Shefqet Kastrati shfaqet për herë të parë në një intervistë, shpjegon marrëveshjen me WizzAir: Çmime më të lira në 29 destinacione! Brenda 3 vitesh, 10 milionë pasagjerë

Aeroporti Ndërkombëtar i Tiranës po arrin një numër të madh pasagjerësh dhe rritja po vazhdon tashmë që kaluam kohët më të vështira të pandemisë. Shefqet Kastrati, President i Kastrati Group pasi është takuar sot me Robert Carey, Presidentin e Wizz Air Group është shfaqur për herë të parë në një intervistë dhe ka shpjeguar marrëveshjen me WizzAir. Ai ka deklaruar se do t'u afrojnë qytetarve çmime më të lira në 29 destinacione dhe se deri në fund të vitit do të shkojnë në 34 destinacione.

Kastrati ka deklaruar se ka plane të mëdha për këtë aeroport përsa i përket shtrirjes, shërbimeve të reja dhe linjave ajrore të reja. Ndërsa të gjitha linjat ishin në krizë për shkak të COVID, Kastrati tha se e kanë përballuar mjaft mirë, duke rikthyer linjat por edhe duke shtuar të reja. Brenda 3 vitesh, Kastrati nënvizoi se synojnë 10 milionë pasagjerë. 

"Vendosja e avionit të 6 të Wizz air është një partner strategjik i joni mandje gjej rastin ta falenderoj për besimin angazhimin në Shqipëri duke u afruar qytetarve çmime më të lira në 29 destinacione, deri në fund të vitit do të shkojë  34. Ulëm tarifat futëm konkurencës pavarësisht se të gjitha aeroportet ishin në krizë nga COVID ne falë stafit tonë duhet të gjej rastin ti falenderoj punuan 6 muaj dhe i rikthyem linjat edhe shtuam të tjera me tarifa më të ulëta në rajon.

LEXO EDHE:
'Shqipëria kryeson në rritjen e trafikut ajror të pasagjerëve për muajin shkurt, Rama: Jemi gati për të mirëpritur botën

Me këtë fluks që kemi dhe si mendojmë të na ecë aeroporti, aeroporti ndihmon ekonominë biznesin ekonomine te gjitha. Në muajin korrik ne kemi pasur fluksin më të madh në europë. Ne mendojmë se edhe muaji gusht edhe shtatori edhe tetori do të jetë në këtë rrugë. Çdo ditë na ofrohen kompanitë më të mira në botë për me lidh kontrata me ne, shumë  shpejt do jemi lider të rajonit. Sipas ekspertëve ndërkombëtarë brenda 3 viteve do shkojë në 10 milion pasagjerë në vit/ Sështë zhvillim vetëm për ne.

Sa kemi blerë aeroportin kemi kontaktuar me formën më të madhe në botë dhe ajo ka bërë një masterplan dhe do fillojmë me riparimin e pistës me shtimin e parkimeve, vlera do ta kalojë 100 milionshi. Që 30 vite investojmë në Shqipëri. Shumë shoejt kastratin do ta nxjerrim në gusht në treg dhe qytetarët të kenë mundësi të investojnë dhe të fitojnë te kastrati. Kompanitë më së pari do ua ofrojmë shqiptarëve pastaj në tregun ndërkombëtar", tha Shefqet Kastrati, President i Kastrati Group.

Linja ajrore Wizz Air njoftoi sot vendosjen e avionit të 6-të në bazën e saj në Tiranë. Avioni i ri do t’i bashkohet flotës së Wizz Air me bazë në Tirana International Airport (TIA), duke mundësuar fillimin e fluturimeve direkte nga TIA drejt Liverpulit (Mbretëria e Bashkuar), Madridit (Spanjë), Billundit (Danimarkë) dhe Oslo Sandefjord Torp (Norvegji), si edhe shtimin e frekuencave të destinacioneve ekzistuese të linjës ajrore: Ankona, Verona, Luton, Bruksel, Paris, Berlin, Hamburg, Memingem.  Flota e Wizz Air me 6 avionë dhe me 4 destinacione shtesë duke filluar nga muaji Dhjetor 2021 do të vazhdojë të operojë me tarifa të ulëta që lidhin Shqipërinë me pjesën tjetër të Europës. Wizz Air e lidh tashmë Tiranën me 34 destinacione të Europës.

TAG:
• aeroporti nene tereza
• Nene Tereza
• Shefqet Kastrati