjerë të lartë të shtetit shqiptar jeni shprehur se autoritetet do vënë në kontroll deri edhe në mbyllje të atyre xhamive që janë përtej autoritetit të Komunitetit Mysliman në të cilat predikohet islami radikal dhe mbi të gjitha që shërbejnë si infrastrukturë për rekrutimin e xhihadistëve. Cfarë ka ndodhur? Keni një bilanc, keni shifra, është vënë kjo hapësirë e pakontrolluar nga askush?
Në fakt kjo nuk është një pyetje për Ministrin e Mbrojtjes sepse ka struktura të tjera dhe institucione të tjera që janë përgjegjëse për këtë gjë. Por unë ju siguroj që këmbimi i informacionit midis gjithë agjensive dhe strukturave tona është mjaftueshmërisht intensiv për të mbyllur apo mbajtur nën kontroll struktura të cilat nuk predikojnë fenë dhe paqen por predikojnë totalisht gjëra të kundërta nga 2 gjërat që thashë unë.
Pushim
Zonja Ministre cfarë masash ka marrë shteti shqiptar për në një skenar të mundshëm se do kemi një valë refugjatësh nga Siria?
Në fakt ne jemi mbledhur disa herë bashkaraisht nën lidershipin e zëvëndëskryeministrit padyshim për të studiuar rreth skenarëve të mundshëm të ardhjes së refugjatëve edhe në këto anë. Qeveria shqiptare do të vazhdojë t’i forcojë masat e kontrollit në kufi ashtu sic do të vazhdojë të jetë alert edhe për gjithë situatën duke përfshirë këtu edhe problemin e refugjatëve. Dhe ju them edhe një herë, problem i refugjatëve nuk do të jetë një problem logjistik, që është një problem më vete. Shqipëria ëshjtë një vend i vogël dhe i varfër por mikpritës. Dhe sigurisht që rrugët e Shqipërisë do të jenë vetëm rrugkalim për ta. Por, shqipëria nuk është një vend mikpritës për atë pjesë të refugjatëve, nuk do të jetë edhe për këtë masat e sigurisë do të shtohen.
Përdoret si kamuflim fluksi i emigrantëve nga ISIS për të infiltruar?
Absolutisht, ndaj dhe duhet rritur vigjilenca dhe shkëmbimi i informacionit me strukturat e tjera kufitare apo me ministritë e Brendshme të vendeve ku do të tranzitohet e kështu me radhë, pa folur më tej për agjensitë e shërbimeve. Ngjarjet e Parisit na e rrisin këtë alert, na e shtojnë akoma dhe më shumë nevojën për të qëmtuar hapsirat po mungesaat që ne kemi në gjithë këtë spektër. Jo më larg se të shtunën Kryeministri i vendit ngriti në alert ministrat që janë pjesë e strukturave të këshillimit të tij lidhur me gjithçka që thamë, me të gjitha masat që duhen marë qoftë për institucionet e rëndësisë së veçantë, qoftë rritjen e gatishmërisë në përgjithësi.
Dhe çfarë masash u vendos që duhet të meren?
Absolutisht është rritur gatishmëria e policisë dhe FA më së pari kështu që kjo nënkupton shumë gjëra brenda.
Veç një solidariteti njerëzor së paku publik mediatik të drejtuesëve të shtetit Shqiptarë ndaj ngjarjeve të Parisit nuk kemi parë një reagim institucional, kemi parë vetëm lajmin pë Presidenti i Republikës ka thirrur për tu informuar Drejtorin e Shërbimit Informativ Shtetëror, ndërkohë nuk kemi parë një bashkëpunim tjetër institucional, le të themi për Këshillin e Mbrojtjes. A do mblidhet Këshilli i Mbrojtjes?
Kjo do të thotë që nuk keni qenë në shqipëri këtë fundjavë, sepse nëqoftë se do të kishit dalë në rrugët e Tiranës do të kishit parë prezencë të shtuar policore dhe kjo nuk është batutë.
Unë e mirëkuptoj batutën tuaj zonja ministre, por nuk pamë psh të mblidhet Këshilli i Mbrojtjes. Në ceremoninë që organizoi Presidenti i Republikës nuk pamë asnjë ministër, z. Meta ishte si kryetar i Parlamentit, por kryeministrin nuk e pamë?
Si asnjë ministër, ishte ministri i Jashtëm, ministri i Mbrojtjes, ministri i Drejtësisë.
Kryeministri nuk ishte?
