Ish ambasadori Agim Nesho, njëherësh nënkryetar i Partisë së Lirisë i ftuar në “5 pyetjet" nga Ilir Babaramo në Report Tv ka deklaruar se SHBA dhe BE duhet të kishin dalë me veprime të menjëhershme për sulmin e 24 shtatorit në Veri të Kosovës ku mbeti i vrarë polici Afrim Bunjaku dhe 3 sulmues serbë. Sipas tij Serbia është satelit i Rusisë.

“Ajo që ndodhi në 24 shtator ishte skandal i jashtëzakonshëm që si BE dhe SHBA duhet të dilnin me veprime të menjëhershme. Pse? Sepse ai (Vuçiç) ka prishur çdo marrëveshje për t’u futur në BE, ndërsa provokimi i fundit do të thotë se nxit agresion. Nacionalizmi serb është  primitiv, por ka qenë në rikthimin e madhështisë së Ish Jugosllavisë, duke lejuar që Rusia të jetë prezente në Serbi. Sot ata janë një satelit i Rusisë”, tha Nesho.

Politologu Nezir Kraki ka bërë një analizë të veprimeve të Ramës në lidhje me tensionet Kosovë-Serbi duke mos i kursyer kritikat.

“Duke i njohur personazhët publikë normalisht që edhe një kërkim falje në gjunjë i Ramës sot sdo të kryente pune sepse nuk është ky momenti i tij i vetëm. Propozimi i tij absurd për organizimin e  një konference nënkupton se Kosova ende s’ka status. Idea për ta rikthy statusin e Kosovës në nivele aq të larta është në vijë me strategjinë Serbe. Propozimi i statutit për komunat Serbe kur Rama se di as ku janë ato komuna kjo është e çuditshme dhe e papranueshme”, shtoi ai.

Gazetari Alban Selimi tha se situata në Banjskë është e qete dhe policia vijon hetimet.

“Banjskë është pak me e qete është vendosur policia e me njësite e saj po vijojnë hetime. Policia nuk ka probleme me banorët dhe kjo u pa nga foto por me grupet terroriste që mori jetën e një polici. Qytetaret serbe janë nën nën dirigjimin e Beogradit ata e mbështesin deklaratat qe thuhen. Nuk kanë pranuar te integrohen në Kosove duke krijuar një sistem paralel. Kështu që këto deklarata janë te dirigjuara nga Beogradi, ai jep rroga dhe i mban te varur ” u shpreh Selimi.

Gjatë fjalës së tij Selimi tha në veri janë rritur presionet ndaj shqiptarëve.

“Gjendja dhe presioni është rritur kundrejt shqiptareve, është një rast dhune në një familje në Medvegje. Sot janë identifikuar huliganët të cilët sulmuan famlijen në Medvegjë. Në Medvegjë ka mbetur një numër të vogël shqiptarësh. Në këtë qytete jetojnë rreth 500 persona, pas luftës u shpërngulën nga presioni,” u shpreh gazetari.

“Në kufirin mes Serbisë dhe Kosovës janë disa baza ushtarake serbe. Në Vërnan dhe Kamenicë ka trupa të tjerë. Edhe Raçë ka ushtri edhe është një pikë e fortë. Kam pare numër te shtuar te ushtrisë serbe edhe në Karadak. Pamë ushtarë lëviznin ne vazhdimësi me kamionë me blinda te tyre. Lëvizinin ne distance deri në 1 kilometer në dy fshatrat Magjere, Bohis në kufirin me Kosovës dhe Serbisë,” u shpreh ai teksa foli edhe per masat e marra si dhe praninë e ushtrisë serbe në veri.

Më 24 shtator, grupe të armatosura sulmuan policinë e Kosovës në Banjskë të Zveçanit - pjesa veriore e Kosovës - duke vrarë rreshterin Afrim Bunjaku.  Në shkëmbimin e zjarrit që pasoi, u vranë edhe tre sulmues të nacionalitetit serb. Përgjegjësinë për sulmin e mori Millan Radoiçiç, i cili vinte nga Lista Serbe - partia më e madhe e serbëve të Kosovës.

Rendit zhvillimet sipas orarit:
Ora 22:17
Propozimet e Ramës për situatën në veri të Kosovës, Kraki tek “5pyetjet”: Absurde, a thua se jeton në planet tjetër

 

Politologu, Nezir Kraki i ftuar tek “5pyetjet” nga Ilir Babaramo në Report Tv ka folur në lidhje me propozimet e kryeministrit Edi Rama për situatën në veri të Kosovës pasa sulmit të 24 shtatorit.

“Rama doli e dha një ide, sa për sy e faqe sic themi ne si popull. Është u çuditshme është ne deklarata është në përputhje a thu qe jeton në planet tjetër dhe i duhet 48 ore me kuptu per te përdor termin terrorist dhe ka qenë i vetmi bashkë me zëdhënësin e tij qe kane besu Vuçiçin. Ata kane ricikluar ketë konferencë per popullin shqiptar. Esenca është shfajësimi i Serbisë, relatizimi i rolit të Vuçiç dhe Serbisë.  Tre dite me vone qe Radojcic foli me terma si Rama. Ka njerëz qe bëjnë politike marrin informata dhe janë 3 dite me herët se terroristë me te njëjtin narracion,” u shrpeh Kraki.

"Propozimi i tij absurd për organizimin e  një konference nënkupton se Kosova ende s’ka status. Idea për ta rikthy statusin e Kosovës në nivele aq të larta është në vijë me strategjinë Serbe. Propozimi i statutit për komunat Serbe kur Rama se di as ku janë ato komuna kjo është e çuditshme dhe e papranueshme”, shtoi ai.

B.K/Shqiptarja.com