POP 5

Lajmet më të lexuara të 5 minutave të fundit

Opinion

Surpriza: Dita e Kujtesës
ekziston por e kanë harrua

Shkrimi im i publikuar te Shqiptarja.com mbi mungesën e një dite kushtuar Kujtesës së martirëve të komunizmit në Shqipëri shkaktoi shumë reagime, gati të gjitha pozitive, gjë që pohon faktin se si kjo ndjenjë boshllëku që perceptohet ndaj tmerreve të kryera nga diktatura komuniste, është e përbashkët.
Një Ditë Kujtese edhe për viktimat e komunizmit shqiptar
Shkrimi im i publikuar te Shqiptarja.com mbi mungesën e një dite kushtuar Kujtesës së martirëve të komunizmit në Shqipëri shkaktoi shumë reagime, gati të gjitha pozitive, gjë që pohon faktin se si kjo ndjenjë boshllëku që perceptohet ndaj tmerreve të kryera nga diktatura komuniste, është e përbashkët.

Krahasimi im ishte me kulturën totalisht të kundërt të ndjekur nga Izraeli, i cili përkujton çdo ditë dhe në çdo vend të mundshëm martirët hebrej të shfarosjes së nazistëve. Por surpriza më erdhi nga miku dhe kolegu Afrim Krasniqi, i cili më bën me dije se që nga 2010 ekziston edhe në Shqipëri "Dita e përkujtimit të viktimave dhe të krimeve të komunizmit në Shqipëri". Dita e përzgjedhur është ajo e 20 shkurtit, ditë e rrëzimit të statujës së Enver Hoxhës.

Nisma është marrë nga qeveria e Sali Berishës që më pas ka çuar në Parlament ligjin nr. 10 241, i votuar dhe i miratuar me 25 shkurt 2010. Por befasia qëndron në faktin se asnjë qeveri, duke filluar nga vetë qeveria e PD që e bëri, nuk është kujtuar ta festojë.
 
Dita e përkujtimit të viktimave dhe të krimeve të komunizmit në Shqipëri ka mbetur kështu për pesë vite rresht një vendim i harruar, bashkë me dy projekte të përfshira në atë ligj. Neni 4 në fakt parashikon: ''Ngarkohet Këshilli i Ministrave të krijojë Muzeun Kombëtar të Viktimave dhe të Krimeve të Komunizmit në Shqipëri'' ndërsa neni  5:  ''Këshilli i Ministrave të nxjerrë aktet e nevojshme nënligjore për ngritjen e Obeliskut të Viktimave dhe të Krimeve të Komunizmit në Tiranë, si dhe të monumenteve përkujtimore në qytetet e tjera të Shqipërisë''.
 
Pra, jo vetëm që nuk është festuar ndonjëherë dita e Kujtesës e fiksuar me ligj me 20 shkurt, por qeveria e PD (në pushtet deri më 2013) nuk ka zbatuar as nenet 4 dhe 5 të ligjit, të cilat parashikojnë krijimin e një Muzeu Kombëtar, të një obelisku në Tiranë dhe të monumenteve në qytete të tjera dedikuar viktimave të krimeve të komunizmit.

Vetëm nëse, për Muze Kombëtar nënkuptohet pavioni i varfër dhe periferik në katin e fundit të Muzeut ekzistues Kombetar dhe për Obelisk në Tiranë nënkuptohet bunkeri i vogel (sot për fat të keq kthyer në një banjo publike) dhe një copëz muri Berlini përballë Rognerit. Atëherë, tallja me këtë pjesë të vuajtur të popullit shqiptar duket e dyfishtë.
 
Falenderoj Afrim Krasniqin për saktësimin e tij të vlefshëm, që për fat të keq nuk ndryshon thelbin e denoncimit tim, përkundrazi në disa aspekte e rëndon: ekzistenca e një ligji mbi Kujtesën i lënë i pazbatuar tregon në fakt që zgjedhja për të mos përkujtuar viktimat e terrorit komunist nuk ka qenë një harresë e thjeshtë edhe pse e rëndë, por një vendim i vërtetë politik.
 
Qeveria aktuale ka tani mundësinë për të treguar se politika e indiferencës ndaj historisë dhe viktimave të terrorit komunist e imponuar prej vitesh nga Sali Berisha dhe nga partia e tij, i përkasin të shkuarës. 20 shkurti 2017 nuk ka ardhur akoma.

Nëse festa e Çlirimit me të drejtë përkujton heroizmin e atyre që sakrifikuan jetën për të çliruar vendin nga pushtuesit nazi-fashistë, festa e 20 shkurtit u duhet dedikuar atyre që pas Çlitimit humbën jetën e tyre dhe dinjitetin e tyre, të shtypur nga një regjim i ngjashëm me atë që donte të krijonte pushtuesi. Organizimi atë ditë i një ceremonie solemne do të ishte një hap i vogël drejt ripajtimit mes shqiptarëve dhe me të kaluarën e errët, një ripajtim që strategjia e fshehjes së historisë e ndjekur deri tani ka penguar.


dy.b/shqiptarja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Bora në Kukës, akset nacionale të kalueshme me zinxhirë! Pa drita disa fshatra në zonat e thella

Bora në Kukës, akset nacionale të kalueshme me zinxhirë! Pa drita disa fshatra në zonat e thella

12 Janar, 08:57