Atëherë, e para ngjarjet e papritura sigurisht prishin disa axhenda, ndërsa disa axhenda janaë të pamundura që të realizohen sepse janë gjëra të papritura. E dyta unë ju them si ministër i Mbrojtjes që ditën e shtunë, në orën 10 të mëngjesit kam mbledhur Këshillin e Politikave të Mbrojtjes, ku janë marë të gjitha këto vendime dhe të gjitha këto masa. Presidenti mund të mbledhë Këshillin e Sigurisë Kombëtare, që është gjithsesi një këshill këshillimorë, nuk është vendimarrës, por ne kemi bashkërendur si qeveri të gjitha veprimet lidhur me rritjen e gatishmërisë dhe kontrollit në çdo qoshe të Republikës së Shqipërisë.
Le të vazhdojmë tek kjo, bashkëpunimi me institucionin e Presidentit. Ju jeni një nga tre ministrat që për shkak të detyrës duhet të keni bashkëpunimin më intensiv me presidentin e Republikës, dy ministrat e tjerë ai i Drejtësisë dhe ai i Jashtëm në publik kanë lënë të kuptohet se marrëdhëniet e tyre me Presidentin e Republikës janë gati gati të ngrira në marrëdhëniet e tyre të punës. Ju si Ministre e Mbrojtjes si i keni kët omarrëdhënie?
Z. Babaramo më krijohet ideja sikur shpesh herë, në përgjithësi, jo vetëm ju personalisht pyesni a keni muabet me komshiun në përgjithësi. Kjo ishte për batutë
Çfarë raportesh bashkëpunimi ka?
Institucionalisht e kam për detyrë, e përsëris të kem marrëdhënie të rregullta, reciproke, respektive të zbatimit të kushtetueshmërisë të ligjeve të Shqipërisë me institucionin e Presidentit. Përtej kësaj marrëdhëniet kanë qenë intensive në të gjitha rastet që unë kam vlerësuar se duhet të ndaj me Presidentin shqetësime që lidhen me MM dhe FA apo edhe me sigurinë e vendit. Kam pasur kontakte jo zyrtare me Presidentin, bashkë me shefin e Shtabit përgjithësisht për të gjitha rastet, e ritheksoj që kam vlerësuar që duhet ti ndaj këto shqetësime me Presidentin e Republikës dhe këtu nuk diskutojmë për proçedura krejt rutinë siç mund të jetë dekretimi apo ç’dekretimi i një gjenerali, kjo është procedura më rutinë që mund të ketë një strukturë si MM dhe FA. Kemi diskutuar për çështje madhore që i përkasin dhe që i interesojnë sigurisë dhe të ardhmes së këtij vendi.
Keni gjetur mirëkuptim?
Po patjetër që kam gjetur mirëkuptim. Sigurisht që ka rrahje mendimesh, ka disa herë këndvështrime të ndryshme, prandaj dhe bisedat ekzistojnë, prandaj dhe komunikimi ekziston sepse sikur të gjithë ta mendonim të gjithë njësoj nuk do të kishim nevojë për këtë gjë, por kjo nuk do të thotë që ne nuk shkojmë në të njëntin drejtim dhe aps asmë të voglin dyshim ju siguroj për këtë që drejtimi është vetëm një. Siguria e çdo qytetarëve të këtij vendi që është gjë shumë më e rëndësishme se sa disa gjëra të tjera. Shpesh herë me të drejtë ne sigurinë e marim si një gjë që duhet të jetë aty, që smund të na mungojë, në fakt që kjo siguri të ekzistojë ju siguroj dhe kjo nuk është një lojë fjalësh që ka qindra mijëra burra dhe gra të këtij vendi nën divizë që sakrifikojnë natën dhe ditën që kjo gjë të ndodhë.
Ne kemi një ushtri me vetëm 5 mijë ushtarë apo mos e ekzagjerova?
Vetë fjala ushtarë më shqetëson. Ne kemi një forcë të Armatosur prej 9 mijë ushtarakësh, këta janë ushtarë, nënoficerë dhe oficerë dhe na dalin dhe na teprojnë për të mbrojtur vendin, sepse mënyra sesi një vend i NATO-s mbrohet është e ndryshme nga mënyra sesi një vend jo i NATO-s mbrohet. Shqipëria është pjeë e mbrojtjes kolektive, pra shqipërinë nuk e mbrojnë vetëm ushtarakët dhe ushtarët e saj. Por dhe aleatët. Dhe sot që flasim qiejt shqiptarë ruhen nga strukturat NATO.
