-Alo, deshëm staf për hotelin tonë! Na ndihmoni dot?
-Po cfarë kushtesh ofroni?
-Po ja, ato rroga që dihen, 7 ditë punë në sezon, por ama ka bakshishe plot...
Ndërsa të rinjtë i kanë sytë nga Gjermania këtë prag sezoni veror, punëdhënësit e sektorit të turizmit po kalojnë sfidën më të madhe, atë të mungesës së stafit. Sikur të mos mjaftonte profesionalizmi i mangët në këtë sektor, mosorientimi i profesioneve dhe dëshira e pakët e të rinjve të bëhen kamarierë apo banakierë, na u shtua dhe sfida gjermane.
Gjermania foli: “Vetëm profesionistët që kanë të paktën 2 vjet arsim profesional e ata të kualifikuarit e lartë…”
Deri më sot, nuk kishe nevojë të kualifikoheshe që të punësoheshe kamarier në Shqipëri. Në një vend si Shqipëria është shumë kollaj të bëhesh kamarier, por Gjermania na do të kualifikuar, ndaj le të trajnohemi!
Cfarë po bëjmë gabim? Të paktën në sektorin e turizmit, mund ta kishim parandaluar këtë dëshirë të madhe për t’u larguar. Aty ka marzh rritjeje. Rrit çmimet, rrit pagat, trajno, motivo, mbaje stafin.
Mburremi me turizmin e lirë për të huajt? Turizmi I lirë ka kostot e veta: staf i patrajnaur, staf i mangët, staf i larguar.
Nuk i vë faj askujt që do të largohet, ndërsa paga e një kamarieri shkon shpesh herë nën nivelin e pagës minimale, ku në vendin e tyre të punës nuk ka asnjë stimul ndryshe për t’u motivuar, nuk mësohet, nuk zhvillohesh, nuk rrihet më. Një strukturë organizative horizontale, ku ka një pronar dhe 20 kamarierë nën të, të gjithë njëlloj, të paorientuar, të patrajnuar, të paguar keq, me sytë nga Gjermania.
Në punën time të përditshme njoh plot sipërmarrës të tjerë të cilët i kanë paraprirë kësaj plage. Ata janë trajnuar vetë njëherë, janë orientuar dhe kanë strategji të qarta se si të diferencohen, të ofrojnë një super shërbim ku raporti çmim - cilësi është i duhuri. Ata nuk vuajnë për staf. Këta sipërmarrës kanë gjithmonë staf sepse tërheqin njerëz që duan të punojnë. Ata i japin stafit stimuj, mirëpaguajnë dhe trajnojnë stafin sepse e dinë që një staf i trajnuar është aset, rrit shërbimin, rrit shitjet. Njoh kamarierë e banakierë që nuk e kanë aspak opsion Gjermaninë sepse janë të plotësuar këtu ku janë. Fundja këtu në vendin e tyre ata mund të rriten profesionalisht dhe pse jo të kalojnë në nivele menaxheriale. Po në Gjermani, sa kohë do t’u duhej që të merrnin drejtimin e biznesit përsipër?
E pra, s’na e ka fajin Gjermania, janë kushtet e punës e stimujt e munguar që i largojnë të rinjtë. Të paktën në sektorin I turizmit, ka akoma vend për rritje çmimesh, nëse kjo e justifikon pagesën e mirë, trajnimin, mbajtjen e stafit e motivimin e tyre për të vazhduar në vendin e tyre e për të ofruar cilësi në shërbim. Pse jo? Le ta paguajë turisti I huaj koston e shtuar të stafit. Rrisni pagat, ofroni ditët pushim sipas kodit të punës, trajnoni e motivoni stafin tuaj.
Vetëm kështu nuk do t’i hedhin sytë nga Gjermania.
Gladiola Dona, Akademia e Mikpritjes dhe Turizmit (HAT)
Komente
Lajme të tjera
-
Wall Street Journal: Pse Shqipëria duhet të jetë destinacioni i radhës për udhëtarët e zgjuar
24 Nëntor, 20:33 -
Mirela Kumbaro për 'Radio Evropa e Lirë': Shqipëria synon turizëm elitar me gjithë sfidat
24 Nëntor, 18:13 -
'Çifti nga qyteti' që zgjodhën për të investuar në Zhulat të Gjirokastrës, Rama: 'Paketa e Maleve', mbështetje për turizmin
23 Nëntor, 09:49 -
Barazojnë Gjermania e Holanda, Bosnje-Hercegovina zbret në Ligën B! Martinez si Maradona, kthen Argjentinën te fitoret (VIDEO)
20 Nëntor, 12:23 -
' Pagat në turizëm, konkurruese me Athinën!' Rama platformë me ofertat e tregut për emigrantët: Çmenduri të rrish në ndërtim në Greqi, kur rrogat këtu janë super
16 Nëntor, 09:50 -
SHIFRAT/ Fitimi bruto i bizneseve vjet mbi 3.4 mld euro! ‘Trofeun’ e merr turizmi, por bizneset prodhuese më fitimprurëse
9 Nëntor, 18:27
-
Rregullat e reja për sezonin veror 2025/ Kumbaro: Prioritet plazhet publike, bashkitë riorganizojnë dhe menaxhojnë hapësirat! Më 15 nëntor hapet aplikimi
6 Nëntor, 13:01 -
Vjeshta në Lepushë dhe Vermosh, pamje mahnitëse nga fshatrat turistikë mes Alpeve! Pronarët e bujtinave: Kemi turistë, por s’ka kush u shërben
4 Nëntor, 15:16
-
Shkëlqimi dhe fundi pa lavdi i ‘Turizmit të Ri’ të Kukësit
4 Nëntor, 11:26 -
Turizmi, Rama: Jemi rritur me 3.2 milion udhëtarë përmes TIA! Tetori arriti në 942 mijë pasagjerë, 47% më shumë se vjet
2 Nëntor, 21:24 -
Gjermania thotë se do t’i mbyllë 3 konsullata iraniane, pas ekzekutimit të shtetasit gjermano-iranian
1 Nëntor, 09:04 -
Barometri Botëror i Turizmit e rendit Shqipërinë në vend të parë në Europë, Rama: Kryesojmë për rritjen e numrit të vizitorëve
30 Tetor, 12:30
Shkrim i qarte dhe i drejte. Pikerisht ketu qendron problemi. Por mesa duket Kryeministri jone ose nuk e ka kuptuar ose nuk deshiron ta pranoje. Faji nuk e ka rinia, por biznesi. Nuk eshte zgjidhje importimi i forces se punes nga jashte, por nxitja dhe formimi i forces punetore vendase.
PërgjigjuPor nje pjese e madhe ,,Jane per pushime neper Burgje ,,se sju ka pelqyher Puna e Nderdhme ! Ndersa ata qe punojne Jane Njerezit me te Respektuar ,,Si nga Populli Gjerman apo dhe nga ana Ligjore Gjermane ..
Përgjigju