Receta

Supë krem me pulë dhe hudhra nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 11 Nëntor, 11:21 | Përditesimi: 11 Nëntor, 11:22

Supë krem me pulë dhe hudhra

Përbërësit:

300 gr mish pule
2 lgj vaj ulliri
1 lgj gjalpë
4 thelpinj hudhër
2 lgj miell
2 fç qumësht
3 fç lëng pule
1 lgj oriz
2 karrota
1 ls turmerik
Boce të vogla lulelakër
Kripë, piper i zi
Bukë e thekur për servirje

Përgatitja:

LEXO EDHE:
Pulë e mbushur nga zonja Albana

Fillimisht vendosim mishin e pulës të ziejë në ujë me kripë për rreth 30 minuta. Më pas kullojmë lëngun dhe mishin e pulës e presim në copëza të vogla. Hudhrat i grijmë imët dhe i kaurdisim së bashku me karrotat me pak vaj ulliri dhe gjalpë. Shtojmë miellin dhe e kaurdisim duke e trazuar vazhdimisht në mënyrë që mielli të mos kokrrizohet. Pasi mielli ndryshon pak ngjyrë shtojmë qumështin dhe e trazojmë siç veprojmë me beshamelin. Shtojmë më pas mishin e pulës së bashku me lëngun, lulelakrën dhe e lëmë supën të ziejë për pak minuta. Rregullojmë shijen me kripë dhe piper dhe e servirim supën të ngrohtë me kubikë buke të thekur me pak gjalpë dhe majdanoz.