Cial është kjo cilësi e ruajtes së qiejve, ju thatë që krimi i organizuar përbën kërcënimin më të madh të sigurisë tonë kombëtare, ndërkohë që ju si shumicë qeverisëse i quajtët çimka, por ndërkohë kishte shumë avionë me drogë që fluturonin nga Shqipëria?
Kjo është një gojëdhënë, por në qoftë se ju keni shuëm të dhëna për këto avionët jeni të lutur të ma bëni prezent. Unë ju siguroj diçka. Shpesh herë nuk e di në mënyrë të qellimtë, apo nga padija shumëkush mundohet të konfondojë, ngatërrojë, përzjejë detyrat që një FA ka në raport me detyrat që një forcë policore ka.
Cfarë do të thotë qiejt e Shqipërisë të jenë të sigurtë? Para një viti një avion civil fikutrasponderat në qiell, duke fluturuar mbasi kishte kaluar qiejt e Milanos ishte duke tranzituar në Shqipëri, nuki përgjigjt kullë së eroportit të Milanos, nuk i përgjigjet kullës së aeroportit në Beograd dhe nuk i përgjigjet kullës së aeroportit në Tiranë, në këtë momënt njoftohet një strukturë e veçantë e cila ndodhet në Torrehon të Spanjës, që është struktura përgjegjëse për pjeën jugore të kufijve NATO, e cila njoftoi strukturën ushtarake në Aviano, që është një aeroport ushtarak në Itali dhe dy avionë luftarakë u nisën për të detyruar në qiell këtë pilot të pandërgjeghshëm të ndizte trasponderat, ose të pyeste se çfarë ndodhte me avionin dhe fluturimin civil. Gjith kjo gjë që po ju them ndodhi në 6 minuta, pra nga momenti që kullës së aeroportit në Tiranë nuk i është përgjigjur avioni që fluturonte nga Londar për në një vend të Gjirit Persik e deri në momentin kur avionët luftarakë italianë kanë qenë rreth 10 mijë fit në ajër kanë kaluar vetëm 6 minuta, nuk ëhtë përrallë, që do të thotë ky është ruajtja e qiejve, kjo është mënyra sesi aleatët ruajnë qiejt tanë. Sepse në momentin që trasponderi fiket nuk e di ka një terrorist brenda, ka një bombë brenda apo ka një problem. A ndodhin gjëra të tilla në ditët e sotme? Për fat të keq po. Kemi një histori tmerrësisht tragjike nga Sharm el Sheiku për në San peterburg, kemi një histori tjetër tmerrësisht tragjike për terroristë që gjuajtën mbi një avion që fluturonte mbi qiejt e Ukrainës, sigurisht që gjëra të tilla ndodhin, fatmirësisht ne nuk na ka ndodhur asgjë e kësaj natyre dhe unë uroj që edhe në jetë të jetve të mos u ndodhi qytetarëve shqiptarë një histori e tillë. Por unë ju siguroj që aleatët janë aty dhe do ta mbrojnë këtë vend ashtu siç edhe ne jemi aty për të mbrojtur sa herë që kjo na kërkohet, jo vetëm ne si Shqipëri, por dhe sa herë na kërkohet jashtë kufijve. Fakti që ne sot kemi akoma 42 ushtarakë në Afganistani e largët flet për këtë, fakti që ne kemi dhjetra, qindra ushtarakë të tjerë prezentë në struktura NATO e tregon këtë. Kjo është një mënyrë për tju përgjigjur drejt asaj që është motoja e vendeve të NATO-s 28 për 1 dhe 1 për 28 dhe kështu do të vazhdojë të jetë.
Unë e kuptoj këtë parimin e muskëtjerëve 1 për 28 dhe 28 për 1. Problemi është që historia ka treguar që aleancat nuk janë të përjetshme zonja ministre. Siguria kombëtare kurrsesi nuk duhet të bazohet mbi sigurinë kolektive. Është e para siguria individuale dhe mendoni se është bërë gabim nga të gjitha qeveritë shqiptare reduktimi i armatimit, reduktimi i FA?
Është interesante shumë nga e keni këtë informacion. Armatimi nuk është reduktuar, është vetëm përmirësuar dhe modernizuar.
Vetëm lajme skrapi ka prodhuar kjo ministri gjatë 20 viteve fundit të jem i sinqetrtë?
Unë krenarisht mund tju them nga pak muaj më parë e tutje FA të Shqiprisë do të vazhdojnë të kenë vetëm armatimin modern të standardeve NATO. Mmbas 5 vjetësh nuk kemi më dhe nuk do të kemi më kallashnikov nëpër duar, por do të kemi një armatim të denjë ashtu siç na takon dhe meritojmë ta kemi.
Kur hiqet gjithë armatimi sovjetik?
Ka një skedulim, ka një matricë që në momentin që hiqet një pjesë do të zëvëndësohet me këtë pjesën tjetër. Ne po vazhdojmë.
Sa është ky operacion financiar?
Është i madh, por gjëja që unë mund tju siguroj është që i gjithë investimi ynë, të gjitha paratë do të shkojnë për armatim dhe ngritje të strukturave që kanë lidhje me armatimin modern, po flitet dhe për trajnim padyshim, sepse duhet të trajnohen të gjithë ato që shpresoj nuk do tju duhet kurrë ta përdorin, por që mund të jetë edhe kështu dhe do të vazhdojë të jetë kështu. Ministria e Mbrojtjes nuk do të jetë më një histori skrapi, por do të jetë një histori modernizimi, modernizimi, modernizimi.
Gjithçka varet tek buxheti. Një nga kriteret e funksionimit të NATO-s është që çdo vend anëtarë 2 % të GDP-së duhet tja kushtojë strukturave të mbrojtjes. Sa është ky raport në 2015 dhe sa pritet të jetë në 2016?
Në samitin e Wellsit kryetasrët e shteteve firmosën një dokument, i cili e bënte të detyrueshëm 2 % për një periudhë deri në vitin 2020. Shqipëria ka pasur dhe vazhdon të ketë problemet e saj me buxhetimin, me borxhet, e gjithë këto historirat që nuk dua të hyj e ti përsëris, nukdua të përsëris as borxhet e gjetura këtu dhe mënyrën sesi janë menaxhuar financat e MM në vite. Gjëja që mund tju them është që ne kemi paguar 90 % tashmë të gjithë borxheve që kemi gjetur nga viti 2008 edhe flitet për borxhet që trashëguam ishin 16 milionë euro. Ishte pothuajse gjysma e investimit të një viti në MM që është një shifër për tu konsideruar. E harrojmë këtë pjesë sepse pas ristrukturimit të gjithë borxhit të qeverisë në përgjithësi i kemi tejkaluar këto probleme. Gjëja që do të doja të ritheksoja është rritja tashmë e buxhetit për vitin që vjen në nivelin gati 1 % dhe ne kemi një skedulim tonin për të mundësuar jo vetëm një stanjacion le të themi të situatës së 1 %, por për një rritje të ngadaltë deri në këto shifra.
Këto fondet ku do të fokusohen?
Z. Babaramo, mua më duhet tju them diçka. Shpesh herë ju dëgjoni me të drejtë që buxheti ka qenë më i madh dikur pastaj kaënë shumë, pastaj nuk dihet çfarë ndodh me buxhetin. Shiko ka diçka në këto momente. Një shifër nuk do të thotë asgjë, një shifër statistikore duhet komentuar, duhet shkuar në thellësi të shifrës, duhet krahasur e diskutuar mbi këtë shifër statistikore bazuar edhe në disa të dhëna të tjera. E them këtë sepse ne kemi pasur buxhetin më të madh vitin që ne kemi marë anëtarësinë. Cfarë ka ndodhur. Janë bërë disa makinacione finaciare, të cilat jo domozdoshmërisht kanë qenë paratë që realsiht janë shpenzuar në FA. Fondi i ushtarakëve në FA u mor dhe u fut në buxhetin e MM, po fondi ishte 0.4 % e GDP-së së vendit, vetëm pensionet e ushtarakëve. Pra nuk janë para të hedhura për modrnizimin e FA apo modernizimin e infrastrukturës apo trajnimin e saj
Çfarë armatimesh do blihen në 2016?
Do vazhdojmë të blejmë armatimin që kemi blerë. Ne kemi blerë pushkën M4 që është një pushkë automatike, e cila përdoret nga trupat apo nga FA të SHBA.
Tanke do ketë Shqipëria, sepse aktualisht më duket nuk ka asnjë tank?
Jo. Nuk ka nevojë të ketë.
Vetëm Vatikani nuk kishte?
Jo nuk ka as Islanda psh që është vend anëtarë i NATO-s dhe që nuk ka ushtri fare dhe që jeton në paqe edhe pa pasur ushtri se vijnë aleatët dhe e mbrojnë nëse do të ketë ndonjëherë problem.
Nuk di të ketë pasur ndonjë herë luftë në Islandë. Por unë shoh Serbinë që porositi armatim mbi dy miljard euro në Rusi, ndërkohë që Greqia porosiste nëndetse, tanke, avionë në kulmin e krizës financiare?
Prandaj po shkon akoma dhe më poshtë Greqia për shkak të nëndetëseve. Jo ne skemi nevojë për nëndetëse, atëherë kur i kishim ishte një epokë tjetër, sot kanë të tjerët edhe për ne. Por nuk do të kemi nevojë për nëndetëse në mesdhe shpresoj.
Doja të këmbëngulja tek buxheti. Ka një strukturim sa është e ndarë mes blerjes së paisjeve dhe sa është në infrastrukturë?
Atëherë më pëlqen që jeni kaq i strukturuar në pyetje realisht, sepse ju them dhe njëherë një shifër nuk thot asgjë po nuk shkove brenda shifrës të kuptosh se çfarë ndodh. Në fakt në kërkesat NATO edhe në vetë vendimarrjen e Samitit tëËellsit kërkohet që brenda 1.5 deri 2 % 20 % të jetë investime. Ne tentojmë shpesh herë ta kemi më të madh pjesën që i takon pagave dhe sigurimeve shoqërore, kemi akoma shumë punë për të bërë, por këtë vit që po mbyllim 2015 mund të them që investimet ishin 23 % e totalit të buxhetit të MM dhe kjo është një shifër për tu konsideruar dhe respektuar si sukses realisht. Do të vazhdojmë me armatimin dhe do të vazhdojmë me rritjen e sigurisë në vendet ku ne mbajmë armatimin, mënyrën sesi e ruajmë, rrethimet dhe ruajtjen e njësive dhe uniteteve tona ushtarake. Z. Babaramo ju them ne gjithë këto vite është bërë shumë pak për të mos thënë aspak. Ju vetë jeni një qytetarë, përveçse një gazetarë i vëmëndshëm, shpresoj dhe një qytetarë i vëmëndshëm që kaloni dhe kur shikoni një repart ushtarak besoj që kuptoni që të paktën rrethimi nuk duhet të ishtë ai që është, sepse ka munguar ky investim. Nuk është investuar në sigurinë e këtyre strukturave. Për të mos thënë që shpesh herë është abuzuar, kush ka pasur në dorë mallra të një sensibiliteti të caktuar. Kjo është një histori që do të vazhdojë brenda strukturave të FA ekziston Policia Ushtarake, ekziston struktura e Inteligjencës për të mbajtur të pa cënuar një strukturë e cila ka një sensibilitet të caktuar edhe për shkak të investimeve që bëhen në armatime, në municione e kështu me radhë.
Ne kuadrin e fondeve do doja domethëne qe t’ju kerkoja shpjegime lidhur me akuzat që ju ka bërë s’fundi Opozita për…folët domethënë për kontrollin e arjrit dhe është zhvilluar tenderi, ëshë larguar gjigandi amerikan Lokid Martin, gjithnjë duke ju referuar akuzave të Opozitës, dhe është zëvendësuar nga një dyqan celularësh në rrugën e Kavajës. Pak e frikshme në qoftë se do ishte e vërtetë?
Tani unë nuk e di nesë ju keni qenë i vëmendshëm në fjalën time të fundit në Parlament, e shpresoj shumë se keni qenë, sepse ka qenë pak e gjatë, e gjatë madje mund për shumkend edhe e mërzitshme, por ka pasur një të vërtetë të madhe brenda. Ky i ashtuquajturi dyqan i celularëve ka kontrata që nga 2005 deri në 2013 në mes te 2013, pra pa ardhur ne në qeverisje me Ministrinë e Mbrojtjes. Përtej kësaj më lejoni të ritheksoj edhe një herë, që radarët e detit nuk kanë të bëjnë me qiellin, nuk kanë të bëjnë me detin, kjo është një gjë dhe FA-të kanë detyrimin Kushtetues të ruajnë bregdetet shqiptare, bregdetin shqiptar në një distancë të caktuar. Mbi 3 km, sepse deri në atë distancë janë forcat Policore kufitare që e bëjnë këtë gjë. Rojet bregdetare sot që flasim dalin në patrullim 300 orë me shumë, 300 orë më shumë nga ç’dilnin në patrullim dy vjet përpara me të njëjtën sasi karburanti, madje ne na del dhe na tepron në fund të vitit, në një kohë që nuk ka qenë kështu, të paktën për vitin 2013. E ritheksoj dhe e kam thënë këtë histori pa fund dhe do vazhdoj ta them sepse është shumë e rëndësishme. Me datën 16 shtator në mbledhjen time të parë si Ministër i Mbrojtjes, zëvendes-Komandanti i Forcave Detare është cuar e ka thënë: zonjë unë nuk kam asnjë litër karburant për të patrulluar… do të thotë gadishmeria zero. Kjo është një gjë shumë e rëndë e tejkaluar tashmë, në një kohë që z. Babaramo ju kujtoni shumë mirë një tragjedi, e cila mund të kthehej në tragjedi shumë të madhe sic ishte djegja e tragetit që udhëtonte nga Igumenica në një aeroport të Italisë, dhe kemi qenë prezent 24 orë në 24 me anijet tona në suport dhe ndihmë të strukturave militare italiane në shpëtim të këtyre njerzëve. Dhe kjo ka ndodhur javën e fundit të vitit. 24 orë në 24 të cosh anije pafundësisht në fund të vitit pa pasur nevojë të marrësh karburant borxh, thjesht e vetem për shkak të një mirë menaxhimidhe mosabuzimi me këtë produkt. Pra, këto janë gjëra shumë të rëndësishme, ju siguroj duke folur me seriozitet dhe duke lënë mënjanë ironinë e kioskës cellulare, që firma që ka fituar tenderin e mirëmbajtjes është e njëjta që ka punuar në vite në Ministrinë e Mbrojtjes, për një fakt shumë të thjeshtë: është përfaqësuesi zyrtar i një kompanie ndërkombëtare si GEM-Elektronika, që është prodhuesi i radarëve që ne disponojë. është përfaqësuesi zyrtar, po përtej kësaj unë ju siguroj, unë kur kam ardhur në fillim kisha një dosje kaq të madhe me të gjithë opsionet që Forca Detare kishte bërë për shkak të mungesës së shkëmbimit të informacioneve dhe rënies dakort me Ministrinë për të tenderuar mirëmbajtjen e radarëve. Për shkak të këtij moskuptimi po e quajmë moskuptim në mënyrë elegante radarët kishin plot dy vjet që nuk mirëmbaheshin dhe për këtë shkak nuk punonin, nuk punonin. Ju lutem pyesni ata që kanë drejtuar më parë, nuk i vëmë gishtin askërkujt në këtë rast, si e kanë menaxhuar detin pyetini politikisht nuk dua fare të hyj konkretisht detajeve, se as duke qenë Ministër i Mbrojtjes nuk i hyj detajeve teknike, se nuk është një gjë që më takon mua, se është një gjë që i takon ekspertëve. Ne jo vetëm i rivumë në punë, ne jo vetëm po i mirëmbajme,por i vumë në punë se nuk punonte asnjë, as edhe një. A ka difekte rrugës se nuk punon? Po sigurisht, ndaj dhe ekziston dhe mirëmbajtja, po padyshim që një radar mund të mos punojë e shkohet direkt dhe operohet, sepse kjo është pjesë e punës së zakonshme, por ky lloj teatri sepse na duhet politikisht ta luajmë këtë teatër, mua nuk me rri, sepse po flasim për një gjë shumë serioze. Një gjë që duhet të jemi të gjithë bashkë, që e përsëris është siguria e këtij vendi, kufijëve tanë e realitetit tonë, e djersës sonë, e mundit tonë, dhe e të ardhmes së fëmijëve tanë. Ndaj në këtë diskutim, duhet të jemi realisht serioz dhe të bëhemi bashkë për t’i zgjidhur gjërat. Nuk mund për shkak të goditjes politike që duhet bërë, që i duhet bërë Ministrit të Mbrojtjes, sepse Ministri i Mbrojtjes nuk mund të bëjë përjashtime dhe të jetë i paatakueshëm. Si ka mundësi që të bësh Ministrin dhe të mos jesh i korruptuar? Ja që qëllon që mund te jesh.
Ky është një përjashtim nga rregulli
Unë flas për vete, unë nuk marr përsipër asnjë gjë përvecse cfarë ndodh në këtë Ministri, e dini pse zotëri, kam vënë dorën mbi Biblën e ketij vendi ose mbi librin e shenjtë të vendit që është Kushtetuta e këtij vendi dhe jam betuar se do ta bëj këtë punë me nder? Dhe këtë mundohem të bëj cdo ditë, por po flasim për një strukturë e cila është pak më e vecantë se sa një strukturë tjetër. Me gjithë respektin për gjithë Ministritë e tjera, po flasim për Ministri që ka të vecantat e veta, apo jo, sepse flasim për një gjë që ju them edhe një herë duket sikur është e zakonshme. Pse duhet të lindi dielli i bukur cdo ditë në vendin tonë pa dëgjuar sherre të tjera? Po ashtu duhet të jetë në fakt, po ja që mund që kjo qetësi dhe kjo paqe midis nesh brenda vendit tonë të mund të realizohet. Ka shumë mund, këtu është përfshirë dhe mundi im..
Qartë…Pak muaj pasi morët detyrën cuat dy tre dosje në prokurori ku akuzonit paraardhësin për afera korruptive, ato u mbyllën, i tërhoqet ju, po gjithsesi cështjet janë mbyllur. Cfarë rrethanash, cfarë ndodhi…
Duhet të pyesni Prokurorin e Përgjithshëm. Unë e riftoj Prokurorin e Pergjithshëm, gjithë strukturat, gjithë prokurorët, të vlerësojnë me seriozitet ato dosje që akoma janë aty. Ka një super-dosje nëse mund ta them, nëse mund ta quaj të tillë, që është dosja e përgjimit, që nuk mund të mbyllet për shkak se ne nuk kemië për të parë se cfarë ka ndodhur në atë aparat.
E ka Shqipëria atë ekspertize…
-Kështu që në mos e ka Shqipëria e kanë vendet e tjera ku mund të kërkohet ndihmë, dhe une besoj se ndihma ja vlen që të kërkohet. E dini pse? Sepse një herë aty janë bërë dy gabime të mëdha! Janë përdorur strukturat dhe mjetet e ushtrisë në mënyra të kundraligjshme dhe antikushtetuese, dhe e dyta përgjimi opozites, i trupit Diplomatik apo i kujtdo që mendonte ndryshe nga qeverisja e asaj kohe a do të thotë…
Cfarë indicje ka kjo që ka ndodhur kur nuk ka ende ekspertizë…Që ta kuptoj, se deri tani jemi në kuadrin e kauzave, e kundrakuzave politike.
Jo jo s’është…s’është, cuarja e nje dosje konkrete ne prokurori nuk eshte akuze politike
Sigurisht…
Eshtë një gjë konkrete dhe është aty megjithë materialet që kjo dosje përmbledh
Cfarë materialesh ka ajo dosje
Dhe ky është pretendimi i kahershëm i PS, në kohë kur ne ishim akoma në opozitë, ju e dini shumë mirë. Atëherë ju them Ministria e Mbrojtjes ose nëpërmjet Ministrisë së Mbrojtjes u blenë dy softe të cilat bëne plot 1.6 Milion Euro, softet janë njëra aktive dhe tjetra passive, që do të thotë ëra përgjon dhe tjetra ndërhyn dhe juve ju krijohet ideja se sikur në mesazh ju vjen nje mesazh nga Ministri i Mbrojtjes që është jashtë cdo etike dhe komunikimi dhe ndërkohë që “Unë” kam qenë duke bërë dicka tjetër.
E qartë…
Po flasim ne të dy e spo përmendim emër tjeter, të cilat, e para strukturat e Ministrisë së Mbrojtjes nuk duhet ta kenë këtë aparat. Nuk duhet ta kenë sepse pretendimi ka qenë që na duhej për njerëzit që kishim cuar në Afganistan, ndërkohë që për publikun dua dy fjalë të them nëse kemi akoma kohën…
Keni gjithë kohën e duhur
Strukturat tona, njesitë tona ushtarake shkojnë në mision nën komandën e një vendi tjetër dhe komanda e atij vendi tjetër, domethënë ka njësitë e veta dhe një njësi që është njësia shqiptare. Nuk kanë nevojë për aparatet e tua të përgjimit sepse ka të vetat, sepse mbron ushtarakët e vet dhe ndërkohë mbron dhe ushtarakët e tu. Po dhe sikur të ishte kështu, ky aparat nuk shkoi kurrë në Afganistan. Njerzit u trajnuan që përgjimet të bëheshin deri tek ndërtesa e Partisë Socialiste, madje aparaturat u vendosën në një makinë që ka parkuar përpara PS me dite të tëra.
Kjo është e verifikuar
Tjetër gjë pastaj, nuk po i futem fare diskutimit politik tashmë se thamë doni një gjë konkrete, doni një lajm. E kam thënë këtë gjën, po e rithem, le të ribëhet. Lajm për të justifikuar faktin që ky aparat të largohej nga vendi sepse ishte blerë për të përgjuar dikë tjetër u cua në Kosovë dhe u kthye ashtu sic shkoi. Nuk kishte asnjë rol. Dhe e fundit gjë, aparatit që është krejt thjesht një kompjuter i është hequr Hard-Disku, është krejtësisht e verifikueshme në dokumentat që Prokuroria ka. Pra, hard-disku ku janë regjistruar përgjimet.
Të gjitha tërësisht të bardha
Ishte i hequr, janë dokumentat që ishte i hequr, madje është paguar jashtë parave të Ministrisë së Mbrojtjes për të ardhur eksperti nga kompania që e kishte prodhuar produktin dhe për t’u ndërruar, meqë këtu kishin frikë ta bënin këtë gjë.
Atëherë kur është hequr Hard-Disku cfarë do gjeni kur ajo është bosh?
Unë nuk jam Prokurore, prokuroria e di, nuk jam. Bëj një punë tjetër. Unë di t’ju them që janë harxhuar 1.6 Milion Euro të taksapaguesve shqiptar për të përgjuar opozitën.
Tani ku janë këto aparatura?
Janë të bllokuara në Prokurori se dhe dosja është atje…
Jo dosja po them
Edhe aparatura vetë
Edhe aparatura!
Patjetër, aparatura është bllokuar që ditën që unë kam ardhur, është bllokuar, ka ndejtur e bllokuar e sixhiluar deri sa Prokurorët kanë ardhur dhe e kanë marrë në dorë .
Ndërkohë Ju i keni zëvendësuar këto.
Jo nuk është detyrë, nuk kam zëvendësuar asgjë, se nuk është detyrë e FA ta bëjë këtë gjë, është antiligjore dhe antikushtetuese!
Po derisa ushtria ka shërbimin e vet informative, duhet të ketë dhe paisje për…
Ushtria nuk ka nevojë për këtë paisje sepse kanë struktura të tjera ligjore që e kryejnë këtë punë edhe për ushtrinë.
Zonja Ministre ju falenderoj për intervistën
Ju falenderoj ju që erdhët.
Redaksia Online
(f.s/shqiptarja.com)
Lajme të tjera
-
Përplasje fizike te Flamurtari, klubi vlonjat ndërpret kontratën me Idriz Bathën
17 Dhjetor, 18:19 -
Ylli Manjani: Prokurori është thjesht palë
17 Dhjetor, 18:18
-
Nuk mori pjesë në mbledhjen e Këshillit të PD, Salianji për Report Tv: Nuk shkova që mos të shmangnin vëmendjen nga skandali Rama-Balluku
17 Dhjetor, 18:10 -
Aksident në aksin Lezhë–Milot, mjeti përplas të moshuarën teksa po kalonte rrugën
17 Dhjetor, 18:04 -
Berisha me një grusht militantësh në protesta: Kemi treguar ‘muskujt’, por s’kemi bërë mjaftueshëm për rrëzimin e Ramës! Duhen greva urie e demonstrata
17 Dhjetor, 18:01 -
Antimafia Italiane godet organizatën italo-shqiptare të trafikut të drogës, 9 të arrestuar në Toskana
17 Dhjetor, 17:53 -
'Rama nuk i fitoi zgjedhjet', Berisha flet për humbjen e 11 majit: Largimi i tij është zgjidhja e vetme
17 Dhjetor, 17:51 -
Berisha: Analizën e partisë do e lemë për mbledhjen tjetër, fokus tek përgjigja që do t’i japim Ramës
17 Dhjetor, 17:51 -
Samiti BE-Ballkani Perëndimor/ Osmani nga Brukseli: Kosova ka patur progres në reforma, por Unioni nuk na ka vlerësuar (VIDEO)
17 Dhjetor, 17:45 -
Kosovë/ Ambasada e SHBA-së: Synojmë të punojmë me qeverinë e re për avancim të prioriteteve të përbashkëta
17 Dhjetor, 17:44 -
Sali Berisha para anëtarëve të Këshillit: 11 maji farsë, Rama bleu zgjedhjet me bandat! Nëse mendoni se ka fituar, mashtroni veten
17 Dhjetor, 17:39 -
Krimet mjedisore/ Ministrat Lamallari e Jaupaj në tryezë për Kodin e ri Penal: Nuk synojmë vetëm ndëshkimin, por parandalimin
17 Dhjetor, 17:33
